ഷിംല: ഹിമാചല്‍പ്രദേശിലെ ഷിർമൂർ ജില്ലയില്‍ നിന്നുള്ള യുവതിക്കും കുഞ്ഞിനുമാണ് വൈറസ് ബാധ സ്ഥിരീകരിച്ചത്. ഇരുവരും കഴിഞ്ഞ മെയ് നാലാം തീയതിയാണ് ഡല്‍ഹിയില്‍ നിന്നും ഹിമാചല്‍പ്രദേശില്‍ എത്തിയത്. രണ്ട് പേർക്കും രോഗ ലക്ഷണങ്ങളില്ലെന്നും ഇരുവരും സംസ്ഥാനത്ത് എത്തിയത് മുതല്‍ ക്വാറന്‍റയിനില്‍ തുടരുകയാണെന്നും അധികൃതർ വ്യക്തമാക്കി.
ഇതോടെ സംസ്ഥാനത്ത് കൊവിഡ് 19 സ്ഥിരീകരിച്ചവരുടെ എണ്ണം 70 ആയി. അതേസമയം സംസ്ഥാനത്ത് കൊവിഡ് 19 ബാധിച്ചവരില്‍ 39 പേർ ഇതിനകം രോഗ മുക്തരായി. 28 പേരാണ് വൈറസ് ബാധയെ തുടർന്ന് സംസ്ഥാനത്ത് ചികിത്സയിലുള്ളത്.
