ഭോപ്പാല്‍: മധ്യപ്രദേശിലെ ഇന്‍ഡോറില്‍ സ്വകാര്യ ആശുപത്രിയില്‍ തിമിര ശസ്ത്രക്രിയക്ക് വിധേയരായ 11 പേര്‍ക്ക് കാഴ്‌ച നഷ്‌ടപ്പെടുന്നതായി പരാതി. ദേശീയ അന്ധതാ നിവാരണ പദ്ധതിയുടെ ഭാഗമായി ഓഗസ്റ്റ് എട്ടിന് ഇന്‍ഡോറിലെ കണ്ണാശുപത്രിയില്‍ ശസ്ത്രക്രിയക്ക് വിധേയരായവരാണ് പരാതിയുമായി രംഗത്തെത്തിയതെന്ന് ഇന്‍ഡോര്‍ ചീഫ് മെഡിക്കല്‍ ഓഫീസര്‍ പ്രവീണ്‍ ജാഡിയ അറിയിച്ചു. ഇവരില്‍ പലര്‍ക്കും കാഴ്‌ച നഷ്‌ടപ്പെട്ടുകൊണ്ടിരിക്കുകയാണെന്നും ആശുപത്രിയുടെ ലൈസന്‍സ് റദ്ദാക്കിയെന്നും അദ്ദേഹം പറഞ്ഞു. 2010 ലും ആശുപത്രിയില്‍ സമാന സംഭവം നടന്നിരുന്നു. അന്ന് 18 പേര്‍ക്കായിരുന്നു കാഴ്‌ച നഷ്‌ടമായത്.
ഇന്‍ഡോറിലെ ആശുപത്രിയില്‍ തിമിര ശസ്ത്രക്രിയക്ക് വിധേയരായവര്‍ക്ക് കാഴ്‌ച നഷ്‌ടപ്പെടുന്നതായി പരാതി
