ഒരു കുടുംബത്തിലെ ഒരാൾക്ക് ജോലി; എ.എം.എം.കെ പ്രകടന പത്രിക പുറത്തിറക്കി

തെരഞ്ഞെടുപ്പുമായി ബന്ധപ്പെട്ട് ടി.ടി.വി ദിനകരനുമായുള്ള സംയുക്ത റാലിയിൽ പങ്കെടുക്കുന്നതിനായി അസദുദ്ദീൻ ഒവൈസി ചെന്നൈയിൽ എത്തിയിട്ടുണ്ട്.

ചെന്നൈ: തമിഴ്‌നാട് നിയമസഭാ തെരഞ്ഞെടുപ്പുമായി ബന്ധപ്പെട്ട് അമ്മ മക്കൾ മുന്നേറ്റ കഴകം(എ.എം.എം.കെ) പ്രകടന പത്രിക പുറത്തിറക്കി. ഒരു കുടുംബത്തിലെ ഒരാൾക്ക് ജോലി നൽകുമെന്നതാണ് പ്രധാന വാഗ്‌ദാനം. കൂടാതെ പ്രായമായവരുടെ അലവൻസ് 2,000 രൂപയായി ഉയർത്തുമെന്നും അഞ്ച് പേരടങ്ങുന്ന എഞ്ചിനീയറിംഗ് ബിരുദധാരികളുടെ ഒരു ഗ്രൂപ്പിന് ബിസിനസ് ചെയ്യാൻ 25 ലക്ഷം രൂപ വായ്‌പ നൽകുമെന്നും പ്രകടന പത്രികയിൽ പറയുന്നു.