ബെംഗളുരു: പതിനഞ്ച് വര്ഷം മുമ്പ് നടന്ന ഒരു അപകടത്തിന്റെ നഷ്ടപരിഹാര വിഷയത്തില് നിര്ണായക ഇടപെടലുമായി കര്ണാടക ഹൈക്കോടതി (Karnataka High Court). അപകടത്തിന് കാരണമായത് ബൈക്ക് യാത്രികന്റെ ഭാഗത്ത് നിന്നുള്ള വീഴ്ചയാണെന്ന് കണ്ടെത്തി നഷ്ടപരിഹാരത്തുക വെട്ടിക്കുറച്ച് കൊണ്ടാണ് കോടതി ഉത്തരവിട്ടിരിക്കുന്നത് (15 years ago Accident case: Bike rider proved at fault, compensation reduced to 85 thousand).
അപകടത്തിന് കാരണമായത് 75 ശതമാനവും ബൈക്ക് യാത്രികന്റെ വീഴ്ചയാണെന്നാണ് കോടതി കണ്ടെത്തിയിരിക്കുന്നത്. നേരത്തെ 3.4 ലക്ഷം രൂപയാണ് ബൈക്ക് യാത്രികന് നഷ്ടപരിഹാരം വിധിച്ചിരുന്നത്. ഇത് ഇപ്പോള് 85,000 രൂപയായി ആണ് വെട്ടിക്കുറച്ചിരിക്കുന്നത്.
കര്ണാടക റോഡ് ട്രാന്സ്പോര്ട്ട് അതോറിറ്റിയാണ് കോടതിയെ സമീപിച്ചിരുന്നത്. ദൃക്സാക്ഷികളുടെയും ചിത്രങ്ങളുടെയും സഹായത്തോടെയാണ് കോടതി പുതിയ നിഗമനത്തിലേക്ക് എത്തിയിരിക്കുന്നത്. ഡ്രൈവര് അപകടം ഒഴിവാക്കാന് കിണഞ്ഞ് ശ്രമിച്ചിരുന്നതായി ചിത്രങ്ങളില് നിന്ന് വ്യക്തമാണെന്ന് കോടതി ചൂണ്ടിക്കാട്ടി.