ಪಿಯು ವಿದ್ಯಾರ್ಥಿಗಳಿಗೆ ಸುವರ್ಣಾವಕಾಶ: ಎಐ ಸೇರಿ ವಿವಿಧ ಕೋರ್ಸ್​ಗಳಿಗೆ ಅರ್ಜಿ ಆಹ್ವಾನಿಸಿದ ಮದ್ರಾಸ್ ಐಐಟಿ - IIT Madras Online AI Courses

Online AI Courses In IIT Madras: ಐಐಟಿ ಮದ್ರಾಸ್ ದೇಶಾದ್ಯಂತ ವಿವಿಧ ಶಿಕ್ಷಣ ಸಂಸ್ಥೆಗಳಲ್ಲಿ 11 ಮತ್ತು 12ನೇ ತರಗತಿಗಳಲ್ಲಿ ಓದುತ್ತಿರುವ ವಿದ್ಯಾರ್ಥಿಗಳಿಗೆ ಆನ್‌ಲೈನ್ ಕೋರ್ಸ್‌ಗಳನ್ನು ನೀಡಲು ಅರ್ಜಿಗಳನ್ನು ಆಹ್ವಾನಿಸಿದೆ. ಇದರಲ್ಲಿ ಎಐ ಸೇರಿದಂತೆ ಅನೇಕ ಕೋರ್ಸ್​ಗಳಿದ್ದು, ಅವುಗಳ ಶುಲ್ಕ ಎಷ್ಟು ಗೊತ್ತೇ?.

Online AI Courses In IIT Madras: ದೇಶದ ಅತ್ಯುತ್ತಮ ಶಿಕ್ಷಣ ಸಂಸ್ಥೆ ಐಐಟಿ-ಮದ್ರಾಸ್ ವಿದ್ಯಾರ್ಥಿಗಳಿಗೆ ಉತ್ತಮ ಅವಕಾಶಗಳನ್ನು ನೀಡುತ್ತಿದೆ. ಎಂಟು ವಾರಗಳ ಅವಧಿಯ ಆನ್‌ಲೈನ್ ಸರ್ಟಿಫಿಕೇಟ್ ಕೋರ್ಸ್‌ಗಳಿಗೆ ಅರ್ಜಿಗಳನ್ನು ಆಹ್ವಾನಿಸಿದೆ.

ಡೇಟಾ ಸೈನ್ಸ್, ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ (AI) ಮತ್ತು ಎಲೆಕ್ಟ್ರಾನಿಕ್ ಸಿಸ್ಟಮ್ಸ್‌ನಂತಹ ಸುಧಾರಿತ ಕೋರ್ಸ್‌ಗಳನ್ನು ಪ್ರತಿ ಕೋರ್ಸ್‌ಗೆ 500 ರೂ ಅರ್ಜಿ ಶುಲ್ಕದಲ್ಲಿ ಕಲಿಸಲಾಗುತ್ತದೆ. ಆದರೆ, ಈ ಅವಕಾಶ ಐಐಟಿ-ಮದ್ರಾಸ್‌ನ ಪಾಲುದಾರರಾಗಿ ನೋಂದಾಯಿಸಲಾದ ಶಾಲೆಗಳಲ್ಲಿ 11 ಮತ್ತು 12ನೇ ತರಗತಿಯಲ್ಲಿ ಓದುತ್ತಿರುವ ವಿದ್ಯಾರ್ಥಿಗಳಿಗೆ ಮಾತ್ರ ಲಭ್ಯ. ಆಯಾ ಶಾಲೆಗಳ ವಿದ್ಯಾರ್ಥಿಗಳು ತಮ್ಮ ಶಿಕ್ಷಕರನ್ನು ಸಂಪರ್ಕಿಸುವ ಮೂಲಕ ಈ ಕೋರ್ಸ್‌ಗಳಿಗೆ ಅರ್ಜಿ ಸಲ್ಲಿಸಬಹುದು.

ಆನ್‌ಲೈನ್ ಸರ್ಟಿಫಿಕೇಟ್ ಕೋರ್ಸ್‌ಗಳ ಬಗ್ಗೆ 10 ಪ್ರಮುಖ ಅಂಶಗಳು ಇಲ್ಲಿವೆ:

1. ಇಲ್ಲಿಯವರೆಗೆ 450 ಶಾಲೆಗಳು ಐಐಟಿ ಮದ್ರಾಸ್‌ಗೆ ಪಾಲುದಾರರಾಗಿ ಸೇರ್ಪಡೆಗೊಂಡಿವೆ. 11,000ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ವಿವಿಧ ಬ್ಯಾಚ್‌ಗಳಲ್ಲಿ ವಿವಿಧ ಕೋರ್ಸ್‌ಗಳಿಂದ ಪ್ರಯೋಜನ ಪಡೆದಿದ್ದಾರೆ ಎಂದು ಐಐಟಿ ಮದ್ರಾಸ್ ತನ್ನ ಅಧಿಕೃತ ವೆಬ್‌ಸೈಟ್‌ನಲ್ಲಿ ತಿಳಿಸಿದೆ. ಭವಿಷ್ಯದ ಪೀಳಿಗೆಗೆ ವೃತ್ತಿಪರರಾಗಿ ತರಬೇತಿ ನೀಡುವುದು ಅವರ ಜವಾಬ್ದಾರಿಯಾಗಿದೆ ಮತ್ತು ವಿದ್ಯಾರ್ಥಿಗಳಿಗೆ ಅವರ ಆಸಕ್ತಿಗಳಿಗೆ ಸೂಕ್ತವಾದ ವೃತ್ತಿ ಮಾರ್ಗವನ್ನು ಆಯ್ಕೆ ಮಾಡಲು ಆರಂಭಿಕ ಅವಕಾಶಗಳನ್ನು ಒದಗಿಸುವ ಅಗತ್ಯವಿದೆ ಎಂದು ತಿಳಿಸಿದೆ.
2. ಐಐಟಿ ಮದ್ರಾಸ್ ಪಾಲುದಾರ ಶಾಲೆಗಳ ವಿದ್ಯಾರ್ಥಿಗಳಿಗೆ ಪ್ರಮಾಣೀಕರಣ ಕಾರ್ಯಕ್ರಮಗಳು ಅಕ್ಟೋಬರ್‌ನಿಂದ ಪ್ರಾರಂಭವಾಗುತ್ತವೆ. ಇದಕ್ಕಾಗಿ ಸೆ.16ರಿಂದ ಆರಂಭವಾದ ಅರ್ಜಿ ಸಲ್ಲಿಕೆ ಪ್ರಕ್ರಿಯೆ ಅಕ್ಟೋಬರ್ 4ರವರೆಗೆ ನಡೆಯಲಿದೆ. ಪಾಲುದಾರರಾಗಿ ಸೇರಲು ಸೆಪ್ಟಂಬರ್ 30ರವರೆಗೆ ಅವಕಾಶ ನೀಡಿದೆ. ಆನ್‌ಲೈನ್ ಕೋರ್ಸ್‌ನ ಬ್ಯಾಚ್‌ಗಳು ಅಕ್ಟೋಬರ್ 21ರಿಂದ ಪ್ರಾರಂಭವಾಗಲಿದೆ ಎಂದು ಐಐಟಿ ಮದ್ರಾಸ್ ಸ್ಪಷ್ಟಪಡಿಸಿದೆ.
3. ಯಾವುದೇ ಸ್ಟ್ರೀಮ್‌ನ 11ನೇ ತರಗತಿ ವಿದ್ಯಾರ್ಥಿಗಳು ಡೇಟಾ ಸೈನ್ಸ್ ಮತ್ತು ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ ಕೋರ್ಸ್‌ಗಳಿಗೆ ಅರ್ಜಿ ಸಲ್ಲಿಸಬಹುದು.
4. ಗಣಿತ ಮತ್ತು ಭೌತಶಾಸ್ತ್ರ ಓದುವವರು ಮಾತ್ರ ಎಲೆಕ್ಟ್ರಾನಿಕ್ ಸಿಸ್ಟಮ್ಸ್ ಕೋರ್ಸ್‌ಗೆ ಅರ್ಹರು.
5. ಕೋರ್ಸ್‌ನ ಭಾಗವಾಗಿ, ಪ್ರತಿ ಸೋಮವಾರ 30 ನಿಮಿಷಗಳ ರೆಕಾರ್ಡ್ ಮಾಡಿದ ಉಪನ್ಯಾಸ ವಿಡಿಯೋಗಳನ್ನು ಬಿಡುಗಡೆ ಮಾಡಲಾಗುತ್ತದೆ. ವಿದ್ಯಾರ್ಥಿಗಳು ವಾರದಲ್ಲಿ ಯಾವಾಗ ಬೇಕಾದರೂ ವೀಕ್ಷಿಸಬಹುದು.
6. ಶನಿವಾರ ಅಥವಾ ಭಾನುವಾರಗಳಲ್ಲಿ ತಿಂಗಳಿಗೊಮ್ಮೆ ನೇರ ಸಂವಾದವಿರುತ್ತದೆ.
7. ಆನ್‌ಲೈನ್ ನಿಯೋಜನೆಯು ಹದಿನೈದು ವಾರಕ್ಕೊಮ್ಮೆ ಒಟ್ಟು ನಾಲ್ಕು ಕಾರ್ಯ ಯೋಜನೆಗಳನ್ನು ಹೊಂದಿರುತ್ತದೆ. ಇವುಗಳನ್ನು ಸಲ್ಲಿಸಲು ಎರಡು ವಾರಗಳ ಕಾಲಾವಕಾಶ ನೀಡಲಾಗಿದೆ.
8. ವಿದ್ಯಾರ್ಥಿಗಳು ವಿಷಯದ ವಿಡಿಯೋಗಳನ್ನು ವೀಕ್ಷಿಸಬೇಕು ಮತ್ತು ನಿಗದಿತ ಸಮಯದೊಳಗೆ ತಮ್ಮ ಕಾರ್ಯಯೋಜನೆಗಳನ್ನು ಆನ್‌ಲೈನ್‌ನಲ್ಲಿ ಸಲ್ಲಿಸಬೇಕು.
9. ಪ್ರತಿ ನಿಯೋಜನೆಗೆ ಕನಿಷ್ಠ ಶೇ 40 ಅಂಕಗಳನ್ನು ಗಳಿಸಬೇಕು. 4ರಲ್ಲಿ 3ರಲ್ಲಿ ಉತ್ತಮ ಸ್ಕೋರ್ ಅನ್ನು ಅಂತಿಮ ಮೌಲ್ಯಮಾಪನಕ್ಕಾಗಿ ಪರಿಗಣಿಸಲಾಗುತ್ತದೆ.
10. ಎಂಟು ವಾರಗಳ ಆನ್‌ಲೈನ್ ಕೋರ್ಸ್ ಮುಗಿದ ನಂತರ ಯಶಸ್ವಿ ವಿದ್ಯಾರ್ಥಿಗಳಿಗೆ ಇ-ಪ್ರಮಾಣಪತ್ರಗಳನ್ನು ಕಳುಹಿಸಲಾಗುತ್ತದೆ.

ಇದನ್ನೂ ಓದಿ: ರಾಷ್ಟ್ರೀಯ ಭದ್ರತೆಗಾಗಿ ಚಿಪ್ಸ್ ತಯಾರಿಕೆ: ಫ್ಯಾಬ್ರಿಕೇಶನ್ ಪ್ಲಾಂಟ್ ಸ್ಥಾಪಿಸಲಿದೆ ಭಾರತ-ಅಮೆರಿಕ - Chips For National Security