ರೇಣುಕಾಸ್ವಾಮಿ ಕೊಲೆ ಪ್ರಕರಣ: ಮೂವರು ಆರೋಪಿಗಳನ್ನು ದರ್ಶನ್​ ಮನೆಗೆ ಕರೆತಂದು ಮಹಜರು - renukaswamy murder case

ಚಿತ್ರದುರ್ಗದ ರೇಣುಕಾಸ್ವಾಮಿ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರ ತನಿಖೆ ಚುರುಕುಗೊಂಡಿದೆ. ಇಂದು ಪೊಲೀಸರು 9ನೇ ಆರೋಪಿಯಾಗಿರುವ ಆರ್.ಆರ್. ನಗರದ ನಿವಾಸಿ ಧನರಾಜ್, 3ನೇ ಆರೋಪಿ ಪವನ್ ಸೇರಿದಂತೆ ಮೂವರನ್ನು ದರ್ಶನ್ ಮನೆಗೆ ಕರೆದೊಯ್ದು ಒಂದು ಗಂಟೆ ಕಾಲ ಮಹಜರು ನಡೆಸಿದರು.

ಬೆಂಗಳೂರು: ಚಿತ್ರದುರ್ಗದ ರೇಣುಕಾಸ್ವಾಮಿ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು ಎಲ್ಲ ಆಯಾಮಗಳಿಂದಲೂ ತನಿಖೆ ನಡೆಸುತ್ತಿದ್ದಾರೆ. ಇದರ ಭಾಗವಾಗಿ ಇಂದು ಪೊಲೀಸರು 9ನೇ ಆರೋಪಿಯಾಗಿರುವ ಆರ್.ಆರ್.ನಗರದ ನಿವಾಸಿ ಧನರಾಜ್, ಎ-3 ಪವನ್ ಸೇರಿದಂತೆ ಮೂವರು ಆರೋಪಿಗಳನ್ನ ದರ್ಶನ್ ಅವರ ಮನೆಗೆ ಕರೆದೊಯ್ದು ಒಂದು ಗಂಟೆ ಕಾಲ ಮಹಜರು ನಡೆಸಿದರು.