ಕೇವಲ 42 ರನ್​ಗಳಿಗೆ ಆಲೌಟ್​ ಆದ ಶ್ರೀಲಂಕಾ: 120 ವರ್ಷದ ಹಳೆಯ ದಾಖಲೆ ಮುರಿದ ದಕ್ಷಿಣ ಆಫ್ರಿಕಾ ಬೌಲರ್!

ದಕ್ಷಿಣ ಆಫ್ರಿಕಾ ವಿರುದ್ಧದ ಟೆಸ್ಟ್ ಪಂದ್ಯದಲ್ಲಿ ಶ್ರೀಲಂಕಾ ಕೇವಲ 42 ರನ್​ಗಳಿಗೆ ಆಲೌಟ್​ ಆಗಿ ಕೆಟ್ಟ ದಾಖಲೆ ಬರೆದಿದೆ.

SL vs SA 1st Test: ಎರಡು ಪಂದ್ಯಗಳ ಟೆಸ್ಟ್​ ಸರಣಿಗಾಗಿ ದಕ್ಷಿಣ ಆಫ್ರಿಕಾ ಪ್ರವಾಸ ಕೈಗೊಂಡಿರುವ ಶ್ರೀಲಂಕಾ ಮೊದಲ ಟೆಸ್ಟ್​ನಲ್ಲೇ ಕೆಟ್ಟದಾಖಲೆ ಬರೆದಿದೆ. ದಕ್ಷಿಣ ಆಫ್ರಿಕಾ ವಿರುದ್ದದ ಈ ಪಂದ್ಯದ ಮೊದಲ ಇನ್ನಿಂಗ್ಸ್​ನಲ್ಲಿ ಶ್ರೀಲಂಕಾ ಕೇವಲ 42 ರನ್​ಗಳಿಗೆ ಆಲೌಟ್​ ಆಗಿದೆ. ಇದರೊಂದಿಗೆ 50 ವರ್ಷಗಳ ಬಳಿಕ ಇನ್ನಿಂಗ್ಸ್‌ವೊಂದರಲ್ಲೇ 42 ರನ್​ಗಳಿಗೆ ಆಲೌಟ್​ ಆದ ತಂಡವಾಗಿ ಕೆಟ್ಟ ದಾಖಲೆ ಬರೆದಿದೆ.

ಮಳೆ ಪೀಡಿತ ಈ ಪಂದ್ಯದಲ್ಲಿ ಮೊದಲು ಬ್ಯಾಟ್​ ಮಾಡಿದ್ದ ಹರಿಣ ಪಡೆ 191 ರನ್​ಗಳಿಗೆ ಆಲೌಟ್​ ಆಗಿತ್ತು. ಬಳಿಕ ಬ್ಯಾಟಿಂಗ್​ಗೆ ಬಂದ ಲಂಕನ್ನರು ಪೆವಿಲಿಯನ್​ ಪರೇಡ್​ ಮಾಡಿದರು. ಕಮಿಂದು ಮೆಂಡಿಸ್ (13), ಲಹಿರು ಕುಮಾರ (10) ಹೊರತು ಪಡಿಸಿ ಉಳಿದ ಬ್ಯಾಟರ್​ಗಳು ಎರಡಂಕಿ ತಲುಪಲು ಸಾಧ್ಯವಗದೇ 10 ರನ್​ ಗಳೊಳಗೆ ವಿಕೆಟ್​ ಒಪ್ಪಿಸಿ ಪೆವಿಲಿಯನ್​ ಸೇರಿದರು. ದಿನೇಶ್ ಚಾಂಡಿಮಾಲ್, ಕುಶಾಲ್ ಮೆಂಡಿಸ್, ಪ್ರಭಾತ್ ಜಯಸೂರ್ಯ, ವಿಶ್ವ ಫೆರ್ನಾಂಡೋ ಮತ್ತು ಅಸಿತಾ ಫೆರ್ನಾಂಡೋ ಒಟ್ಟು 5 ಆಟಗಾರರು ಶೂನ್ಯಕ್ಕೆ ಪೆವಿಲಿಯನ್​ ಸೇರಿದರು. ಇದರಿಂದಾಗಿ ಶ್ರೀಲಂಕಾ ಕೇವಲ 13.5 ಓವರ್‌ಗಳಲ್ಲಿ ತನ್ನ ಮೊದಲ ಇನ್ನಿಂಗ್ಸ್​ ಮುಗಿಸಿತು.

Jansen on song!🎵

Marco meant business, and took NO prisoners as he bull-dozed the Sri Lanka batters to get career-best Test Match figures of 7/13😃😎🇿🇦

An absolute dominant display, one for the history books.📖🏏#WozaNawe #BePartOfIt #SAvSL pic.twitter.com/OWrXUKX0lO

— Proteas Men (@ProteasMenCSA) November 28, 2024

ಇದೇ ಮೊದಲ: ಶ್ರೀಲಂಕಾ ಟೆಸ್ಟ್​ ಇತಿಹಾಸದಲ್ಲೇ ಇದೇ ಮೊದಲ ಬಾರಿ 50 ರನ್‌ಗಳ ಗಡಿ ತಲುಪದೇ ತಂಡ ಆಲೌಟ್​ ಆಗಿದೆ. ಇದಕ್ಕೂ ಮುನ್ನ 1994ರಲ್ಲಿ ಪಾಕಿಸ್ತಾನ ವಿರುದ್ಧ ಶ್ರೀಲಂಕಾ ತಂಡ 71 ರನ್‌ಗಳಿಗೆ ಆಲೌಟ್ ಆಗಿತ್ತು. ಮತ್ತೊಂದೆಡೆ, ದಕ್ಷಿಣ ಆಫ್ರಿಕಾ ಮೊದಲ ಬಾರಿಗೆ ಕಡಿಮೆ ಮೊತ್ತಕ್ಕೆ ತಂಡವೊಂದನ್ನ ಆಲೌಟ್​ ಮಾಡಿ ದಾಖಲೆ ಬರೆಯಿತು. ಇದಕ್ಕೂ ಮುನ್ನ 2013 ರಲ್ಲಿ ನ್ಯೂಜಿಲೆಂಡ್ ತಂಡವನ್ನು 45 ರನ್‌ಗಳಿಗೆ ಕಟ್ಟಿ ಹಾಕಿತ್ತು.

120 ವರ್ಷಗಳ ಹಳೆಯ ದಾಖಲೆ ಮುರಿದ ಜಾನ್ಸೆನ್​: ದಕ್ಷಿಣ ಆಫ್ರಿಕಾದ ಎಡಗೈ ವೇಗಿ ಮಾರ್ಕೊ ಜಾನ್ಸೆನ್ ಶ್ರೀಲಂಕಾ ಬ್ಯಾಟರ್‌ಗಳನ್ನು ಅಲ್ಪ ಮೊತ್ತಕ್ಕೆ ಕಟ್ಟಿಹಾಕುವಲ್ಲಿ ಯಶಸ್ವಿಯಾದರು. ಜಾನ್ಸೆನ್​ ಕೇವಲ 6.5 ಓವರ್‌ಗಳಲ್ಲಿ 13 ರನ್ ನೀಡಿ 7 ವಿಕೆಟ್ ಉರುಳಿಸಿದರು. ಇದರೊಂದಿಗೆ 120 ವರ್ಷದ ಹಳೆಯ ದಾಖಲೆ ಮುರಿದರು. ಈ ಹಿಂದೆ 1904ರಲ್ಲಿ ಆಸ್ಟ್ರೇಲಿಯಾದ ಹಘ್​ ಟ್ರಂಬಲ್​ ಏಳು ಓವರ್‌ಗಳಲ್ಲಿ ಏಳು ವಿಕೆಟ್‌ಗಳನ್ನು ಪಡೆದಿದ್ದರು.

ಒಂದೇ ದಿನ 23 ವಿಕೆಟ್​: ದಕ್ಷಿಣ ಆಫ್ರಿಕಾ ನೆಲದಲ್ಲಿ ನಡೆದ ಟೆಸ್ಟ್​ ಪಂದ್ಯದಲ್ಲಿ ಇದೇ ಮೊದಲು ಬಾರಿಗೆ ಒಂದೇ ದಿನದಂದ 23 ವಿಕೆಟ್​ಗಳು ಉರುಳಿವೆ. ಇದಕ್ಕೂ ಮುನ್ನ 2011ರಲ್ಲಿ 23, 2006ರಲ್ಲಿ 20, 2008ರಲ್ಲಿ 19, 2024ರಲ್ಲಿ 19 ವಿಕೆಟ್​ಗಳು ಬಿದ್ದಿದ್ದವು.

ಇದನ್ನೂ ಓದಿ: ಭಾರತ ವಿರುದ್ಧದ 2ನೇ ಟೆಸ್ಟ್​ಗೆ ಬಲಿಷ್ಠ ತಂಡ ಪ್ರಕಟಿಸಿದ ಆಸ್ಟ್ರೇಲಿಯಾ: ಡೆಡ್ಲಿ ಆಲ್​ರೌಂಡರ್​ನ ಎಂಟ್ರಿ!