ಮೊಹಾಲಿ : ಚಂಡೀಗಢ್ನ ಮುಲ್ಲನ್ಪುರದ ಮಹಾರಾಜ ಯಾದವೀಂದ್ರ ಸಿಂಗ್ ಅಂತಾರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂ ನಲ್ಲಿ ನಡೆದ 17ನೇ ಆವೃತ್ತಿ ಐಪಿಎಲ್ನ ಎರಡನೇ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ನೀಡಿದ 175 ರನ್ಗಳ ಗುರಿಯನ್ನು ಬೆನ್ನಟ್ಟಿದ್ದ ಪಂಜಾಬ್ ಕಿಂಗ್ಸ್ 4 ವಿಕೆಟ್ಗಳ ಭರ್ಜರಿ ಜಯಗಳಿಸಿದೆ. ಈ ಮೂಲಕ ಟೂರ್ನಿಯಲ್ಲಿ ಪಂಜಾಬ್ ಶುಭಾರಂಭ ಮಾಡಿದೆ.
ಸ್ಯಾಮ್ ಕರ್ರನ್ (63) ಅವರ ಅರ್ಧಶತಕದ ನೆರವಿನಿಂದ ಪಂಜಾಬ್ ಗೆಲುವಿನ ನಗೆ ಬೀರಿತು. ಡೆಲ್ಲಿ ಪರ ಬೌಲಿಂಗ್ನಲ್ಲಿ ಖಲೀಲ್ ಅಹ್ಮದ್ ಮತ್ತು ಕುಲದೀಪ್ ಯಾದವ್ 2 ವಿಕೆಟ್ ಹಾಗು ಇಶಾಂತ್ ಶರ್ಮಾ ಒಂದು ಪಡೆದರು. ಟಾಸ್ ಗೆದ್ದು ಬೌಲಿಂಗ್ ಆಯ್ಕೆ ಮಾಡಿದ ಪಂಜಾಬ್ ನಾಯಕ ಶಿಖರ್ ಧವನ್, ಡೆಲ್ಲಿ ತಂಡವನ್ನು 174 ರನ್ಗಳಿಗೆ ಕಟ್ಟಿ ಹಾಕಿದರು. ಡೆಲ್ಲಿ ಪರ ಅಭಿಷೇಕ್ ಪೂರೆಲ್ 10 ಬಾಲ್ಗಳಲ್ಲಿ 32 ರನ್ಗಳನ್ನು ಗಳಿಸಿದರು. ಹೀಗಾಗಿ ಡೆಲ್ಲಿ ನಿಗದಿತ 9 ವಿಕೆಟ್ ನಷ್ಟಕ್ಕೆ 174 ರನ್ಗಳನ್ನು ಗಳಿಸಿತು. ಕೊನೆ ಓವರ್ನಲ್ಲಿ ದುಬಾರಿಯಾದ ಹರ್ಷಲ್ ಪಟೇಲ್ ಮತ್ತು ಅರ್ಷ್‌ದೀಪ್ ಸಿಂಗ್ ಪಂಜಾಬ್ ಪರ ತಲಾ 2 ವಿಕೆಟ್ ಪಡೆದರು.
ನಂತರ ಎರಡನೇ ಇನ್ನಿಂಗ್ಸ್ ಆರಂಭಿಸಿದ ಪಂಜಾಬ್ಗೆ ಶಿಖರ್ ಧವನ್ ಹಾಗು ಜಾನಿ ಬೈರ್ಸ್ಟೋ ಪವರ್ ಫ್ಲೇನಲ್ಲಿ ಉತ್ತಮ ರನ್ ಗಳಿಸಿ ಕೊಟ್ಟರು. ಆರ್ಕಷಕ ನಾಲ್ಕು ಬೌಂಡರಿ ಸಿಡಿಸಿ ಆಕ್ರಮಕಾರಿಯಾಗಿ ಕಾಣುತ್ತಿದ್ದ ಶಿಖರ್ ಧವನ್ (22) ಇಶಾಂತ್ ಶರ್ಮಾ ಬೌಲಿಂಗ್ನಲ್ಲಿ ಕ್ಲೀನ್ ಬೌಲ್ಡ್ ಆದರು. ಬಳಿಕ ಕ್ರೀಸ್ಗೆ ಬಂದ ಪ್ರಭಾಸಿಮ್ರಾನ್ ಸಿಂಗ್, ಜಾನಿ ಬೈರ್ಸ್ಟೋ ಜೊತೆಗೂಡಿದರು. ಆದರೆ, ವಿರ್ಪಯಾಸ ಬೈರ್ಸ್ಟೋ (9) ರನ್ ಔಟ್ ಆದರು.
ಪ್ರಮುಖ ಎರಡು ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿದ ಪಂಜಾಬ್ಗೆ ಪ್ರಭಾಸಿಮ್ರಾನ್ ಸಿಂಗ್ ಮತ್ತು ಸ್ಯಾಮ್ ಕರ್ರಾನ್ ಚೇತರಿಕೆ ಆಟವಾಡುವ ಮೂಲಕ ರನ್ ಕಲೆ ಹಾಕಿದರು. ಉತ್ತಮವಾಗಿ ಆಡುತ್ತಿದ ಪ್ರಭಾಸಿಮ್ರಾನ್ ಸಿಂಗ್ (26) ವಿಕೆಟ್ ಅನ್ನು ಕುಲದೀಪ್ ಯಾದವ್ ಪಡೆಯುವಲ್ಲಿ ಯಶಸ್ವಿಯಾದರು. ಬಳಿಕ ಜಿತೇಶ್ ಶರ್ಮಾ (9) ಕೂಡ ಕುಲದೀಪ್ಗೆ ವಿಪೆಟ್ ಒಪ್ಪಿಸಿದರು.
ಈ ಹಂತದಲ್ಲಿ ಒಂದಾದ ಇಂಗ್ಲೆಂಡ್ ಆಟಗಾರರಾದ ಸ್ಯಾಮ್ ಕರ್ರಾನ್ ಮತ್ತು ಲಿಯಾಮ್ ಲಿವಿಂಗ್‌ಸ್ಟೋನ್ ನಿಧನಗತಿಯಲ್ಲಿ ಬ್ಯಾಟ್ ಬೀಸಿದರು. ಡೆಲ್ಲಿ ಬೌಲಿಂಗ್ ವಿಭಾಗದ ಯೋಜನೆ ಅರಿತ ಇಬ್ಬರು ಅರ್ಧಶತಕ ಜೊತೆಯಾಟವಾಡಿದರು. ಗೆಲುವಿನ ಸಮೀಪ ಪಂಜಾಬ್ ಅನ್ನು ತರುವಲ್ಲಿ ಈ ಜೋಡಿ ಸಫಲವಾಯಿತು. ಇನ್ನೊಂದೆಡೆ, ಆರು ಬೌಂಡರಿ ಮತ್ತು ಒಂದು ಸಿಕ್ಸರ್ ಸಿಡಿಸಿದ ಸ್ಯಾಮ್ ಕರ್ರಾನ್ ಅರ್ಧಶತಕ ಪೂರೈಸಿ ಖಲೀಲ್ ಅಹ್ಮದ್ ಗೆ ವಿಕೆಟ್ ನೀಡಿದರು. ಇದೇ ಓವರ್ನಲ್ಲಿ ಶಶಾಂಕ್ ಸಿಂಗ್ ಸಹಾ ಶೂನ್ಯಕ್ಕೆ ಔಟ್ ಆಗಿ ಹೊರ ನಡೆದರು. ಅಂತಿಮವಾಗಿ ಎರಡು ಬೌಂಡರಿ ಮತ್ತು 3 ಸಿಕ್ಸರ್ ಹೊಡೆದು ಲಿವಿಂಗ್‌ಸ್ಟೋನ್ (38) ಮತ್ತು ಹರ್‌ಪ್ರೀತ್ ಬ್ರಾರ್ ಅಜೇಯರಾಗುವ ಮೂಲಕ ಪಂಜಾಬ್ ಜಯ ಗಳಿಸುವಂತೆ ನೋಡಿಕೊಂಡರು.
ತಂಡಗಳು : ಡೆಲ್ಲಿ ಕ್ಯಾಪಿಟಲ್ಸ್ : ಡೇವಿಡ್ ವಾರ್ನರ್, ಮಿಚೆಲ್ ಮಾರ್ಷ್, ಶಾಯ್ ಹೋಪ್, ರಿಷಭ್ ಪಂತ್(ನಾಯಕ ಮತ್ತು ವಿಕೀ), ರಿಕಿ ಭುಯಿ, ಟ್ರಿಸ್ಟಾನ್ ಸ್ಟಬ್ಸ್, ಅಕ್ಸರ್ ಪಟೇಲ್, ಸುಮಿತ್ ಕುಮಾರ್, ಕುಲದೀಪ್ ಯಾದವ್, ಖಲೀಲ್ ಅಹ್ಮದ್, ಇಶಾಂತ್ ಶರ್ಮಾ
ಪಂಜಾಬ್ ಕಿಂಗ್ಸ್ : ಶಿಖರ್ ಧವನ್ (ನಾಯಕ), ಜಾನಿ ಬೈರ್ಸ್ಟೋ, ಸ್ಯಾಮ್ ಕರ್ರಾನ್, ಲಿಯಾಮ್ ಲಿವಿಂಗ್‌ಸ್ಟೋನ್, ಜಿತೇಶ್ ಶರ್ಮಾ (ವಿಕೀ) ಹರ್‌ಪ್ರೀತ್ ಬ್ರಾರ್, ಹರ್ಷಲ್ ಪಟೇಲ್, ಕಗಿಸೊ ರಬಾಡ, ರಾಹುಲ್ ಚಾಹರ್, ಅರ್ಷ್‌ದೀಪ್ ಸಿಂಗ್, ಶಶಾಂಕ್ ಸಿಂಗ್
