ನಿತೀಶ್​ ರೆಡ್ಡಿ, ಪ್ಲವರ್​ ಅಲ್ಲ ವೈಲ್ಡ್​ ಫೈರ್.!​: ಶತಕ ಸಿಡಿಸಿ ದಾಖಲೆ ಸೃಷ್ಟಿಸಿದ ಯುವ ದಾಂಡಿಗ!

ಆಸ್ಟ್ರೇಲಿಯಾ ವಿರುದ್ಧ ನಡೆದ ನಾಲ್ಕನೇ ಟೆಸ್ಟ್​ ಪಂದ್ಯದಲ್ಲಿ ನಿತೀಶ್​ ಕುಮಾರ್​ ರೆಡ್ಡಿ ಶತಕ ಸಿಡಿಸಿದ್ದಾರೆ.

Nitish Kumar Reddy Century: ಆಸ್ಟ್ರೇಲಿಯಾ ವಿರುದ್ಧ ನಡೆಯುತ್ತಿರುವ 4ನೇ ಟೆಸ್ಟ್​​ನಲ್ಲಿ ನಿತೀಶ್​ ಕುಮಾರ್​ ರೆಡ್ಡಿ ಅಬ್ಬರ ಮುಂದುವರೆದಿದೆ.

ಆಸ್ಟ್ರೇಲಿಯಾ ಬೌಲರ್​ಗಳನ್ನು ಚೆಂಡಾಡುತ್ತಿರುವ ರೆಡ್ಡಿ ಆಸ್ಟ್ರೇಲಿಯಾ ನೆಲದಲ್ಲಿ ಚೊಚ್ಚಲ ಶತಕ ಸಿಡಿಸಿ ಘರ್ಜಿಸಿ ದಾಖಲೆ ಬರೆದಿದ್ದಾರೆ. ತಮ್ಮ ಈ ಅಮೋಘ ಇನ್ನಿಂಗ್ಸ್​ನಲ್ಲಿ ರೆಡ್ಡಿ 9 ಬೌಂಡರಿ ಮತ್ತು 1 ಸಿಕ್ಸರ್​ ಸಹಾಯದಿಂದ ಶತಕ ಸಿಡಿಸಿ ಮಿಂಚಿದರು.

" 𝙈𝙖𝙞𝙣 𝙟𝙝𝙪𝙠𝙚𝙜𝙖 𝙣𝙖𝙝𝙞!" 🔥

the shot, the celebration - everything was perfect as #NitishKumarReddy completed his maiden Test fifty! 👏#AUSvINDOnStar 👉 4th Test, Day 3 | LIVE NOW! | #ToughestRivalry #BorderGavaskarTrophy pic.twitter.com/hupun4pq2N

— Star Sports (@StarSportsIndia) December 28, 2024

4 ವರ್ಷಗಳ ಬಳಿಕ ಶತಕ: ಆಸ್ಟ್ರೇಲಿಯಾದ ಮೆಲ್ಬೋರ್ನ್​ ಮೈದಾನದಲ್ಲಿ 4 ವರ್ಷಗಳ ಬಳಿಕ ಶತಕ ಸಿಡಿಸಿದ ಭಾರತೀಯ ಬ್ಯಾಟರ್​ ಆಗಿ ನಿತೀಶ್​ ದಾಖಲೆ ಬರೆದಿದ್ದಾರೆ. ಈ ಹಿಂದೆ 2020ರಲ್ಲಿ ಅಜಿಂಕ್ಯಾ ರಹಾನೆ ಮೆಲ್ಬೋರ್ನ್​ನಲ್ಲಿ ಶತಕ ಸಿಡಿಸಿದ್ದರು. ಇದಲ್ಲದೇ 8ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್​ಗೆ ಬಂದು ಹೈಸ್ಕೋರ್​ ಗಳಿಸಿದ ಭಾರತದ ಬ್ಯಾಟರ್​ ಆಗಿ ಅನಿಲ್​ ಕುಂಬ್ಳೆ ದಾಖಲೆ ಮುರಿದಿದ್ದಾರೆ. ಈ ಹಿಂದೆ ಆಸ್ಟ್ರೇಲಿಯಾ ವಿರುದ್ಧ ಅನಿಲ್​ ಕುಂಬ್ಳೆ ಅಡಿಲೇಡ್​ ಮೈದಾನದಲ್ಲಿ 8ನೇ ಕ್ರಮಾಂಕದಲ್ಲಿ ಬ್ಯಾಟ್​ ಮಾಡಿ 87 ರನ್​ ಕಲೆಹಾಕಿದ್ದರು.

फायर नहीं वाइल्डफायर है! 🔥🔥

Nitish Kumar Reddy gets to his maiden CENTURY and what a stage to get it on!

He is now the leading run scorer for India in the ongoing BGT 🙌👏#TeamIndia #AUSvIND https://t.co/URu6dBsWmg pic.twitter.com/J8D08SOceT

— BCCI (@BCCI) December 28, 2024

ವಾಷಿಂಗ್ಟನ್​ ಸುಂದರ್​​ ಅರ್ಧಶತಕ: ನಿತೀಶ್​ ಜೊತೆಗೂಡಿ ವಾಷಿಂಗ್ಟನ್​ ಸುಂದರ್​ ಭರ್ಜರಿ ಪ್ರದರ್ಶನ ತೋರಿದರು. ಅವರು ತಮ್ಮ ಇನ್ನಿಂಗ್ಸ್​ನಲ್ಲಿ 162 ಎಸೆತಗಳನ್ನು ಆಡಿ 1 ಬೌಂಡರಿ ಸಹಾಯದಿಂದ 50 ರನ್​ ಚಚ್ಚಿದರು. ಆದರೆ, ಲಿಯಾನ್​​ ಎಸೆತದಲ್ಲಿ ವಿಕೆಟ್​ ಒಪ್ಪಿಸಿ ಹೊರನಡೆದರು.

What a moment this for the youngster!

A maiden Test 100 at the MCG, it does not get any better than this 👏👏#TeamIndia #AUSvIND pic.twitter.com/KqsScNn5G7

— BCCI (@BCCI) December 28, 2024

ಮೂರನೇ ದಿನವಾದ ಇಂದು 221 ರನ್​ಗಳಿಗೆ 7 ವಿಕೆಟ್​ ಕಳೆದುಕೊಂಡು ಭಾರತ ಸಂಕಷ್ಟಕ್ಕೆ ಸಿಲುಕಿತ್ತು. ಈ ವೇಳೆ, ಬ್ಯಾಟಿಂಗ್​ಗೆ ಬಂದ ನಿತೀಶ್​​ ರೆಡ್ಡಿ ಮತ್ತು ವಾಷಿಂಗ್ಟನ್​ ಜೊತೆಗೂಡಿ ಆಸ್ಟ್ರೇಲಿಯನ್ನರ ವಿರುದ್ಧ ಕೆಚ್ಚೆದೆಯ ಪ್ರದರ್ಶನ ತೋರಿದರು. ತಂಡವನ್ನು ಫಾಲೋ ಆನ್​ ಭೀತಿಯಿಂದ ಪಾರುಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ.

Nitish Kumar Reddy hits his maiden Test century and receives a standing ovation from the MCG crowd ❤️ #AUSvIND | #PlayOfTheDay | @nrmainsurance pic.twitter.com/Vbqq5C26gz

— cricket.com.au (@cricketcomau) December 28, 2024

ಪುಷ್ಪ ಶೈಲಿಯಲ್ಲಿ ಸಂಭ್ರಮ: ಬಲಿಷ್ಠ ಆಸ್ಟ್ರೇಲಿಯನ್​ ಬೌಲಿಂಗ್​ ಪಡೆ ಎದುರು ಲೀಲಾಜಾಲವಾಗಿ ಬ್ಯಾಟ್​ ಬೀಸಿರುವ ನಿತೀಶ್​ ಶತಕ ಸಿಡಿಸಿ ಅಬ್ಬರಿಸಿದ್ದಾರೆ. ಆದರೆ, ಇದಕ್ಕೂ ಮುನ್ನ ಪಂದ್ಯದ 83ನೇ ಓವರ್‌ನಲ್ಲಿ ತಮ್ಮ ಟೆಸ್ಟ್ ವೃತ್ತಿಜೀವನದ ಚೊಚ್ಚಲ ಅರ್ಧಶತಕ ಪೂರೈಸಿದರು. ಮಿಚೆಲ್ ಸ್ಟಾರ್ಕ್ ಓವರ್‌ನ ಮೂರನೇ ಎಸೆತದಲ್ಲಿ ಬೌಂಡರಿ ಬಾರಿಸುವ ಮೂಲಕ ಅರ್ಧಶತಕ ಪೂರ್ಣಗೊಳಿಸಿದರು. 50 ರನ್ ಪೂರ್ಣಗೊಳಿಸುತ್ತಿದ್ದಂತೆ ನಿತೀಶ್​ ಪುಷ್ಪ ಶೈಲಿಯಲ್ಲಿ ಸಂಭ್ರಮಿಸಿದ್ದಾರೆ. ಬಿಸಿಸಿಐ ಕೂಡ ನಿತೀಶ್​ ಅವರ ಪೋಸ್ಟ್​ ಹಂಚಿಕೊಂಡಿದ್ದು, ನಿತೀಶ್​ ಫ್ಲವರ್​ ಅಲ್ಲ ಫೈರ್​ ಎಂದು ಬರೆದು ಕೊಂಡಿದೆ.

ಇದನ್ನೂ ಓದಿ: ನಿತೀಶ್​ ರೆಡ್ಡಿ ಫ್ಲವರ್​ ಅಲ್ಲ ಫೈರ್​.!: ಆಸ್ಟ್ರೇಲಿಯನ್ನರ ಮುಂದೆ ಪುಷ್ಪ ಸ್ಟೈಲ್​ನಲ್ಲಿ ಸಂಭ್ರಮ; ವಿಡಿಯೋ