ಮುಂಬೈ: ಐಪಿಎಲ್ನ ಪ್ಲೇ ಆಫ್ ರೇಸ್ನಿಂದ ಹೊರಬಿದ್ದಿರುವ ಮುಂಬೈ ಇಂಡಿಯನ್ಸ್ ವಾಂಖೆಡೆಯಲ್ಲಿ ನಡೆಯುತ್ತಿರುವ ಸನ್ರೈಸರ್ಸ್ ಹೈದರಾಬಾದ್ ಅನ್ನು 173 ರನ್ಗಳಿಗೆ ಕಟ್ಟಿಹಾಕಿ ಮೇಲುಗೈ ಸಾಧಿಸಿದೆ.
ಟಾಸ್ ಗೆದ್ದು ಬೌಲಿಂಗ್ ಆಯ್ದುಕೊಂಡ ನಾಯಕ ಹಾರ್ದಿಕ್ ಪಾಂಡ್ಯರ ನಿರ್ಧಾರ ಸರಿ ಎಂಬಂತೆ ಆಡಿದ ಮುಂಬೈ ಬೌಲರ್ಸ್, ಈ ಸೀಸನ್ನಲ್ಲಿ ಬಿರುಸಿನ ಬ್ಯಾಟಿಂಗ್ ಮಾಡುತ್ತಿರುವ ಆರಂಭಿಕ ಜೋಡಿಯಾದ ಅಭಿಷೇಕ್ ಶರ್ಮಾ ಮತ್ತ ಟ್ರಾವಿಸ್ ಹೆಡ್ರನ್ನು 56 ರನ್ಗಳಿಗೆ ಬೇರ್ಪಡಿಸಿದರು. ಅಭಿಷೇಕ್ 11, ಟ್ರಾವಿಸ್ ಹೆಡ್ 48 ರನ್ಗಳಿಸಿದರು.
ಐಡೆನ್ ಮಾರ್ಕ್ರಮ್ ಬದಲಿಗೆ ಅವಕಾಶ ಪಡೆದ ಮಯಾಂಕ್ ಅಗರ್ವಾಲ್ 5 ರನ್ಗೆ ಸುಸ್ತಾದರು. ನಿತೀಶ್ ರೆಡ್ಡಿ 20, ಮಧ್ಯಮ ಕ್ರಮಾಂಕದ ದೈತ್ಯ ಹೆನ್ರಿಕ್ ಕ್ಲಾಸಿನ್ 2, ಮಾಕ್ರೋ ಜಾನ್ಸನ್ 17, ಶಹಬಾಜ್ ಅಹ್ಮದ್ 10, ಅಬ್ದುಲ್ ಸಮದ್ 3 ರನ್ಗೆ ವಿಕೆಟ್ ನೀಡಿದರು. ಬ್ಯಾಟರ್ಗಳು ದೊಡ್ಡ ಮೊತ್ತ ಗಳಿಸುವಲ್ಲಿ ವಿಫಲವಾದ ಕಾರಣ ತಂಡ 136 ರನ್ಗೆ 8 ವಿಕೆಟ್ ಕಳೆದುಕೊಂಡಿತು.
ಸಿಡಿದ ನಾಯಕ ಕಮಿನ್ಸ್: ಒಬ್ಬರ ಹಿಂದೆ ಒಬ್ಬರು ಔಟಾಗುತ್ತಿದ್ದಾಗ ಬ್ಯಾಟಿಂಗ್ಗೆ ಇಳಿದ ನಾಯಕ ಪ್ಯಾಟ್ ಕಮಿನ್ಸ್ 2 ಬೌಂಡರಿ, 2 ಸಿಕ್ಸರ್ ಸಿಡಿಸಿ 17 ಎಸೆತಗಳಲ್ಲಿ ಔಟಾಗದೆ 35 ರನ್ ಚಚ್ಚಿದರು. ಇದರಿಂದ ತಂಡ ನಿಗದಿತ ಓವರ್ಗಳಲ್ಲಿ 173/8 ಗಳಿಸಿತು.
ಬೌಲಿಂಗ್ ಸಕ್ಸಸ್: ಔಷಚಾರಿಕ ಪಂದ್ಯಗಳನ್ನು ಆಡುತ್ತಿರುವ ಮುಂಬೈ ಇಂಡಿಯನ್ಸ್ನ ಬೌಲಿಂಗ್ ಪಡೆ ಈ ಪಂದ್ಯದಲ್ಲಿ ಮಿಂಚಿತು. ವಿಶ್ವಕಪ್ನ ಸಿದ್ಧತೆಯಲ್ಲಿರುವ ಹಾರ್ದಿಕ್ ಪಾಂಡ್ಯ 3, ಹಿರಿಯ ಸ್ಪಿನ್ನರ್ ಪಿಯೂಷ್ ಚಾವ್ಲಾ 3 ವಿಕೆಟ್ ಪಡೆದರು. ಅನ್ಸುಲ್ ಕೋಂಬಜ್, ಜಸ್ಪ್ರೀತ್ ಬುಮ್ರಾ ತಲಾ 1 ವಿಕೆಟ್ ಕಿತ್ತರು.
ತಂಡಗಳು ಇಂತಿವೆ: ಸನ್ರೈಸರ್ಸ್ ಹೈದರಾಬಾದ್: ಅಭಿಷೇಕ್ ಶರ್ಮಾ, ಟ್ರಾವಿಸ್ ಹೆಡ್, ಮಯಾಂಕ್ ಅಗರ್ವಾಲ್, ನಿತೀಶ್ ರೆಡ್ಡಿ, ಹೆನ್ರಿಚ್ ಕ್ಲಾಸೆನ್, ಅಬ್ದುಲ್ ಸಮದ್, ಶಹಬಾಜ್ ಅಹ್ಮದ್, ಮಾರ್ಕೊ ಜಾನ್ಸೆನ್, ಪ್ಯಾಟ್ ಕಮಿನ್ಸ್ (ನಾಯಕ), ಭುವನೇಶ್ವರ್ ಕುಮಾರ್, ಟಿ ನಟರಾಜನ್.
ಮುಂಬೈ ಇಂಡಿಯನ್ಸ್: ಇಶಾನ್ ಕಿಶನ್, ರೋಹಿತ್ ಶರ್ಮಾ, ನಮನ್ ಧೀರ್, ಸೂರ್ಯಕುಮಾರ್ ಯಾದವ್, ತಿಲಕ್ ವರ್ಮಾ, ಹಾರ್ದಿಕ್ ಪಾಂಡ್ಯ (ನಾಯಕ), ಟಿಮ್ ಡೇವಿಡ್, ಅನ್ಶುಲ್ ಕಾಂಬೋಜ್, ಪಿಯೂಷ್ ಚಾವ್ಲಾ, ಜಸ್ಪ್ರೀತ್ ಬುಮ್ರಾ, ನುವಾನ್ ತುಷಾರ.
ಇದನ್ನೂ ಓದಿ: ಚೆನ್ನೈ ಸೂಪರ್‌ಕಿಂಗ್ಸ್‌ಗೆ ಆಘಾತ! ಶ್ರೀಲಂಕಾಗೆ ತೆರಳಿದ ವೇಗದ ಬೌಲರ್‌ ಮಥೀಶ ಪತಿರಾನ - Pathirana
