ಬ್ಯಾಡ್ಮಿಂಟನ್: ಬೆಲ್ಜಿಯಂ ವಿರುದ್ಧ ಗೆಲುವು ಸಾಧಿಸಿದ ಲಕ್ಷ್ಯ ಸೇನ್ - Paris Olympics 2024

ಪುರುಷರ ಸಿಂಗಲ್ಸ್‌ನ ಗುಂಪು ಹಂತದ ಬ್ಯಾಡ್ಮಿಂಟನ್​ ಪಂದ್ಯದಲ್ಲಿ ಭಾರತದ ಲಕ್ಷ್ಯ ಸೇನ್ ಬೆಲ್ಜಿಯಂ ವಿರುದ್ಧ ಗೆಲುವು ಸಾಧಿಸಿದ್ದಾರೆ.

ಪ್ಯಾರಿಸ್​(ಫ್ರಾನ್ಸ್​): ಪ್ಯಾರಿಸ್ ಒಲಿಂಪಿಕ್ಸ್ 2024ರ ಮೂರನೇ ದಿನದಂದು, ಪುರುಷರ ಸಿಂಗಲ್ಸ್‌ನ ಗುಂಪು ಹಂತದ ಬ್ಯಾಡ್ಮಿಂಟನ್​ ಪಂದ್ಯದಲ್ಲಿ ಭಾರತದ ಲಕ್ಷ್ಯ ಸೇನ್ ಬೆಲ್ಜಿಯಂನ ಜೂಲಿಯನ್ ಕ್ಯಾರಾಗಿ ವಿರುದ್ಧ 2-0 ನೇರ ಸೆಟ್‌ಗಳಿಂದ ಗೆಲುವು ಸಾಧಿಸಿದ್ದಾರೆ. ಅವರು ತಮ್ಮ ಎದುರಾಳಿಯನ್ನು 21-19, 21-14 ಅಂಕಗಳಿಂದ ಸೋಲಿಸಿದ್ದಾರೆ.

Super Sen ka ek he Lakshya - #Paris2024 pe fateh🏸🥇

Catch all the action from the #OlympicGamesParis2024 LIVE on #Sports18 & stream for FREE on #JioCinema 👈#OlympicsonJioCinema #OlympicsonSports18 #Cheer4Bharat pic.twitter.com/JJygaUwrTA

— JioCinema (@JioCinema) July 29, 2024

ಈ ಪಂದ್ಯದ ಮೊದಲ ಸೆಟ್‌ನಲ್ಲಿ ಲಕ್ಷ್ಯ ಮತ್ತು ಜೂಲಿಯನ್ ನಡುವೆ ತೀವ್ರ ಪೈಪೋಟಿ ಏರ್ಪಟ್ಟಿತು. ಇಬ್ಬರೂ ಸಮಾನ ಅಂಕಗಳೊಂದಿಗೆ ಮುನ್ನಡೆದಿದ್ದರು. ಆದರೆ, ಕೊನೆಯಲ್ಲಿ ಲಕ್ಷ್ಯ ಸೇನ್ ಮೇಲುಗೈ ಸಾಧಿಸಿ ಮೊದಲ ಸೆಟ್ ಅನ್ನು 21-19 ರಿಂದ ಗೆದ್ದುಕೊಂಡರು. ಈ ಸೆಟ್​ನಲ್ಲಿ ಬೆಲ್ಜಿಯಂನ ಜೂಲಿಯನ್ ಲಕ್ಷ್ಯಗೆ ಕಠಿಣ ಪೈಪೋಟಿ ನೀಡಿದರು.

ಎರಡನೇ ಸೆಟ್‌ನಲ್ಲೂ ಗೆಲುವು: ಎರಡನೇ ಸೆಟ್‌ನಲ್ಲಿ ಲಕ್ಷ್ಯ ಸೇನ್ ಮತ್ತೊಮ್ಮೆ ಉತ್ತಮ ಆರಂಭ ಮಾಡಿದರು. ಎದುರಾಳಿ ಮೇಲೆ ಆರಂಭದಿಂದಲೂ ಪ್ರಾಬಲ್ಯ ಸಾಧಿಸುತ್ತಾ ಬಂದರು ಪಂದ್ಯದ ಎರಡನೇ ಸೆಟ್‌ನ ಮಧ್ಯ ವಿರಾಮದ ವೇಳೆಗೆ 11-5 ಸ್ಕೋರ್ ಮಾಡಿದ್ದರು. ಇದಾದ ಬಳಿಕ ಜೂಲಿಯನ್ ಮೇಲೆ ಹೆಚ್ಚಿನ ಒತ್ತಡ ಹೇರಿದ ಲಕ್ಷ್ಯ ಸೇನ್ ಎರಡನೇ ಸೆಟ್ ಅನ್ನು 21 - 14 ಅಂತರದಿಂದ ಗೆದ್ದುಕೊಂಡರು.

ಇದರೊಂದಿಗೆ ಲಕ್ಷ್ಯ ಸೇನ್​ ನೇರ ಸೆಟ್‌ಗಳಿಂದ 21-19 ಮತ್ತು 21-15 ಅಂತರದಿಂದ ಗೆಲುವು ಸಾಧಿಸಿದರು. 2024ರ ಪ್ಯಾರಿಸ್ ಒಲಿಂಪಿಕ್​ನಲ್ಲಿ ಇದು ಲಕ್ಷ್ಯ ಅವರ ಎರಡನೇ ಗೆಲುವಾಗಿದೆ. ಇದಕ್ಕೂ ಮೊದಲು, ಅವರು ಗ್ವಾಟೆಮಾಲಾದ ಆಟಗಾರ ಕೆವಿನ್ ಕಾರ್ಡನ್ ವಿರುದ್ಧ ತಮ್ಮ ಮೊದಲ ಗೆಲುವು ದಾಖಲಿಸಿದ್ದರು. ಆದರೆ, ಗಾಯದ ಕಾರಣದಿಂದಾಗಿ ಪಂದ್ಯಾವಳಿಯಿಂದ ಕೆವಿನ್​ ಹೊರಗುಳಿದರು. ಇದಾದ ಬಳಿಕ ಲಕ್ಷ್ಯ ಅವರೊಂದಿಗಿನ ಪಂದ್ಯ ರದ್ದಾಯಿತು. ಆ ಪಂದ್ಯದ ಅಂಕಗಳು ಲಕ್ಷ್ಯ ಸೇನ್​ ಖಾತೆಗೆ ಸೆರ್ಪಡೆಗೊಂಡಿವೆ. ಅದರ ಆಧಾರದ ಮೇಲೆ ಅಂಕಗಳನ್ನು ನೀಡಲಾಗಿದೆ.

ಇದನ್ನೂ ಓದಿ: ಬ್ಯಾಡ್ಮಿಂಟನ್: ಜಪಾನ್​ ವಿರುದ್ಧ ತನಿಶಾ ಕ್ರಾಸ್ಟೊ-ಅಶ್ವಿನಿ ಪೊನ್ನಪ್ಪಗೆ ಸೋಲು - Paris olympics 2024