ಟಾರ್ಗೆಟ್​ 359!: ಕಿವೀಸ್​ ವಿರುದ್ಧ 2ನೇ ಟೆಸ್ಟ್​ ಗೆದ್ದರೆ ಭಾರತ ಖಾತೆಗೆ ಸೇರಲಿದೆ ಮತ್ತೊಂದು ದಾಖಲೆ!

ನ್ಯೂಜಿಲೆಂಡ್​ ವಿರುದ್ಧ ನಡೆಯುತ್ತಿರುವ ಎರಡನೇ ಟೆಸ್ಟ್​ ಪಂದ್ಯದಲ್ಲಿ ಭಾರತ ಗೆಲುವು ಸಾಧಿಸಿದರೆ ಮತ್ತೊಂದು ದಾಖಲೆ ಬರೆಯಲಿದೆ.

IND vs NZ 2nd Test: ಪುಣೆಯಲ್ಲಿ ನಡೆಯುತ್ತಿರುವ 2ನೇ ಟೆಸ್ಟ್​ನಲ್ಲಿ ಕಿವೀಸ್​ ಪಡೆ ಭಾರತಕ್ಕೆ 359 ರನ್​ಗಳ ಗುರಿಯನ್ನು ನೀಡಿದೆ. 103 ರನ್​ಗಳ ಮುನ್ನಡೆಯೊಂದಿಗೆ ಎರಡನೇ ಇನ್ನಿಂಗ್ಸ್​ ಆರಂಭಿಸಿದ್ದ ನ್ಯೂಜಿಲೆಂಡ್​ ಮೂರನೇ ದಿನದಾಟ ಅಂತ್ಯಕ್ಕೆ 5 ವಿಕೆಟ್​ ಕಳೆದುಕೊಂಡು 301 ರನ್​ಗಳ ಮುನ್ನಡೆ ಪಡೆದು ಬೃಹತ್​ ಮೊತ್ತದತ್ತ ದಾಪುಗಾಲು ಹಾಕಿತ್ತು. ಆದರೆ, ನಾಲ್ಕನೇ ದಿನದಾಟವಾ ಇಂದು ಕಿವೀಸ್​ ಬ್ಯಾಟರ್​ಗಳಿಗೆ ಭಾರತೀಯ ಬೌಲರ್​ಗಳು ಬ್ರೇಕ್​ ಹಾಕಿದರು.

ದೊಡ್ಡ ಗುರಿ ಕಲೆಹಾಕಬೇಕೆಂದಿದ್ದ ಕಿವೀಸ್​ ಕೇವಲ 58 ರನ್​ಗಳಿಗೆ ತನ್ನ ಉಳಿದ 5 ವಿಕೆಟ್​ ಕಳೆದುಕೊಂಡಿತು. ಆಫ್ ಸ್ಪಿನ್ನರ್ ರವಿಚಂದ್ರನ್ ಅಶ್ವಿನ್ (2/97) ಮತ್ತು ಎಡಗೈ ಸ್ಪಿನ್ನರ್ ರವೀಂದ್ರ ಜಡೇಜಾ (3/72) 5 ವಿಕೆಟ್​ ಪಡೆದರು. ಇದೀಗ ಭಾರತ ಈ ಗುರಿಯನ್ನು ತಲುಪಿ ಸರಣಿ ಸಮಬಲ ಸಾಧಿಸಲು ಕಣಕ್ಕಿಳಿದೆ. ಅಂದುಕೊಂಡಂತೆ ಭಾರತ ಈ ಮೊತ್ತವನ್ನು ಚೇಸ್​ ಮಾಡಿದರೆ ಟೀಂ ಇಂಡಿಯಾದ ಟೆಸ್ಟ್​ ಇತಿಹಾಸದಲ್ಲಿ ಎರಡನೇ ಅತ್ಯಧಿಕ ನಾಲ್ಕನೇ ಇನ್ನಿಂಗ್ಸ್ ಚೇಸ್ ಆಗಲಿದೆ. ಜತೆಗೆ ಕಿವೀಸ್​ ವಿರುದ್ಧ 4ನೇ ಇನ್ನಿಂಗ್ಸ್​ನಲ್ಲಿ ದೊಡ್ಡ ಮೊತ್ತದ ಸ್ಕೋರ್​ ಚೇಸ್​ ಮಾಡಿದ ಮೊದಲ ತಂಡವಾಗಿ ದಾಖಲೆ ಬರೆಯಲಿದೆ.

Innings Break!

New Zealand bowled out for 255.

4⃣ wickets for @Sundarwashi5
3⃣ wickets for @imjadeja
2⃣ wickets for @ashwinravi99 #TeamIndia need 359 runs to win!

Scorecard ▶️ https://t.co/YVjSnKCtlI #INDvNZ | @IDFCFIRSTBank pic.twitter.com/ABQKFK2sZt

— BCCI (@BCCI) October 26, 2024

ಇದನ್ನೂ ಓದಿ: ಚೆನ್ನೈ ಹುಡುಗನ ಮೇಲೆ ಆರ್​ಸಿಬಿ ಸೇರಿ 3 ತಂಡಗಳ ಕಣ್ಣು: ಮೆಗಾ ಹರಾಜಿನಲ್ಲಿ ದೊಡ್ಡ ಮೊತ್ತ ಸಾಧ್ಯತೆ

ಇದಕ್ಕೂ ಮೊದಲ 1969ರಲ್ಲಿ ಆಕ್ಲೆಂಡ್‌ನಲ್ಲಿ ನಡೆದ ಟೆಸ್ಟ್​ ಪಂದ್ಯದಲ್ಲಿ ಕಿವೀಸ್​ ನೀಡಿದ್ದ 345 ಗುರಿಯನ್ನು ನಾಲ್ಕನೇ ಇನ್ನಿಂಗ್ಸ್‌ನಲ್ಲಿ ವೆಸ್ಟ್​ ಇಂಡೀಸ್​ ಚೇಸ್​ ಮಾಡಿ ಗೆಲುವು ಸಾಧಿಸಿತ್ತು. ಇದರೊಂದಿಗೆ ಕಿವೀಸ್​ ವಿರುದ್ಧ ನಾಲ್ಕನೇ ಇನ್ನಿಂಗ್ಸ್​ನಲ್ಲಿ 300+ ಗುರಿಯನ್ನು ತಲುಪಿದ ಮೊದಲ ತಂಡ ಎಂಬ ದಾಖಲೆ ಬರೆಯಿತು.

ನಾಲ್ಕು ಬಾರಿ ಮಾತ್ರ: ಭಾರತ ನಾಲ್ಕನೇ ಇನ್ನಿಂಗ್ಸ್‌ನಲ್ಲಿ 300ಕ್ಕೂ ಹೆಚ್ಚು ರನ್‌ಗಳ ಗುರಿಯನ್ನು ಕೇವಲ ಮೂರು ಬಾರಿ ಬೆನ್ನಟ್ಟಿದೆ. ಅವುಗಳಲ್ಲಿ ಒಂದು ತವರಿನಲ್ಲಿ ಮತ್ತು ಎರಡು ವಿದೇಶಿ ನೆಲದಲ್ಲಿ ಎಂಬುದು ಗಮನಾರ್ಹ.

• 1976ರಲ್ಲಿ ವೆಸ್ಟ್​ ಇಂಡೀಸ್​ ವಿರುದ್ಧ ಪೋರ್ಟ್​ ಆಫ್​ ಸ್ಪೇನ್​ನಲ್ಲಿ ನಡೆದಿದ್ದ ಪಂದ್ಯದಲ್ಲಿ ನಾಲ್ಕನೇ ಇನ್ನಿಂಗ್ಸ್​ನಲ್ಲಿ ಭಾರತ 403 ರನ್​ ಗುರಿಯನ್ನು ಬೆನ್ನಟ್ಟಿ ಪಂದ್ಯ ಗೆದ್ದುಕೊಂಡಿತ್ತು. ಭಾರತ ಟೆಸ್ಟ್​ ಇತಿಹಾಸದಲ್ಲೇ ನಾಲ್ಕನೇ ಇನ್ನಿಂಗ್ಸ್​ನ ಅತಿದ್ದೊಡ್ಡ ಚೇಸ್​ ಇದಾಗಿದೆ.
• 2008 ರಲ್ಲಿ ಚೆನ್ನೈನಲ್ಲಿ ನಡೆದ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್​ ಸರಣಿಯಲ್ಲಿ ಭಾರತ ನಾಲ್ಕನೇ ಇನ್ನಿಂಗ್ಸ್​ನಲ್ಲಿ 387 ರನ್​ ಗುರಿಯನ್ನು ಬೆನ್ನಟ್ಟಿ ಗೆಲುವು ಸಾಧಿಸಿತ್ತು. ಇದು ತವರಿನಲ್ಲಿ ನಾಲ್ಕನೇ ಇನ್ನಿಂಗ್ಸ್​ನಲ್ಲಿ ಭಾರತದ ಅತಿ ದೊಡ್ಡ ಚೇಸ್​ ಆಗಿದೆ.
• 2021ರಲ್ಲಿ ಬ್ರಿಸ್ಬೇನ್​ನಲ್ಲಿ ನಡೆದ ಆಸ್ಟ್ರೇಲಿಯಾ ವಿರುದ್ಧದ ಪಂದ್ಯದಲ್ಲಿ ಭಾರತ ನಾಲ್ಕನೇ ಇನ್ನಿಂಗ್ಸ್​ನಲ್ಲಿ 328 ರನ್​ಗಳ ಗುರಿ ಬೆನ್ನಟ್ಟಿ ಗೆಲುವು ಸಾಧಿಸಿತ್ತು.

ಇದನ್ನೂ ಓದಿ: ಬಾರ್ಡರ್​ ಗವಾಸ್ಕರ್​ ಟ್ರೋಫಿಗೆ ಭಾರತ ತಂಡ ಪ್ರಕಟ: ಇಬ್ಬರು ಕನ್ನಡಿಗರಿಗೆ ತಂಡದಲ್ಲಿ ಚಾನ್ಸ್​!