ವನಿತೆಯರ ಏಕದಿನ ಕ್ರಿಕೆಟ್‌: ಆಸ್ಟ್ರೇಲಿಯಾ ವಿರುದ್ಧ ಮುಗ್ಗರಿಸಿದ ಟೀಂ ಇಂಡಿಯಾ

ಭಾರತ-ಆಸ್ಟ್ರೇಲಿಯಾ ಮಹಿಳಾ ತಂಡಗಳ ನಡುವೆ ಇಂದು ನಡೆದ ಮೊದಲ ಪಂದ್ಯದಲ್ಲಿ ಟೀಂ ಇಂಡಿಯಾ ಸೋಲು ಕಂಡಿದೆ.

Ind W vs Aus W, 1st ODI: ಭಾರತ ಮತ್ತು ಆಸ್ಟ್ರೇಲಿಯಾ ಮಹಿಳಾ ಕ್ರಿಕೆಟ್‌ ತಂಡಗಳ ನಡುವಿನ ಐಸಿಸಿ ಮಹಿಳಾ ಚಾಂಪಿಯನ್ಸ್ ಟೂರ್ನಿ​ ಆರಂಭವಾಗಿದೆ. ಇಂದಿನ ಮೊದಲ ಪಂದ್ಯದಲ್ಲಿ ಟೀಂ ಇಂಡಿಯಾ ಹೀನಾಯವಾಗಿ ಸೋಲನುಭವಿಸಿತು. ಬ್ರಿಸ್ಬನ್​ ಮೈದಾನದಲ್ಲಿ ಪಂದ್ಯ ನಡೆಯಿತು.

ಟಾಸ್‌ ಗೆದ್ದು ಮೊದಲು ಬ್ಯಾಟಿಂಗ್​ ಆಯ್ದುಕೊಂಡ ಭಾರತದ ಮಹಿಳೆಯರು ನಿರೀಕ್ಷೆಗೆ ತಕ್ಕ ಪ್ರದರ್ಶನ ನೀಡುವಲ್ಲಿ ವಿಫಲರಾದರು. ಕೇವಲ 100 ರನ್​ಗಳಿಗೆ ಆಲೌಟ್​ ಆದರು. ಹರ್ಲೀನ್​ ಡಿಯೋಲ್​ (19), ಹರ್ಮನ್​ ಪ್ರೀತ್​ ಕೌರ್​ (17), ಜೆಮಿಮಾ ರೋಡ್ರಿಗಸ್​ (23), ರಿಚಾ ಘೋಷ್​ (14) ಬಿಟ್ಟರೆ ಉಳಿದ ಬ್ಯಾಟರ್​ಗಳು ಎರಡಂಕಿ ಗಳಿಸಲಿಲ್ಲ.

ಸಾಮಾನ್ಯ ಗುರಿ ಬೆನ್ನಟ್ಟಿದ ಆಸ್ಟ್ರೇಲಿಯಾ ಕೇವಲ 16.2 ಓವರ್​ಗಳಲ್ಲೇ ಗುರಿ ತಲುಪಿತು. ಆರಂಭಿಕರಾಗಿ ಬ್ಯಾಟಿಂಗ್​ಗಿಳಿದ ಲಿಚಿಫೀಲ್ಡ್​ (35), ಜಿಯಾರ್ಜಿಯಾ ವೊಲ್​ (46*) 48 ರನ್​ಗಳ ಜೊತೆಯಾಟವಾಡಿ ಗೆಲುವಿನ ರುವಾರಿಗಳಾದರು.

Australia win the first #AUSvIND ODI.#TeamIndia will be aiming to bounce back in the second ODI of the series.

Scorecard ▶️ https://t.co/RGxrsRZRGN pic.twitter.com/mC4ZBWJKnl

— BCCI Women (@BCCIWomen) December 5, 2024

ರೇಣುಕಾ 3 ವಿಕೆಟ್​ ಉರುಳಿಸಿದರೂ ತಂಡದ ಗೆಲುವಿಗೆ ಸಾಕಾಗಲಿಲ್ಲ. ಇದರೊಂದಿಗೆ ಆಸೀಸ್​ ಸರಣಿಯಲ್ಲಿ 1-0ರ ಅಂತರದಿಂದ ಮುನ್ನಡೆ ಸಾಧಿಸಿತು.

ಮುಂದಿನ ಪಂದ್ಯ: ಎರಡನೇ ಏಕದಿನ ಪಂದ್ಯ ಭಾನುವಾರ (ಡಿ.8) ಬ್ರಿಸ್ಬೆನ್​ ಮೈದಾನದಲ್ಲಿ ನಡೆಯಲಿದೆ.

ಇದನ್ನೂ ಓದಿ: 11 ಸಿಕ್ಸರ್​​, 8 ಬೌಂಡರಿ: ಭಾರತದ ಯುವ ದಾಂಡಿಗನ ಸ್ಪೋಟಕ ಪ್ರದರ್ಶನಕ್ಕೆ ಪಂತ್​ ದಾಖಲೆ ಪೀಸ್​ ಪೀಸ್​..!