ಪ್ಯಾರಿಸ್ ಒಲಿಂಪಿಕ್​ 2024: ಪ್ರತಿಯೊಬ್ಬ ಕ್ರೀಡಾಪಟುವೂ ಭಾರತದ ಹೆಮ್ಮೆ ಎಂದ ಮೋದಿ, ಖರ್ಗೆ ಶುಭ ಹಾರೈಕೆ - Every athlete is India pride

2024ರ ಪ್ಯಾರಿಸ್ ಒಲಿಂಪಿಕ್​ನಲ್ಲಿ ಭಾಗವಹಿಸುತ್ತಿರುವ ಭಾರತೀಯ ತಂಡಕ್ಕೆ ಪ್ರಧಾನಿ ನರೇಂದ್ರ ಮೋದಿ, ಕಾಂಗ್ರೆಸ್​ ಪಕ್ಷದ ಅಧ್ಯಕ್ಷ ಮಲ್ಲಿಕಾರ್ಜುನ್​ ಖರ್ಗೆ ಸೇರಿದಂತೆ ಇತರರು ಶುಭ ಹಾರೈಸಿದ್ದಾರೆ. ಅಷ್ಟೇ ಅಲ್ಲ, ಕೇರಳ ಸರ್ಕಾರ ತಮ್ಮ ರಾಜ್ಯದ ಕ್ರೀಡಾಪಟುಗಳಿಗೆ ಐದು ಲಕ್ಷ ಮೊತ್ತ ಘೋಷಿಸಿದೆ.

ನವದೆಹಲಿ: ಶುಕ್ರವಾರ ಸಂಜೆಯಿಂದ (ಭಾರತೀಯ ಕಾಲಮಾನ) ಪ್ಯಾರಿಸ್ ಒಲಿಂಪಿಕ್ ಕ್ರೀಡಾಕೂಟ ಆರಂಭವಾಗಿದೆ. ಇದು ಆಗಸ್ಟ್ 11 ರಂದು ಕೊನೆಗೊಳ್ಳಲಿದೆ. ಪ್ಯಾರಿಸ್ ಒಲಿಂಪಿಕ್​ಗಾಗಿ ಭಾರತ 117 ಆಟಗಾರರ ತಂಡವನ್ನು ಕಳುಹಿಸಿದೆ. ಈ 117 ಸದಸ್ಯರ ತಂಡವು ಮೂರು ಕ್ರೀಡೆಗಳ ಅರ್ಧದಷ್ಟು ಆಟಗಾರರನ್ನು ಒಳಗೊಂಡಿದೆ - ಅಥ್ಲೆಟಿಕ್ಸ್ (29), ಶೂಟಿಂಗ್ (21) ಮತ್ತು ಹಾಕಿ (19). ಈ ಎಲ್ಲ ಆಟಗಾರರನ್ನು ಪ್ರಧಾನಿ ನರೇಂದ್ರ ಮೋದಿ ಅಭಿನಂದಿಸಿದ್ದಾರೆ.

ಪ್ರಧಾನಿ ಮೋದಿ ಶುಭಾಶಯ: ಶುಕ್ರವಾರ ಶುಭ ಹಾರೈಸಿದ ಪ್ರಧಾನಿ ನರೇಂದ್ರ ಮೋದಿ ಅವರು, ಪ್ರತಿಯೊಬ್ಬ ಕ್ರೀಡಾಪಟುವೂ ಭಾರತದ ಹೆಮ್ಮೆ ಎಂದರು. ಪ್ಯಾರಿಸ್ ಒಲಿಂಪಿಕ್​ ಆರಂಭವಾಗಿದೆ. ಭಾರತೀಯ ತಂಡಕ್ಕೆ ನನ್ನ ಶುಭಾಶಯಗಳು. ಪ್ರತಿಯೊಬ್ಬ ಕ್ರೀಡಾಪಟು ಭಾರತದ ಹೆಮ್ಮೆ. ಅವರೆಲ್ಲರೂ ಮಿಂಚಲಿ ಮತ್ತು ನಿಜವಾದ ಕ್ರೀಡಾ ಮನೋಭಾವವನ್ನು ಅಳವಡಿಸಿಕೊಳ್ಳಲಿ, ಅವರ ಅಸಾಮಾನ್ಯ ಪ್ರದರ್ಶನಗಳಿಂದ ನಮಗೆ ಸ್ಫೂರ್ತಿ ನೀಡಲಿ ಎಂದು ಅವರು ಎಕ್ಸ್‌ನಲ್ಲಿ ಹೇಳಿದರು.

As the Paris #Olympics commences, my best wishes to the Indian contingent. Every athlete is India’s pride. May they all shine and embody the true spirit of sportsmanship, inspiring us with their exceptional performances. #Paris2024

— Narendra Modi (@narendramodi) July 26, 2024

ಆಟಗಾರರಿಗೆ ಶುಭಾಶಯ ಹೇಳಿದ ಕಾಂಗ್ರೆಸ್​: ಪ್ಯಾರಿಸ್ ಒಲಿಂಪಿಕ್​ಗೆ ಭಾರತೀಯ ಕ್ರೀಡಾಪಟುಗಳಿಗೆ ಕಾಂಗ್ರೆಸ್​ ಶುಭ ಹಾರೈಸಿದೆ. ತಮ್ಮ ಮನೆಗೆ ಕೀರ್ತಿ ತರುವಂತೆ ಮತ್ತು ಮುಂದಿನ ಪೀಳಿಗೆಗೆ ಸ್ಫೂರ್ತಿ ನೀಡುವ ನೆನಪುಗಳನ್ನು ಸೃಷ್ಟಿಸುವಂತೆ ಹಾರೈಸಿದೆ. ಕಾಂಗ್ರೆಸ್ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಎಕ್ಸ್​ನಲ್ಲಿ ಟ್ವೀಟ್​ ಮಾಡಿ, ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ ಪರವಾಗಿ, ನಮ್ಮ ನಂಬಲಾಗದಷ್ಟು ಪ್ರತಿಭಾವಂತ ಭಾರತೀಯ ಕ್ರೀಡಾಪಟುಗಳಿಗೆ ಪ್ಯಾರಿಸ್ ಒಲಿಂಪಿಕ್ಸ್‌ಗೆ ಶುಭ ಹಾರೈಸುವಲ್ಲಿ ನಾನು ರಾಷ್ಟ್ರದೊಂದಿಗೆ ಸೇರುತ್ತೇನೆ. ನಿಮ್ಮ ಸಮರ್ಪಣೆ, ಪರಿಶ್ರಮ ಮತ್ತು ಉತ್ಸಾಹವು ನಿಮ್ಮನ್ನು ಈ ಜಾಗತಿಕ ಹಂತಕ್ಕೆ ತಂದಿದೆ. ನಿಮ್ಮ ಪ್ರದರ್ಶನದಿಂದ ಭಾರತವನ್ನು ಹೆಮ್ಮೆಪಡುವಂತೆ ಮಾಡಿ. ನಿಮ್ಮ ಉತ್ಸಾಹವು ತ್ರಿವರ್ಣ ಧ್ವಜದಷ್ಟು ಎತ್ತರಕ್ಕೆ ಏರಲಿ ಎಂದು ಖರ್ಗೆ ಭಾರತೀಯ ಕ್ರೀಡಾಪಟುಗಳಿಗೆ ತಮ್ಮ ಸಂದೇಶದಲ್ಲಿ ತಿಳಿಸಿದ್ದಾರೆ.

On the behalf of the Indian National Congress, I join the nation in wishing our incredibly talented Indian athletes all the best for the Paris #Olympics.

Your dedication, perseverance, and passion have brought you to this global stage.

Make India proud with your performances,… pic.twitter.com/dP6SFBoz57

— Mallikarjun Kharge (@kharge) July 26, 2024

ಪ್ರತಿ ಆಟಗಾರರಿಗೆ ₹ 5 ಲಕ್ಷ ಘೋಷಣೆ: ಪ್ಯಾರಿಸ್ ಒಲಿಂಪಿಕ್​ನಲ್ಲಿ ಭಾಗವಹಿಸುವ ರಾಜ್ಯದ ಆಟಗಾರರಿಗೆ ತಲಾ ಐದು ಲಕ್ಷ ರೂಪಾಯಿಗಳನ್ನು ನೀಡುವುದಾಗಿ ಕೇರಳ ಸರ್ಕಾರ ಶುಕ್ರವಾರ ಘೋಷಿಸಿದೆ. ಮುಖ್ಯ ಅಥ್ಲೆಟಿಕ್ಸ್ ಕೋಚ್ ರಾಧಾಕೃಷ್ಣನ್ ನಾಯರ್ ಅವರಿಗೂ ಐದು ಲಕ್ಷ ರೂಪಾಯಿ ಮಂಜೂರು ಮಾಡಲಾಗಿದೆ ಎಂದು ರಾಜ್ಯ ಕ್ರೀಡಾ ಸಚಿವ ವಿ. ಅಬ್ದುರಹಿಮಾನ್ ಶುಕ್ರವಾರ ಹೇಳಿದ್ದಾರೆ.

ಮೊಹಮ್ಮದ್ ಅನಾಸ್, ಮೊಹಮ್ಮದ್ ಅಜ್ಮಲ್ (ಇಬ್ಬರೂ ರಿಲೇ ತಂಡದ ಭಾಗ), ಅಬ್ದುಲ್ಲಾ ಅಬೂಬಕೇಕರ್ (ಟ್ರಿಪಲ್ ಜಂಪ್), ಪಿ ಆರ್ ಶ್ರೀಜೇಶ್ (ಹಾಕಿ) ಮತ್ತು ಹೆಚ್ ಎಸ್ ಪ್ರಣೋಯ್ (ಬ್ಯಾಡ್ಮಿಂಟನ್) ಅವರಿಗೆ ಈ ಮೊತ್ತವನ್ನು ನಿಗದಿಪಡಿಸಲಾಗಿದೆ. ಕ್ರೀಡಾ ಪಟುಗಳಿಗೆ ಅಭ್ಯಾಸ ಮತ್ತು ಒಲಿಂಪಿಕ್ ಸಂಬಂಧಿತ ಇತರ ವ್ಯವಸ್ಥೆಗಳಿಗಾಗಿ ಮೊತ್ತವನ್ನು ನಿಗದಿಪಡಿಸಲಾಗಿದೆ. ಕಳೆದ ಬಾರಿ ಪದಕ ಗೆದ್ದ ನಮ್ಮ ಹಾಕಿ ತಂಡದಿಂದ ನಾವು ಹೆಚ್ಚಿನ ನಿರೀಕ್ಷೆಗಳನ್ನು ಹೊಂದಿದ್ದೇವೆ. ಪ್ರಣಯ್ ಕೂಡ ಉತ್ತಮ ಫಾರ್ಮ್‌ನಲ್ಲಿದ್ದಾರೆ ಎಂದು ಸಚಿವರು ಹೇಳಿದರು ಮತ್ತು ಎಲ್ಲಾ ಒಲಿಂಪಿಕ್​ ಭಾಗವಹಿಸುವವರಿಗೆ ಶುಭ ಹಾರೈಸಿದರು.

ಓದಿ: ಪ್ಯಾರಿಸ್ ಒಲಿಂಪಿಕ್​ ಆರಂಭ, ಸೀನ್ ನದಿಯ ದಡದಲ್ಲಿ ನಡೆದ ಉದ್ಘಾಟನಾ ಸಮಾರಂಭ, ಭಾರತವನ್ನು ಮುನ್ನಡೆಸಿದ ಸಿಂಧು-ಅಚಂತಾ - Olympics opening ceremony