16 ವರ್ಷದ ಬಳಿಕ ನ್ಯೂಜಿಲೆಂಡ್​ನಲ್ಲಿ ಟೆಸ್ಟ್​ ಸರಣಿ ಗೆದ್ದ ಇಂಗ್ಲೆಂಡ್​: 36ನೇ ಶತಕ ಸಿಡಿಸಿ ದ್ರಾವಿಡ್​ ದಾಖಲೆ ಸರಿಗಟ್ಟಿದ ಆಂಗ್ಲ ಬ್ಯಾಟರ್​!​

ನ್ಯೂಜಿಲೆಂಡ್​ ವಿರುದ್ಧ ನಡೆದ ಎರಡನೇ ಟೆಸ್ಟ್​ನಲ್ಲಿ ಇಂಗ್ಲೆಂಡ್​ ಬ್ಯಾಟರ್​ ಶತಕ ಸಿಡಿಸಿ ದ್ರಾವಿಡ್​ ದಾಖಲೆ ಸರಿಗಟ್ಟಿದ್ದಾರೆ.

Eng vs NZ 2nd Test: ಇಂಗ್ಲೆಂಡ್​ ಮತ್ತು ನ್ಯೂಜಿಲೆಂಡ್​ ನಡುವೆ 3 ಪಂದ್ಯಗಳ ಟೆಸ್ಟ್​ ಸರಣಿ ನಡೆಯುತ್ತಿದೆ. ಸರಣಿಯ ಎರಡನೇ ಪಂದ್ಯದಲ್ಲಿ ಆಂಗ್ಲ ಬ್ಯಾಟರ್​ ಶತಕ ಸಿಡಿಸಿ ರಾಹುಲ್​ ದ್ರಾವಿಡ್​ ದಾಖಲೆಯನ್ನು ಸರಿಗಟ್ಟಿದ್ದಾರೆ.

ವೆಲ್ಲಿಂಗ್​ಟನ್​ನಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್​ ಸೋತು ಮೊದಲು ಬ್ಯಾಟ್​ ಮಾಡಿದ್ದ ಇಂಗ್ಲೆಂಡ್​ 280ರನ್​ ಗಳಿಸಿತು. ತಂಡದ ಪರ ಹ್ಯಾರಿ ಬ್ರೂಕ್​ ಮತ್ತು ಓಲಿ ಪೋಪ್​​ ಭರ್ಜರಿ ಬ್ಯಾಟಿಂಗ್​ ಮಾಡಿದರು. ಬ್ರೂಕ್​ ಶತಕ ಸಮೇತ 123 ರನ್​ ಕಲೆಹಾಕಿದರೇ, ಪೋಪ್​ 66 ರನ್​ಗಳೊಂದಿಗೆ ಅರ್ಧಶತಕ ಸಿಡಿಸಿ ತಂಡದ ಸ್ಕೋರ್​ಗೆ ಕೊಡುಗೆ ನೀಡಿದರು. ಇದಕ್ಕುತ್ತರವಾಗಿ ನ್ಯೂಜಿಲೆಂಡ್​ 125 ರನ್​ಗಳಿಗೆ ಸರ್ವಪತನ ಕಂಡಿತು. ಆಕಿನ್ಸನ್​ ಮತ್ತು ಬ್ರೈಡನ್​ ಕೆರ್ಸೆ ಬೌಲಿಂಗ್​ ದಾಳಿಗೆ ಸಿಲುಕಿದ ಕಿವೀಸ್​ ಪಡೆ ಪೆವಿಲಿಯನ್​ ಪರೇಡ್​ ಮಾಡಿತು.

Joe Root... That is RIDICULOUS! 🤯

He reaches three figures in style, ramping his way to a THIRTY-SIXTH Test century! pic.twitter.com/EFNXzRlatp

— England Cricket (@englandcricket) December 7, 2024

155 ರನ್​ಗಳ ಮುನ್ನಡೆಯೊಂದಿಗೆ ಎರಡನೇ ಇನ್ನಿಂಗ್ಸ್​ ಆರಂಭಿಸಿದ ಆಂಗ್ಲರು ಬೃಹತ್​ ಮೊತ್ತ ಪೇರಿಸಿದರು. ಬೆನ್​ ಡಕೆಟ್​ (92), ಜಾಕೋಬ್​ ಬೆಥೆಲ್​ (96), ಹ್ಯಾರಿ ಬ್ರೂಕ್​ (55), ಸ್ಟೋಕ್ಸ್​ (49), ರೂಟ್​ (106) ಬ್ಯಾಟಿಂಗ್​ ನೆರವಿನಿಂದ 6 ವಿಕೆಟ್​ ನಷ್ಟಕ್ಕೆ 427 ರನ್​ ಕಲೆ ಹಾಕಿ ಡಿಕ್ಲೇರ್​ ಮಾಡಿಕೊಂಡಿತು. 582 ರನ್​ಗಳ ಬೃಹತ್​ ಗುರಿಯನ್ನು ಬೆನ್ನಟ್ಟಿದ ನ್ಯೂಜಿಲೆಂಡ್, ಟಾಮ್​ ಬ್ಲಂಡೆಲ್​ (115), ನಥನ್​ ಸ್ಮಿತ್​ (42) ಬ್ಯಾಟಿಂಗ್​ ನೆರವಿನಿಂದ 259ರನ್​ ಗಳಿಸಲಷ್ಟೇ ಶಕ್ತವಾಯಿತು. ಇಂಗ್ಲೆಂಡ್​ 323 ರನ್​ಗಳೊಂದಿಗೆ 16 ವರ್ಷಗಳ ಬಳಿಕ ನ್ಯೂಜಿಲೆಂಡ್​ನಲ್ಲಿ ಟೆಸ್ಟ್​ ಸರಣಿ ಗೆದ್ದುಕೊಂಡಿತು. ಇದರಲ್ಲಿ ಎರಡನೇ ಇನ್ನಿಂಗ್ಸ್​ನಲ್ಲಿ ಶತಕ ಸಿಡಿಸುವ ಮೂಲಕ ಜೋ ರೂಟ್​ ದಾಖಲೆ ಬರೆದಿದ್ದಾರೆ.

And we've declared 🤝

Joe Root nicks off and Ben Stokes says enough's enough. We lead by 5️⃣8️⃣2️⃣ runs in Wellington.

🏴󠁧󠁢󠁥󠁮󠁧󠁿 4️⃣2️⃣7️⃣-6️⃣ (dec) pic.twitter.com/5obxXK8sZR

— England Cricket (@englandcricket) December 7, 2024

ಜೋ ರೂಟ್​ 36ನೇ ಶತಕ; ಎರಡನೇ ಇನ್ನಿಂಗ್ಸ್​ನಲ್ಲಿ 73 ರನ್​ಗಳೊಂದಿಗೆ ಮೂರನೇ ದಿನದಾಟ ಆರಂಭಿಸಿದ ಜೋ ರೂಟ್ ಶತಕ ಬಾರಿಸಿ ತಮ್ಮ ಟೆಸ್ಟ್ ವೃತ್ತಿಜೀವನದ 36ನೇ ಸೆಂಚುರಿಯನ್ನು ಪೂರ್ಣಗೊಳಿಸಿದರು. ಈವೆರಗೆ 151 ಟೆಸ್ಟ್ ಪಂದ್ಯಗಳನ್ನು ಆಡಿರುವ ಅವರು 276 ಇನ್ನಿಂಗ್ಸ್‌ಗಳಲ್ಲಿ 50.93ರ ಸರಾಸರಿಯಲ್ಲಿ 12,886ರನ್ ಗಳಿಸಿದ್ದಾರೆ. 36ನೇ ಶತಕ ಜೊತೆಗೆ ರೂಟ್​ ದ್ರಾವಿಡ್​ ದಾಖಲೆಯನ್ನು ಸರಿಗಟ್ಟಿದ್ದಾರೆ. ರಾಹುಲ್ ದ್ರಾವಿಡ್​ ತಮ್ಮ ಕ್ರಿಕೆಟ್​ ವೃತ್ತಿಜೀವನದಲ್ಲಿ 164 ಟೆಸ್ಟ್ ಪಂದ್ಯಗಳನ್ನು ಆಡಿದ್ದು, 286 ಇನ್ನಿಂಗ್ಸ್‌ಗಳಲ್ಲಿ 52.31ರ ಸರಾಸರಿಯಲ್ಲಿ 13,288 ರನ್ ಗಳಿಸಿದ್ದಾರೆ. ಇದರಲ್ಲಿ 36 ಶತಕ ಮತ್ತು 63 ಅರ್ಧ ಶತಕಗಳು ಸೇರಿವೆ.

ಇದನ್ನೂ ಓದಿ: ಟೆಸ್ಟ್​ನಲ್ಲಿ 5 ಲಕ್ಷ ರನ್​ ಪೂರ್ಣಗೊಳಿಸಿದ ಇಂಗ್ಲೆಂಡ್​: ವಿಶ್ವದ ಏಕೈಕ ತಂಡವಾಗಿ ದಾಖಲೆ; 3ನೇ ಸ್ಥಾನದಲ್ಲಿದೆ ಭಾರತ!