ಪಾಕಿಸ್ತಾನದ ಮಾಜಿ ಕ್ರಿಕೆಟಿಗನಿಗೆ ಎರಡನೇ ವಿವಾಹ; ನಟಿಯನ್ನು ವರಿಸಿದ ಶೋಯೆಬ್ ಮಲಿಕ್

Shoaib Malik Marriage: ಪಾಕಿಸ್ತಾನದ ಮಾಜಿ ಕ್ರಿಕೆಟಿಗ ಶೋಯೆಬ್ ಮಲಿಕ್ ಎರಡನೇ ವಿವಾಹವಾಗಿದ್ದಾರೆ. ಶೋಯೆಬ್ ಪಾಕಿಸ್ತಾನಿ ನಟಿ ಸನಾ ಜಾವೇದ್ ಅವರನ್ನು ಶನಿವಾರ ವರಿಸಿದ್ದಾರೆ.

ಕರಾಚಿ​(ಪಾಕಿಸ್ತಾನ್)​: ಪಾಕಿಸ್ತಾನದ ಮಾಜಿ ಕ್ರಿಕೆಟಿಗ ಶೋಯೆಬ್ ಮಲಿಕ್ ಶನಿವಾರ (ಜನವರಿ 20) ಮತ್ತೊಂದು ವಿವಾಹವಾಗಿದ್ದಾರೆ. ಶೋಯೆಬ್ ಅವರ ಎರಡನೇ ಮದುವೆ ಪಾಕಿಸ್ತಾನಿ ನಟಿ ಸನಾ ಜಾವೇದ್ ಅವರ ಜೊತೆ ನಡೆದಿದೆ. ಈ ವಿಚಾರವನ್ನು ದಂಪತಿ ಸಾಮಾಜಿಕ ಜಾಲತಾಣದ ಮೂಲಕ ಬಹಿರಂಗಪಡಿಸಿದ್ದಾರೆ.

• Pakistani cricketer Shoaib Malik ties the knot with Pakistani actress Sana Javed.
  
  (Pics: Shoaib Malik's 'X' account) pic.twitter.com/6dvgDazWru

  — ANI (@ANI) January 20, 2024 " class="align-text-top noRightClick twitterSection" data="

  Pakistani cricketer Shoaib Malik ties the knot with Pakistani actress Sana Javed.
  
  (Pics: Shoaib Malik's 'X' account) pic.twitter.com/6dvgDazWru

  — ANI (@ANI) January 20, 2024

  ">

  Pakistani cricketer Shoaib Malik ties the knot with Pakistani actress Sana Javed.
  
  (Pics: Shoaib Malik's 'X' account) pic.twitter.com/6dvgDazWru

  — ANI (@ANI) January 20, 2024

ಇವರಿಬ್ಬರೂ ಕೆಲ ದಿನಗಳಿಂದ ಡೇಟಿಂಗ್ ಮಾಡುತ್ತಿದ್ದರು ಎಂಬ ವರದಿಗಳು ಬಂದಿದ್ದವು. ಕಳೆದ ವರ್ಷ, ಸನಾ ಜಾವೇದ್ ಅವರ ಜನ್ಮದಿನದಂದು, ಶೋಯೆಬ್ ಅವರಿಗೆ ಸಾಮಾಜಿಕ ಮಾಧ್ಯಮದಲ್ಲಿ ಶುಭ ಹಾರೈಸಿದರು ಮತ್ತು ಈ ಸುದ್ದಿ ಬಲವಾಗಿತ್ತು. ಇತ್ತೀಚೆಗಷ್ಟೇ ಮದುವೆಯಾಗಿ ಈ ಸುದ್ದಿಯನ್ನು ನಿಜ ಮಾಡಿದ್ದಾರೆ. ಇನ್ನು ಸನಾ ತನ್ನ ಸಾಮಾಜಿಕ ಜಾಲತಾಣ ಖಾತೆಯಲ್ಲಿ ತನ್ನ ಹೆಸರನ್ನು 'ಸನಾ ಶೋಯೆಬ್ ಮಲಿಕ್' ಎಂದು ಬದಲಾಯಿಸಿಕೊಂಡಿದ್ದಾರೆ. ಇದು ಸನಾ ಜಾವೇದ್ ಅವರಿಗೆ ಎರಡನೇ ಮದುವೆ ಕೂಡ. ಅವರು 2020 ರಲ್ಲಿ ಗಾಯಕ ಉಮರ್ ಜೈಸ್ವಾಲ್ ಅವರನ್ನು ವಿವಾಹವಾಗಿದ್ದರು ಎನ್ನಲಾಗಿದೆ. ಆದರೆ ವೈಯಕ್ತಿಕ ಕಾರಣಗಳಿಂದ ಎರಡೇ ತಿಂಗಳಲ್ಲಿ ಇಬ್ಬರೂ ಬೇರೆ ಬೇರೆಯಾದರು. ಶೋಯೆಬ್ ಮಲಿಕ್ 2010 ರಲ್ಲಿ ತಮ್ಮ ಮೊದಲ ಪತ್ನಿ ಆಯೇಶಾ ಸಿದ್ದಿಕಿ ಜೊತೆ ವಿಚ್ಛೇದನ ಪಡೆದರು ಎಂದು ಹೇಳಲಾಗಿತ್ತು. ಆದರೆ ಇದರ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿ ಇಲ್ಲ. ಅದೇ ವರ್ಷದ ಏಪ್ರಿಲ್‌ನಲ್ಲಿ ಭಾರತದ ಸ್ಟಾರ್ ಟೆನ್ನಿಸ್ ಆಟಗಾರ್ತಿ ಸಾನಿಯಾ ಮಿರ್ಜಾ ಅವರನ್ನು ಅಧಿಕೃತವಾಗಿ ವಿವಾಹವಾಗಿದ್ದರು. 2018 ರಲ್ಲಿ ಅವರಿಗೆ ಗಂಡು ಮಗು ಸಹ ಜನಿಸಿತ್ತು. ಆದರೆ ಕಳೆದ ಕೆಲವು ದಿನಗಳಿಂದ ಸೋಷಿಯಲ್ ಮೀಡಿಯಾದಲ್ಲಿ ಶೋಯೆಬ್ ಮತ್ತು ಸಾನಿಯಾ ಬೇರ್ಪಡುತ್ತಿದ್ದಾರೆ ಎಂಬ ವರದಿಗಳು ಹರಿದಾಡಿದ್ದವು.

ತಮ್ಮ ಮಗನ ಹುಟ್ಟುಹಬ್ಬದ ಸಂಭ್ರಮದಲ್ಲೂ ಸಾನಿಯಾ ಅವರು ಶೋಯೆಬ್ ಜೊತೆ ಫೋಟೋ ತೆಗೆಸಿಕೊಂಡಿರಲಿಲ್ಲ. ಶೋಯೆಬ್ ತನ್ನ ಮಗನೊಂದಿಗೆ ಏಕಾಂಗಿಯಾಗಿ ಫೋಟೋ ತೆಗೆಸಿಕೊಂಡರೆ, ಸಾನಿಯಾ ಕ್ಯಾಮೆರಾದತ್ತ ನೋಡಿರಲಿಲ್ಲ. ಈ ಸನ್ನಿವೇಶ ಅವರು ಬೇರೆಯಾಗುತ್ತಿದ್ದಾರೆ ಎಂಬ ಸುದ್ದಿಗೆ ಪುಷ್ಠಿ ನೀಡಿತ್ತು.

ಈ ವಿಚಾರವಾಗಿ ಸಾನಿಯಾ ಇತ್ತೀಚೆಗಷ್ಟೇ ಇನ್‌ಸ್ಟಾಗ್ರಾಂನಲ್ಲಿ ಪ್ರತಿಕ್ರಿಯಿಸಿದ್ದಾರೆ. 'ಮದುವೆ ಕಷ್ಟ. ವಿಚ್ಛೇದನವು ಅಷ್ಟೇ ಕಷ್ಟಕರವಾಗಿತ್ತು. ನಿಮಗೆ ಬೇಕಾದುದನ್ನು ಬುದ್ಧಿವಂತಿಕೆಯಿಂದ ಯೋಚಿಸಬೇಕು,' ಎಂಬ ಪೋಸ್ಟ್ ಅನ್ನು ಹಂಚಿಕೊಂಡಿದ್ದರು. ಈ ಹಿನ್ನೆಲೆಯಲ್ಲಿ ಶೋಯೆಬ್ ಮದುವೆ ಹಾಟ್ ಟಾಪಿಕ್ ಆಗಿದೆ. ಆದರೆ ಮುಸ್ಲಿಂ ಮಹಿಳೆಯ ಹಕ್ಕಿನ ಪ್ರಕಾರ ಸಾನಿಯಾ ಅವರೇ ಶೋಯೆಬ್​ಗೆ ವಿಚ್ಛೇದನ ನೀಡಿದಂತಿದೆ. ಆದರೆ, ಈ ವಿಚಾರದಲ್ಲಿ ಅವರಿಂದ ಸ್ಪಷ್ಟನೆ ಸಿಕ್ಕಿಲ್ಲ.

ಓದಿ: ಅಂಡರ್ 19 ವಿಶ್ವಕಪ್: ಬಾಂಗ್ಲಾ ತಂಡ ಎದುರಿಸಲಿರುವ ಕಿರಿಯರ ಟೀಂ ಇಂಡಿಯಾ