ಚಿಕಾಗೋ(ಅಮೆರಿಕ): ಅಮೆರಿಕದಲ್ಲಿ ಮತ್ತೆ ಮಾರಣಹೋಮ ನಡೆದಿದೆ. ಎರಡು ಮನೆಗಳಿಗೆ ನುಗ್ಗಿದ ಶಸ್ತ್ರಸಜ್ಜಿತ ದುಷ್ಕರ್ಮಿ 8 ಜನರನ್ನು ಕೊಂದು ಹಾಕಿದ್ದಾನೆ. ಮೃತರೆಲ್ಲರೂ ಒಂದೇ ಕುಟುಂಬದವರು ಎಂದು ಪೊಲೀಸರ ಪ್ರಾಥಮಿಕ ತನಿಖೆಯಿಂದ ತಿಳಿದುಬಂದಿದೆ. ಆರೋಪಿ ಮತ್ತು ಮೃತಪಟ್ಟವರಿಗೆ ಈ ಮೊದಲು ಪರಿಚಯವಿತ್ತು ಎಂದು ಪೊಲೀಸರು ಶಂಕಿಸಿದ್ದಾರೆ. ಭಾನುವಾರ ಈ ದುಷ್ಕೃತ್ಯ ನಡೆದಿದ್ದು, ತಡವಾಗಿ ಬೆಳಕಿಗೆ ಬಂದಿದೆ. ಇಲಿನಾಯ್ಸ್ ರಾಜ್ಯದ ಚಿಕಾಗೋದಿಂದ 50 ಕಿ.ಮೀ ದೂರದಲ್ಲಿರುವ ಜೋಲಿಯೆಟ್‌ನಲ್ಲಿ ಘಟನೆ ನಡೆದಿದೆ. 23 ವರ್ಷದ ಶಂಕಿತ ಆರೋಪಿ ಯುವಕನ ಫೋಟೋವನ್ನು ಪೊಲೀಸರು ಬಿಡುಗಡೆ ಮಾಡಿದ್ದಾರೆ.
ಶಂಕಿತ ರೋಮಿಯೋ ನಾನ್ಸ್‌ಗಾಗಿ ಶೋಧ ನಡೆಯುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಆರೋಪಿ ಅಪರಾಧ ನಡೆದ ಸ್ಥಳದ ಸಮೀಪ ವಾಸಿಸುತ್ತಿದ್ದನು. 2023ರ ಶೂಟಿಂಗ್ ಪ್ರಕರಣದಲ್ಲಿ ಈತ ಜಾಮೀನಿನ ಮೇಲೆ ಹೊರಬಂದಿದ್ದನು ಎಂದು ನ್ಯಾಯಾಲಯದ ದಾಖಲೆಗಳು ತಿಳಿಸುತ್ತವೆ. ನಾನ್ಸ್ ಅತ್ಯಂತ ಅಪಾಯಕಾರಿ ವ್ಯಕ್ತಿ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.
-
Joliet Police Detectives are currently seeking the whereabouts of Romeo Nance, believed to be driving a red Toyota Camry Q730412. This is an active investigation in which we are working with our area law enforcement partners. Nance should be regarded as armed and dangerous.
— Joliet Police Department (@JolietPolice) January 22, 2024 " class="align-text-top noRightClick twitterSection" data="
">Joliet Police Detectives are currently seeking the whereabouts of Romeo Nance, believed to be driving a red Toyota Camry Q730412. This is an active investigation in which we are working with our area law enforcement partners. Nance should be regarded as armed and dangerous.
— Joliet Police Department (@JolietPolice) January 22, 2024Joliet Police Detectives are currently seeking the whereabouts of Romeo Nance, believed to be driving a red Toyota Camry Q730412. This is an active investigation in which we are working with our area law enforcement partners. Nance should be regarded as armed and dangerous.
— Joliet Police Department (@JolietPolice) January 22, 2024
"ಕ್ಯು730412 ಸಂಖ್ಯೆಯ ಕೆಂಪು ಟೊಯೊಟಾ ಕಾರನ್ನು ನ್ಯಾನ್ಸ್ ಓಡಿಸುತ್ತಿದ್ದನು. ನಾನು 25 ವರ್ಷಗಳಿಂದ ಪೊಲೀಸ್ ಇಲಾಖೆಯಲ್ಲಿದ್ದೇನೆ. ಆದರೆ ಇಂತಹ ಅತ್ಯಂತ ಭಯಾನಕ ಘಟನೆಯನ್ನು ಯಾವತ್ತೂ ನೋಡಿಲ್ಲ" ಎಂದು ಜಿಲೆಟ್ ಪೊಲೀಸ್ ಮುಖ್ಯಸ್ಥ ವಿಲಿಯಂ ಇವಾನ್ಸ್ ಹೇಳಿದರು.
ತನಿಖೆಗೆ FBI ಸಹಾಯ: ಸ್ಥಳೀಯ ಅಧಿಕಾರಿಗಳ ತಂಡ ತನಿಖೆಗೆ ಎಫ್‌ಬಿಐ ಸಹಾಯ ತೆಗೆದುಕೊಂಡಿದೆ ಎಂದು ಇವಾನ್ಸ್ ತಿಳಿಸಿದರು. ನಾನ್ಸ್ ಶೀಘ್ರದಲ್ಲೇ ಸಿಕ್ಕಿಬೀಳುತ್ತಾನೆ. ಆತನ ಬಳಿ ಶಸ್ತ್ರಾಸ್ತ್ರಗಳಿವೆ. ಆತನ ಉದ್ದೇಶಗಳು ಅಪಾಯಕಾರಿಯಾಗಿವೆ. ನ್ಯಾನ್ಸ್ ಮತ್ತವನ ವಾಹನದ ಬಗ್ಗೆ ಮಾಹಿತಿ ಇರುವವರು ಪೊಲೀಸರಿಗೆ ನೀಡುವಂತೆ ಪೊಲೀಸರು ಮನವಿ ಮಾಡಿದ್ದಾರೆ.
ಮೂರು ವಾರಗಳಲ್ಲಿ 875 ಜನರು ಸಾವು: ಅಮೆರಿಕದಲ್ಲಿ ಸಾಮೂಹಿಕ ಗುಂಡಿನ ದಾಳಿ ಘಟನೆಗಳು ಸಾಮಾನ್ಯವಾಗುತ್ತಿವೆ. ಇಲ್ಲಿ ಬಹುತೇಕ ಎಲ್ಲ ಮನೆಯಲ್ಲೂ ಬಂದೂಕುಗಳಿವೆ. ಗನ್ ವಯಲೆನ್ಸ್ ಆರ್ಕೈವ್ ಸಂಗ್ರಹಿಸಿದ ಮಾಹಿತಿಯಂತೆ, ಈ ವರ್ಷ ಕೇವಲ ಮೂರು ವಾರಗಳಲ್ಲಿ 875ಕ್ಕೂ ಹೆಚ್ಚು ಜನರು ಗುಂಡಿನ ಗಾಯಗಳಿಂದ ಸಾವನ್ನಪ್ಪಿದ್ದಾರೆ. ಗನ್ ವಯಲೆನ್ಸ್ ಆರ್ಕೈವ್ ಅಮೆರಿಕದಲ್ಲಿ ಬಂದೂಕು ಹಿಂಸಾಚಾರದ ಘಟನೆಗಳನ್ನು ವರದಿ ಮಾಡುತ್ತದೆ.
ಇದನ್ನೂ ಓದಿ: 7 ವರ್ಷದ ಹಿಂದೆ ಕಣ್ಮರೆಯಾಗಿದ್ದ ಭಾರತೀಯ ವಾಯುಪಡೆಯ AN32 ವಿಮಾನದ ಅವಶೇಷಗಳು ಕೊನೆಗೂ ಪತ್ತೆ!
