ಹೈದರಾಬಾದ್: ದೇಹವನ್ನು ಆರೋಗ್ಯಕರವಾಗಿ ಮತ್ತು ಲವವವಿಕೆಯಿಂದ ಇರುವಂತೆ ಮಾಡಲು ಸ್ನಾನ ಅತ್ಯಗತ್ಯವೆಂದು ಪರಿಗಣಿಸಲಾಗಿದೆ. ಸ್ನಾನ ಮಾಡುವುದರಿಂದ ಮನಸ್ಸು ನಿರಾಳವಾಗುವುದಲ್ಲದೆ, ದೇಹದ ಆಯಾಸ ದೂರವಾಗುತ್ತದೆ. ಇದರಿಂದಗಾಗಿ ಕೆಲವರು ಬೆಳಗ್ಗೆ ಸ್ನಾನ ಮಾಡುತ್ತಾರೆ ಮತ್ತು ಇನ್ನೂ ಕೆಲವರು ರಾತ್ರಿ ಸ್ನಾನ ಮಾಡಿದ ನಂತರ ಮಲಗಲು ಇಷ್ಟಪಡುತ್ತಾರೆ.
ಹೆಚ್ಚಿನ ಜನರು ದಿನಕ್ಕೆ ಒಮ್ಮೆ ಸ್ನಾನ ಮಾಡುವುದು ಒಳ್ಳೆಯದು ಎಂದು ಪರಿಗಣಿಸುತ್ತಾರೆ. ಆದರೆ, ಕೆಲವರು ದಿನಕ್ಕೆ 2 ರಿಂದ 3 ಬಾರಿ ಸ್ನಾನ ಮಾಡುತ್ತಾರೆ. ದೇಹದ ಆರೋಗ್ಯಕ್ಕಾಗಿ ಯಾವ ರೀತಿಯ ನೀರಿನಿಂದ ಮತ್ತು ಎಷ್ಟು ಬಾರಿ ಸ್ನಾನ ಮಾಡಬೇಕು ಎಂದು ನಿಮಗೆ ತಿಳಿದಿದೆಯೇ? ಈ ಕುರಿತು ನಿಮಗೆ ತಿಳಿದಿಲ್ಲವೆಂದರೆ ಈ ಬಗ್ಗೆ ಸಂಪೂರ್ಣವಾದ ಮಾಹಿತಿಯನ್ನು ನಾವ್ ನೀಡುತ್ತೇವೆ.
ವೈದ್ಯರು, ತಜ್ಞರು ತಿಳಿಸುವುದೇನು: ಯಾವುದೇ ವ್ಯಕ್ತಿ ಒಂದಕ್ಕಿಂತ ಹೆಚ್ಚು ಬಾರಿ ಸ್ನಾನ ಮಾಡಬಾರದು ಎಂದು ತಜ್ಞರು ಹೇಳುತ್ತಾರೆ. ಏಕೆಂದರೆ, ನಮ್ಮ ದೇಹದಲ್ಲಿ ಕೆಲವು ನೈಸರ್ಗಿಕ ತೈಲಗಳು ಚರ್ಮವನ್ನು ನಯ ಮತ್ತು ಮೃದುವಾಗಿಡುತ್ತವೆ. ಅಂತಹ ಪರಿಸ್ಥಿತಿಯಲ್ಲಿ ನೀವು ದಿನಕ್ಕೆ ಒಂದಕ್ಕಿಂತ ಹೆಚ್ಚು ಬಾರಿ ಸ್ನಾನ ಮಾಡಿದರೆ, ಈ ನೈಸರ್ಗಿಕ ತೈಲಗಳು ದೇಹದಿಂದ ಹೊರಬರುತ್ತವೆ ಮತ್ತು ಚರ್ಮವು ಒಣಗುತ್ತದೆ. ತಜ್ಞರ ಪ್ರಕಾರ, ಚಳಿಗಾಲದಲ್ಲಿ ಹೆಚ್ಚು ಬಿಸಿ ನೀರು ಮತ್ತು ಬೇಸಿಗೆಯಲ್ಲಿ ತಂಪಾದ ನೀರಿನಿಂದ ಸ್ನಾನ ಮಾಡಬಾರದು ಎಂದು ಹೇಳುತ್ತಾರೆ.
ವಾಸ್ತವವಾಗಿ, ಮಳೆಗಾಲ ಪ್ರಾರಂಭವಾದ ತಕ್ಷಣ, ಜನರಲ್ಲಿ ಅನೇಕ ರೀತಿಯ ರೋಗಗಳು ಕಾಣಿಸಿಕೊಳ್ಳುತ್ತವೆ. ಇದರಲ್ಲಿ ನೆಗಡಿ, ಕೆಮ್ಮು ಮತ್ತು ಜ್ವರ ಸಾಮಾನ್ಯ. ಇದಲ್ಲದೇ ಇತ್ತೀಚಿನ ದಿನಗಳಲ್ಲಿ ಹಲವಾರು ಚರ್ಮದ ಸಮಸ್ಯೆಗಳು ಕಂಡುಬರುತ್ತವೆ. ಇದು ಒಣ ಚರ್ಮ, ಸೋರಿಯಾಸಿಸ್, ಡರ್ಮಟೈಟಿಸ್, ಬಿಳಿ ಚುಕ್ಕೆಗಳು, ಕೆಂಪು ದದ್ದುಗಳು ಮತ್ತು ಇತರ ಅನೇಕ ರೋಗಗಳು ಕಾಣಿಸಿಕೊಳ್ಳುತ್ತವೆ.
ಚರ್ಮ ವಿಭಾಗದ ಹೆಚ್‌ಒಡಿ ಡಾ. ಮೃತ್ಯುಂಜಯ್ ಸಿಂಗ್ ಮತ್ತು ಹಲವು ತಜ್ಞರ ಪ್ರಕಾರ, ಚಳಿಗಾಲದಲ್ಲಿ ಬಿಸಿ ನೀರಿನೊಂದಿಗೆ ಸ್ನಾನ ಮಾಡಿದರೆ ಚರ್ಮವು ಸೂಕ್ಷ್ಮವಾಗುತ್ತದೆ. ಆದ್ದರಿಂದ ಹೆಚ್ಚು ಬಿಸಿ ನೀರಿನೊಂದಿಗೆ ಸ್ನಾನ ಮಾಡುವುದನ್ನು ತಪ್ಪಿಸಬೇಕು. ಅದೇ ಸಮಯದಲ್ಲಿ ಬೇಸಿಗೆಯಲ್ಲಿಯೂ ಸಹ ತುಂಬಾ ತಣ್ಣನೆಯ ನೀರಿನಿಂದ ಸ್ನಾನ ಮಾಡಬೇಡಿ. ಇದು ನಿಮ್ಮ ಆರೋಗ್ಯಕ್ಕೆ ಹಾನಿ ಮಾಡುತ್ತದೆ. ಆದ್ದರಿಂದ ನೀವು ಉಗುರು ಬೆಚ್ಚಗಿನ ನೀರು ಅಥವಾ ಕೋಣೆಯ ಉಷ್ಣಾಂಶದಲ್ಲಿ ಇರಿಸಲಾದ ಸ್ವಲ್ಪ ಬಿಸಿಯಿರುವ ನೀರಿನಿಂದ ಸ್ನಾನ ಮಾಡಿದರೆ ಸಾಕು ಅಂತಾರೆ.
ಸ್ನಾನಕ್ಕೆ ಯಾವ ನೀರು ಹೆಚ್ಚು ಪ್ರಯೋಜನಕಾರಿ: ಉಗುರುಬೆಚ್ಚನೆಯ ನೀರಿನಿಂದ ಸ್ನಾನ ಮಾಡುವುದರಿಂದ ದೇಹದ ಉಷ್ಣತೆಯ ಮೇಲೆ ಹೆಚ್ಚಿನ ಪರಿಣಾಮ ಬೀರುವುದಿಲ್ಲ. ಇದಲ್ಲದೆ, ದೇಹದ ರಕ್ತ ಪರಿಚಲನೆಯು ಹೆಚ್ಚಾಗುತ್ತದೆ. ಮತ್ತು ಶೀತ ಮತ್ತು ಕೆಮ್ಮಿನಂತಹ ಕಾಯಿಲೆಗಳು ಸಹ ಬರುವುದಿಲ್ಲ. ತಮ್ಮ ಸ್ನಾಯುಗಳಲ್ಲಿ ಸಾಕಷ್ಟು ಬಿಗಿತ ಅಥವಾ ಒತ್ತಡವನ್ನು ಅನುಭವಿಸುವ ಜನರಿಗೆ ಬಿಸಿ ನೀರಿನೊಂದಿಗೆ ಸ್ನಾನ ಮಾಡುವುದು ಉತ್ತಮವಾಗಿದೆ. ಏಕೆಂದರೆ, ಇದು ಬಿಗಿಯಾದ ಸ್ನಾಯುಗಳನ್ನು ಸಡಿಲಗೊಳಿಸುತ್ತದೆ. ಇದರಿಂದಾಗಿ ಚಡಪಡಿಕೆ ಕಡಿಮೆಯಾಗುತ್ತದೆ.
ಬಿಸಿ ನೀರು ಸ್ನಾನದ ಪ್ರಯೋಜನ: ಬಿಸಿ ನೀರಿನಲ್ಲಿ ಸ್ನಾನ ಮಾಡುವುದರಿಂದ ಯಾವ ಪ್ರಯೋಜನವಾಗುತ್ತದೆ ಅಂದ್ರೆ, ಬಿಸಿ ಶವರ್‌ನಿಂದ ಬರುವ ಹಬೆಯು ನಿಮ್ಮ ಮುಖದ ರಂಧ್ರಗಳಲ್ಲಿನ ತೈಲ ಮತ್ತು ಕೊಳೆಯನ್ನು ಹೋಗಲಾಡಿಸಲು ಸಹಾಯ ಮಾಡುತ್ತದೆ. ಬಿಸಿ ನೀರಿನೊಂದಿಗೆ ಸ್ನಾನ ಮಾಡುವುದು ಒತ್ತಡ ಮತ್ತು ಆತಂಕವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಏಕೆಂದರೆ ಶಾಖವು ಮೆದುಳಿನಲ್ಲಿ ಆಕ್ಸಿಟೋಸಿನ್ ಎಂಬ ಹಾರ್ಮೋನ್ ಬಿಡುಗಡೆ ಮಾಡಲು ಉತ್ತೇಜಿಸುತ್ತದೆ. ಇದು ಒತ್ತಡ-ವಿರೋಧಿ ಪರಿಣಾಮಗಳನ್ನು ಹೊಂದಿದೆ ಅಥವಾ ದೇಹಕ್ಕೆ ವಿಶ್ರಾಂತಿ ಲಭಿಸಲು ಪೂರಕವಾಗುತ್ತದೆ.
ಬಿಸಿ ನೀರಿನ ಸ್ನಾನದ ಅನಾನುಕೂಲತೆ: ಬಿಸಿ ನೀರಿನ ಸ್ನಾನದ ಕೆಲವು ಅನಾನುಕೂಲತೆಗಳೆಂದರೆ, ಶಾಖವು ಚರ್ಮ ಮತ್ತು ಕೂದಲನ್ನು ಒಣಗಿಸುತ್ತದೆ. ವ್ಯಕ್ತಿಯ ಪ್ರತಿರಕ್ಷಣಾ ವ್ಯವಸ್ಥೆಯ ಮೇಲೆ ಪರಿಣಾಮ ಬೀರುತ್ತದೆ. ಏಕೆಂದರೆ ಚರ್ಮವು ದೇಹದ ರಕ್ಷಣೆಯ ಮೊದಲ ಸಾಲಿನಲ್ಲಿ ಬರುತ್ತದೆ.
ತಣ್ಣೀರಿನ ಸ್ನಾನದ ಪ್ರಯೋಜನಗಳು: ತಂಪಾದ ನೀರಿನಿಂದ ಸ್ನಾನ ಮಾಡುವುದು ಹಲವು ಪ್ರಯೋಜನಗಳನ್ನು ಹೊಂದಿದೆ. ತಣ್ಣೀರಿನ ಸ್ನಾನ ಕೂಡ ಐಸ್ ಸ್ನಾನದಂತೆಯೇ ಪರಿಣಾಮ ಬೀರುತ್ತದೆ. ತೀವ್ರವಾದ ವ್ಯಾಯಾಮದ ನಂತರ ಸ್ನಾಯುಗಳಿಗೆ ಆದ ಆಯಾಸವನ್ನು ನಿವಾರಿಸಲು ಸಹಾಯ ಮಾಡುತ್ತದೆ. ತಣ್ಣೀರಿನಿಂದ ಸ್ನಾನ ಮಾಡುವುದರಿಂದ ರಕ್ತ ಪರಿಚಲನೆ ಸುಧಾರಿಸುತ್ತದೆ. ಏಕೆಂದರೆ ತಣ್ಣೀರು ಮೈಮೇಲೆ ಬೀಳುವುದರಿಂದ ಅಂಗಗಳಿಗೆ ರಕ್ತವನ್ನು ಹಿಂತಿರುಗಿಸುತ್ತದೆ. ಇದರಿಂದಾಗಿ ದೇಹಕ್ಕೆ ಅಗತ್ಯವಾದ ಪೋಷಕಾಂಶಗಳನ್ನು ಒದಗಿಸುತ್ತದೆ.
ತಣ್ಣೀರು ಸ್ಥಾನ ಮಾಡುವುದರಿಂದ ಖಿನ್ನತೆಯನ್ನು ಕಡಿಮೆ ಮಾಡಲು ತುಂಬಾ ಒಳ್ಳೆಯದು. ಏಕೆಂದರೆ, ಇದು ನಮ್ಮ ಮೆದುಳಿನಲ್ಲಿ ಕೆಲವು ಹಾರ್ಮೋನ್ಗಳ ಬಿಡುಗಡೆಗೆ ನೆರವು ನೀಡುತ್ತದೆ. ಬಿಸಿ ನೀರಿನ ಸ್ನಾನಕ್ಕಿಂತ ಭಿನ್ನವಾಗಿ, ತಣ್ಣೀರಿನಿಂದ ಸ್ನಾನ ಮಾಡುವುದರಿಂದ ಕೂದಲು ಮತ್ತು ಚರ್ಮವು ಆರೋಗ್ಯಕರವಾಗಿರುತ್ತದೆ. ಏಕೆಂದರೆ ಅದು ಶುಷ್ಕತೆಯನ್ನು ಉಂಟುಮಾಡುವುದಿಲ್ಲ.
ತಣ್ಣೀರಿನಿಂದ ಸ್ನಾನದ ಅನಾನುಕೂಲಗಳು: ತಣ್ಣೀರಿನಿಂದ ಸ್ನಾನದ ಅನಾನುಕೂಲವೆಂದರೆ, ನಿಮ್ಮ ದೇಹವು ಸಾಕಷ್ಟು ಬೆಚ್ಚಗಾಗದಿದ್ದರೆ ತಣ್ಣೀರು ನಿಮ್ಮ ರೋಗನಿರೋಧಕ ವ್ಯವಸ್ಥೆಗೆ ಒಳ್ಳೆಯದಲ್ಲ. ಜ್ವರದಿಂದ ಬಳಲುತ್ತಿರುವ ಸಮಯದಲ್ಲಿ ತಣ್ಣೀರಿನ ಸ್ನಾನ ಒಳ್ಳೆಯದಲ್ಲ. ಉಗುರು ಬೆಚ್ಚಗಿನ ನೀರಿನಿಂದ ಸ್ನಾನ ಮಾಡುವುದು ಒಳ್ಳೆಯದು ಎಂದು ವೈದ್ಯರು ತಿಳಿಸುತ್ತಾರೆ.
