ಬೆಳಗ್ಗೆಯ ಟಿಫನ್ನಲ್ಲಿ ಕೊಬ್ಬರಿ ಚಟ್ನಿ ಸವಿಯಲು ಅನೇಕರು ಇಷ್ಟಪಡುತ್ತಾರೆ. ಇಂತಹವರು ಯಾವಾಗಲೂ ಒಂದೇ ರೀತಿಯ ಚಟ್ನಿ ಅಲ್ಲದೆ ಈ ಬಾರಿ ಸ್ವಲ್ಪ ವೆರೈಟಿ ಚಟ್ನಿ ಟ್ರೈ ಮಾಡಿ. ಅದಕ್ಕಾಗಿ ನಾವು ನಿಮಗೋಸ್ಕರ ಹೊಸ 'ಟೊಮೆಟೊ - ಕೊಬ್ಬರಿ ಚಟ್ನಿ' ರೆಸಿಪಿಯ ಪರಿಚಯ ಮಾಡಿಕೊಡುತ್ತಿದ್ದೇವೆ. ಕೆಲವೇ ಪದಾರ್ಥಗಳಿಂದ ಕಡಿಮೆ ಸಮಯದಲ್ಲಿ ಈ ಚಟ್ನಿಯನ್ನು ಸುಲಭವಾಗಿ ತಯಾರಿಸಬಹುದು. ಜೊತೆಗೆ ಇದರ ರುಚಿಯೂ ಅದ್ಭುತವಾಗಿರುತ್ತದೆ. ಹಾಗಾದರೆ ಈ ಚಟ್ನಿ ತಯಾರಿಸಲು ಬೇಕಾಗುವ ಪದಾರ್ಥಗಳು ಯಾವುವು? ತಯಾರಿ ಹೇಗೆ? ಎಂಬ ಸಂಪೂರ್ಣ ವಿವರವನ್ನು ಇಲ್ಲಿ ತಿಳಿಯಿರಿ..
ಬೇಕಾಗುವ ಪದಾರ್ಥಗಳು:
- ಟೊಮೆಟೊ - 300 ಗ್ರಾಂ
- ಎಣ್ಣೆ - 4 ಟೀ ಸ್ಪೂನ್
- ಸಾಸಿವೆ - 1 ಟೀ ಸ್ಪೂನ್
- ಜೀರಿಗೆ - 1 ಟೀ ಸ್ಪೂನ್
- ಕಡಲೆಬೀಜ - 1 ಟೀ ಸ್ಪೂನ್
- ಉದ್ದಿನ ಬೇಳೆ - 1 ಟೀ ಸ್ಪೂನ್
- ಒಣ ಮೆಣಸಿನಕಾಯಿ - 6
- ಹಸಿ ಮೆಣಸಿನಕಾಯಿ - 6
- ಕರಿಬೇವಿನ ಎಲೆ - ಸ್ವಲ್ಪ
- ಹಸಿ ಕೊಬ್ಬರಿ ತುಂಡುಗಳು - 1 ಕಪ್
- ಉಪ್ಪು - ರುಚಿಗೆ ತಕ್ಕಷ್ಟು
- ಹುಣಸೆಹಣ್ಣು - ಸ್ವಲ್ಪ
ಒಗ್ಗರಣೆಗೆ ಬೇಕಾಗುವ ಪಾದರ್ಥಗಳು:
- ಎಣ್ಣೆ - 1 ಟೀ ಚಮಚ
- ಜೀರಿಗೆ - 1 ಟೀ ಚಮಚ
- ಸಾಸಿವೆ - 1 ಟೀ ಚಮಚ
- ಕರಿಬೇವಿನ ಎಲೆಗಳು - ಸ್ವಲ್ಪ
ತಯಾರಿಸುವ ವಿಧಾನ:
- ಮೊದಲು ಟೊಮೆಟೊ ಮತ್ತು ಹಸಿ ಕೊಬ್ಬರಿಯನ್ನು ಚೆನ್ನಾಗಿ ತೊಳೆದು ಚಿಕ್ಕದಾಗಿ ಕಟ್ ಮಾಡಿಟ್ಟುಕೊಳ್ಳಿ.
- ಈಗ ಒಲೆಯ ಮೇಲೆ ಬಾಣಲೆ ಇಟ್ಟು ಎರಡು ಚಮಚ ಎಣ್ಣೆ ಹಾಕಿ. ಎಣ್ಣೆ ಸ್ವಲ್ಪ ಬಿಸಿಯಾದಾಗ ಸಾಸಿವೆ, ಜೀರಿಗೆ, ಕಡಲೆಬೀಜ, ಉದ್ದಿನಬೇಳೆ ಮತ್ತು ಒಣ ಮೆಣಸಿನಕಾಯಿ ಹಾಕಿ ಸ್ವಲ್ಪ ಹುರಿದುಕೊಳ್ಳಬೇಕು.
- ಚೆನ್ನಾಗಿ ಹುರಿದುಕೊಂಡ ನಂತರ ಅದಕ್ಕೆ ಖಾರವಾದ ಹಸಿ ಮೆಣಸಿನಕಾಯಿ ತುಂಡುಗಳನ್ನು ಹಾಕಿ ಮತ್ತೊಮ್ಮೆ ಫ್ರೈ ಮಾಡಿಕೊಳ್ಳಬೇಕು. ನಂತರ ಕರಿಬೇವಿನ ಎಲೆಗಳನ್ನು ಹಾಕಿ ಸ್ವಲ್ಪ ಹುರಿದುಕೊಳ್ಳಬೇಕು.
- ಈಗ ಕತ್ತರಿಸಿದ ಕೊಬ್ಬರಿ ತುಂಡುಗಳನ್ನು ಹಾಕಿ ಮೂರು ನಿಮಿಷಗಳ ಕಾಲ ಚೆನ್ನಾಗಿ ಫ್ರೈ ಮಾಡಬೇಕು.
- ನಂತರ ಆ ಮಿಶ್ರಣವನ್ನು ಮಿಕ್ಸಿ ಜಾರ್‌ಗೆ ಹಾಕಿಕೊಂಡು ಪಕ್ಕದಲ್ಲಿ ಇರಿಸಿಕೊಳ್ಳಬೇಕು.
- ಆ ನಂತರ ಅದೇ ಬಾಣಲೆಯಲ್ಲಿ ಎರಡು ಟೀ ಸ್ಪೂನ್ ಎಣ್ಣೆ ಹಾಕಿ ಬಿಸಿ ಮಾಡಿಕೊಳ್ಳಿ. ಆಯಿಲ್ ಸ್ವಲ್ಪ ಬಿಸಿಯಾದಾಗ .. ಕಟ್ ಮಾಡಿ ಇಟ್ಟುಕೊಂಡಿದ್ದ ಟೊಮೆಟೊ ತುಂಡುಗಳನ್ನು ಹಾಕಿ ಬೇಯಿಸಬೇಕು.
- ಟೊಮೆಟೊ ತುಂಡುಗಳನ್ನು ಚೆನ್ನಾಗಿ ಬೇಯಿಸಿಕೊಂಡ ನಂತರ ಒಲೆ ಆಫ್ ಮಾಡಿ. ತದನಂತರ ಅದನ್ನು ಮೊದಲೇ ಮಿಕ್ಸಿ ಜಾರ್‌ಗೆ ಹಾಕಿ ಇಟ್ಟುಕೊಂಡಿದ್ದ ಕೊಬ್ಬರಿ ಮಿಶ್ರಣಕ್ಕೆ ಸೇರಿಸಿ.
- ಹಾಗೆಯೇ ಉಪ್ಪು, ಹುಣಸೆಹಣ್ಣು, ಸ್ವಲ್ಪ ನೀರು ಹಾಕಿ ಮೆತ್ತಗೆ ಗ್ರೈಂಡ್ ಮಾಡಬೇಕು. ಅನಂತರ ಚಟ್ನಿಗೆ ಒಗ್ಗರಣೆ ಹಾಕಿಕೊಳ್ಳಬೇಕು.
- ಇದಕ್ಕಾಗಿ ಒಲೆಯ ಮೇಲೆ ಬಾಣಲೆ ಇಟ್ಟು ಎಣ್ಣೆ ಹಾಕಿ. ಅದು ಬಿಸಿಯಾದ ನಂತರ ಜೀರಿಗೆ, ಸಾಸಿವೆ ಮತ್ತು ಕರಿಬೇವಿನ ಎಲೆ ಹಾಕಿ ಹುರಿಯಿರಿ.
- ಒಗ್ಗರಣೆ ತಯಾರಾದ ನಂತರ ಗ್ರೈಂಡ್ ಮಾಡಿಕೊಂಡ ಚಟ್ನಿಗೆ ಹಾಕಿ ಅಷ್ಟೇ.. ತುಂಬಾ ರುಚಿಕರವಾದ " ಟೊಮೆಟೊ - ಕೊಬ್ಬರಿ ಚಟ್ನಿ" ರೆಡಿ
- ಈ ಚಟ್ನಿಯನ್ನು ದೋಸೆ, ವಡೆ ಅಷ್ಟೇ ಅಲ್ಲದೆ ಅನ್ನದೊಂದಿಗೆ ತಿಂದರೂ ಟೇಸ್ಟ್ ಸೂಪರ್ ಆಗಿ ಇರುತ್ತದೆ. ತಪ್ಪದೇ ಟ್ರೈ ಮಾಡಿ
ಇದನ್ನೂ ಓದಿ: ಹೋಟೆಲ್ ಸ್ಟೈಲ್ ರುಚಿಕರ ಶೇಂಗಾ ಚಟ್ನಿ ತಯಾರಿಸಲು ಇಲ್ಲಿವೆ ಟಿಪ್ಸ್ - PEANUT CHUTNEY TIPS
