ನವದೆಹಲಿ: ಸಮೃದ್ಧವಾದ ಒಮೆಗಾ -3 ಫ್ಯಾಟಿ ಆಸಿಡ್ಗಳನ್ನು ಮೀನಿನ ಎಣ್ಣೆ ಪೂರಕಗಳಿಂದ ಪಡೆಯಬಹುದಾಗಿದೆ. ಮೀನು ಮತ್ತು ಮೀನಿನ ಎಣ್ಣೆಯು ಒಮೆಗಾ 3 ಫ್ಯಾಟಿ ಆಮ್ಲದ ಅಗರವಾಗಿದೆ. ಇದು ಹೃದಯದ ಆರೋಗ್ಯವನ್ನು ಸುಧಾರಿಸುತ್ತದೆ. ಅಲ್ಲದೇ ಮೆದುಳಿನ ಆರೋಗ್ಯವನ್ನು ಹೆಚ್ಚಿಸಿ, ಅಸ್ಥಿ ಸಂಧಿವಾತದ ಲಕ್ಷಣಗಳನ್ನು ಕಡಿಮೆ ಮಾಡಿ ಆರೋಗ್ಯ ಕಾಪಾಡುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಹಾಗೆಂದ ಮಾತ್ರಕ್ಕೆ ಇದನ್ನು ನಿಯಮಿತವಾಗಿ ಸೇವನೆ ಮಾಡುವುದರಿಂದ ಹೃದಯ ಸಮಸ್ಯೆ ಮತ್ತು ಪಾರ್ಶ್ವವಾಯು ಅಪಾಯ ಹೆಚ್ಚಾಗುವ ಸಾಧ್ಯತೆ ಇದೆ ಎಂದು ಅಧ್ಯಯನಯೊಂದು ಎಚ್ಚರಿಸಿದೆ.
ಹೌದು.., ಚೀನಾ, ಯುಕೆ ಮತ್ತು ಯುಎಸ್ನ ಅಂತಾರಾಷ್ಟ್ರೀಯ ತಂಡ ಈ ಕುರಿತು ಅಧ್ಯಯನ ನಡೆಸಿದೆ. ಇದಕ್ಕಾಗಿ 40 ರಿಂದ 69 ವರ್ಷ ವಯೋಮಾನದ ನಿಯಮಿತರವಾಗಿ ಎಣ್ಣೆ ಅಥವಾ ಎಣ್ಣೆ ಹೊರತಾದ ಮೀನು ಅಥವಾ ಮೀನಿನ ಎಣ್ಣೆ ಪೂರಕ ಸೇವಿಸುವ 4,15,737 (ಮಹಿಳೆಯರ ಪ್ರಮಾಣ ಶೇ. 5ರಷ್ಟು) ಮಂದಿಯನ್ನು ಅಧ್ಯಯನದ ಭಾಗವಾಗಿಸಲಾಗಿದೆ.
ಇವರನ್ನು 2006 ರಿಂದ 2010ರ ವರೆಗೆ ಸಮೀಕ್ಷೆಗೆ ಒಳಪಡಿಸಲಾಗಿದೆ. 2021ರಲ್ಲಿ ಇವರ ವೈದ್ಯಕೀಯ ದಾಖಲೆಗಳ ದತ್ತಾಂಶವನ್ನು ಗಮನಿಸಲಾಗಿದೆ.
ಈ ಅಧ್ಯಯನದ ಫಲಿತಾಂಶವು ಬಿಎಂಜೆ ಜರ್ನಲ್ನಲ್ಲಿ ಪ್ರಕಟವಾಗಿದ್ದು, ಮುಕ್ತ ಓದುವಿಕೆಗೆ ಲಭ್ಯವಿದೆ. ಇದರಲ್ಲಿ ಕಂಡು ಬಂದಂತೆ ನಿಯಮಿತವಾಗಿ ಮೀನಿನ ಎಣ್ಣೆ ಪೂರಕಗಳ ಸೇವನೆಯು ಹೃದಯ ರಕ್ತನಾಳದ ಸಮಸ್ಯೆ ಹೆಚ್ಚಳ ಮತ್ತು ಸಾವಿಗೆ ಎಡೆಮಾಡಿಕೊಟ್ಟಿರುವುದು ಕಂಡುಬಂದಿದೆ.
ಅತಿಯಾದ ಮೀನಿನೆಣ್ಣೆಯ ಬಳಕೆ ಹೃದಯಾಘಾತ, ಪಾರ್ಶ್ವವಾಯು ಅಥವಾ ಹೃದಯ ವೈಫಲ್ಯದ ರೂಪಾಂತರ ಅಪಾಯವನ್ನು ಹೊಂದಿದೆ. ಇದರ ಪ್ರಮಾಣ ಮಹಿಳೆಯರಲ್ಲಿ ಶೇ 6ರಷ್ಟಿದ್ದರೆ, ಧೂಮಪಾನೇತರರಲ್ಲಿ ಶೇ 6ಕ್ಕಿಂತ ಹೆಚ್ಚಿದೆ.
ಇದಕ್ಕೆ ತದ್ವಿರುದ್ಧವಾದ ಅಂಶವೂ ಪತ್ತೆಯಾಗಿದೆ. ಹೃದಯ ರಕ್ತನಾಳ ಸಮಸ್ಯೆ ಹೊಂದಿರುವವರಲ್ಲಿ ನಿಯಮಿತ ಮೀನಿನ ಎಣ್ಣೆ ಸೇವನೆಯು ಹೃದಯಾಘಾತದ ಅಪಾಯವನ್ನು ಶೇ. 15ರಷ್ಟು ಕಡಿಮೆ ಮಾಡಿದೆ. ಹಾಗೇ ಹೃದಯಾಘಾತದ ಸಾವಿನ ಅಪಾಯವನ್ನು ಶೇ. 9ರಷ್ಟು ಕಡಿಮೆ ಮಾಡಿದೆ.
ಅಧ್ಯಯನದಲ್ಲಿ ವಯಸ್ಸು, ಲಿಂಗ, ಧೂಮಪಾನ, ಎಣ್ಣೆಯೇತರ ಮೀನಿನ ಸೇವನೆ, ಅಧಿಕ ರಕ್ತದೊತ್ತಡ, ರಕ್ತದೊತ್ತಡ ಕೂಡ ಈ ಅಧ್ಯಯನದಲ್ಲಿ ಪ್ರಮುಖ ಅಂಶವಾಗಿದೆ.
ಇದೊಂದು ಗಮನಿಸಲಾದ ಅಧ್ಯಯನವಾಗಿದೆ. ಕಾರಣವಾದ ಅಂಶಗಳ ಬಗ್ಗೆ ಯಾವುದೇ ತೀರ್ಮಾನಗಳನ್ನು ತೆಗೆದುಕೊಳ್ಳಲಾಗುವುದಿಲ್ಲ ಎಂದು ಅಧ್ಯಯನವು ಒತ್ತಿ ಹೇಳಿದೆ. ಈ ಸಂಬಂಧ ಮತ್ತಷ್ಟು ಹೆಚ್ಚಿನ ಅಧ್ಯಯನದ ಅಗತ್ಯತೆ ಇದೆ ಎಂದು ಕೂಡ ತಿಳಿಸಲಾಗಿದೆ. (ಐಎಎನ್ಎಸ್)
ಇದನ್ನೂ ಓದಿ: ಅಸ್ತಮಾ ರೋಗಿಗಳೇ ಗಮನಿಸಿ: ಬತ್ತಿನಿ ಕುಟುಂಬದಿಂದ ಮೀನಿನ ಔಷಧ ವಿತರಣೆಗೆ ದಿನಾಂಕ ನಿಗದಿ
