ಹೈದರಾಬಾದ್: ಭೂಮಿ ಮೇಲೆ ಬೆಲೆಕಟ್ಟಲಾಗದ ರತ್ನ ಎಂದರೆ ಅದು ಅಮ್ಮ. ಅಂತಹ ಅಮ್ಮನಿಗೊಂದು ದಿನವೂ ಮೀಸಲಿದೆ. ಮೇ 2ರಂದು ಜಗತ್ತಿನೆಲ್ಲೆಡೆ ತಾಯಂದಿರ ದಿನ ಆಚರಿಸುವ ಮೂಲಕ ಆಕೆಯ ಸ್ವಾರ್ಥವಿಲ್ಲದ ತ್ಯಾಗಕ್ಕೆ ಕೃತಜ್ಞತೆ ಮತ್ತು ಮೆಚ್ಚುಗೆ ಹೇಳುವ ಪುಟ್ಟ ಪ್ರಯತ್ನ ನಡೆಸಲಾಗುವುದು.
ಇಂದಿನ ಓಡುವ ಜೀವನದಲ್ಲಿ ಅನೇಕ ಬಾರಿ ದಿನಗಳೆ ಮರೆತು ಹೋಗುತ್ತದೆ. ಅಂತಿಮ ವೇಳೆಯಲ್ಲಿ ತಾಯಂದಿರ ದಿನ ನೆನಪಾಗಿ, ಅಯ್ಯೊ ನನ್ನಮ್ಮನಿಗೆ ಒಂದು ವಿಶೇಷ ಉಡುಗೊರೆ ಕೊಳ್ಳಬೇಕಿತ್ತು ಎನ್ನಿಸುತ್ತದೆ. ಹೆತ್ತು ಹೊತ್ತು ಸಾಕಿ, ಜೀವನ ರೂಪಿಸಿದ ತಾಯಿಗೆ ಮಕ್ಕಳು ನೀಡುವ ಒಂದು ಸಣ್ಣ ಉಡುಗೊರೆ ಪದಗಳಲ್ಲಿ ವರ್ಣಿಸಲಾಗದು. ಈ ಹಿನ್ನಲೆ ಅಂತಿಮ ಕ್ಷಣದಲ್ಲಿ ತಾಯಂದಿರಿಗೆ ಅದ್ಬುತ, ಸೂಕ್ತ ಉಡುಗೊರೆಗೆ ತಯಾರಿ ನಡೆಸುತ್ತಿದ್ದಾರೆ. ಇಲ್ಲಿದೆ ಕೆಲವು ಐಡಿಯಾಗಳು. ಈ ಉಡುಗೊರೆಗಳು ತಾಯಂದಿರ ಮನಸು ಕದಿಯುವ ಜೊತೆಗೆ ಅವರ ಬಗ್ಗೆ ನಿಮಗಿರುವ ಆಳ ಸಂಬಂಧ ಸಾರಲು ಸಹಾಯ ಮಾಡುತ್ತದೆ
ಫೋಟೋ ಆಲ್ಬಂ: ತಾಯಿಯ ನೆನಪಿನ ಪುಟಕ್ಕೆ ಜಾರಿಸುವ ಅಮೂಲ್ಯವಾದ ಕೆಲವು ಫೋಟೋಗಳನ್ನು ಹೆಚ್ಚಿ, ಅದನ್ನು ಕೋಲಾಜ್ ರೀತಿ ಮಾಡಿ. ತಾಯಿ ಜೊತೆ ಕಳೆದ ಬೆಲೆಕಟ್ಟಲಾಗದ ಸಮಯದ ನೆನಪವನ್ನು ಈ ಮೂಲಕ ಅಮರವಾಗಿಸಬಹುದು. ಜೊತೆಗೆ ಇದು ನಿಮ್ಮನ್ನು ಪ್ರೀತಿಯ ಕ್ಷಣಗಳಿಗೆ ಜಾರುವಂತೆ ಮಾಡುತ್ತದೆ.
ಕೈಯಲ್ಲೇ ಪತ್ರ ಬರೆಯಿರಿ: ಬಿಡುವಿರದ ಜೀವನದ ನಡುವೆ ಇಂದು ಪತ್ರ ಬರೆಯುವ ಹವ್ಯಾಸ ಮರೆತಿದ್ದೇವೆ. ಆದರೆ, ಬರೆಯುವ ಪ್ರೀತಿಯ ಅಕ್ಷರಗಳು ಅಥವಾ ಪದ್ತಗಳು ತಾಯಿಯ ಬಗ್ಗೆ ನಿಮ್ಮ ಪ್ರೀತಿಯನ್ನು ವ್ಯಕ್ತಪಡಿಸುವುದು ಸುಳ್ಳಲ್ಲ. ಪತ್ರದಲ್ಲಿ ನಿಮ್ಮ ತಾಯಿಯನ್ನು ಪ್ರೀತಿಸಲು ಕಾರಣ ಏನು ಎಂಬ ಕಥೆ, ನೆನಪು ಮತ್ತು ಕಾರಣಗಳನ್ನು ಬರೆಯಿರಿ. ಸರಿಯಾದ ಭಾವನೆ, ಅರ್ಧಗರ್ಭಿತ ಪದಗಳಿಂದ ತುಂಬಿ.
ಡಿಜಿಟಲ್ ಉಡುಗೊರೆಗಳು: ಡಿಜಿಟಲ್ ಯುಗದಲ್ಲಿ ಡಿಜಿಟಲ್ ಉಡುಗೊರೆಗಳಿಂದ ಕೂಡ ಅವರನ್ನು ಸಂತೋಷ ಪಡಿಸಬಹುದು. ಅವರ ನೆಚ್ಚಿನ ಸ್ಟೋರ್ಗಳಿಗೆ ಶಾಪಿಂಗ್ ಕರೆದೊಯ್ಯುವುದು. ಅವರ ಇಷ್ಟದ ರೆಸ್ಟೋರೆಂಟ್ಗಳಲ್ಲಿ ಇಷ್ಟದ ಆಹಾರ ಸೇವನೆ ಜೊತೆಗೆ ಡಿಜಿಟಲ್ ಗಿಫ್ಟ್ ಕಾರ್ಡ್ ನೀಡಬಹುದು.
ಮೂವಿ ನೈಟ್: ಮನೆಯಲ್ಲಿಯೇ ತಾಯಿಗೆ ಇಷ್ಟವಾಗುವ ಸಿನಿಮಾವನ್ನು ಪ್ರಸಾರ ಮಾಡುವ ವಾತಾವರಣ ಸೃಷ್ಟಿಸಬಹುದು. ಆಕೆಯ ಖುಷಿ ದುಪ್ಪಟ್ಟು ಮಾಡಲು ಮನೆಯ ಸದಸ್ಯರನ್ನು ಆಮಂತ್ರಿಸಬಹುದು. ಒಟ್ಟಾಗಿ ಕುಳಿತು ತಾಯಿಗೆ ಇಷ್ಟವಾಗುವ ಸಿನಿಮಾ, ಸ್ನಾಕ್ಸ್ ಸವಿಯಬಹುದು.
ಮನೆ ಆಹಾರ: ತಾಯಿಗೆ ಇಷ್ಟವಾಗುವಂತಹ ಕೆಲವು ಸಿಹಿ ತಿಂಡಿಯನ್ನು ನೀವೇ ತಯಾರಿಸಬಹುದು. ಕೇಕ್, ಬ್ರೌನಿ, ಕಪ್ಕೇಕ್ ಅಥವಾ ಕುಕ್ಕಿಯನ್ನು ಬೇಯಿಸಿ ಸುಂದರವಾಗಿ ಅಲಂಕರಿಸಿ, ಆಕೆಗೆ ಅಚ್ಚರಿ ಮೂಡಿಸಬಹುದು.
ಇದನ್ನೂ ಓದಿ: ಬೇಸಿಗೆ ವಿಶೇಷ ಮೊಸರು ಚಟ್ನಿ ತಯಾರಿಸುವುದು ಸುಲಭ; ಇದು ಆರೋಗ್ಯಕ್ಕೆ ಬೋನಸ್ ಜೊತೆಗೆ ಟೇಸ್ಟಿ
