ಒಂದು ಕಿಲೋ ತೂಕ ಕರಗಿಸಲು ನೀವು ಎಷ್ಟು ದೂರ ನಡೆಯಬೇಕು? ಎಷ್ಟು ಕ್ಯಾಲೊರಿ ಬರ್ನ್ ಮಾಡಬೇಕು ಗೊತ್ತಾ?

How Much Walk To Lose One Kilo Weight: ತೂಕ ಹೆಚ್ಚಾಗಿದ್ದವರಿಗೆ ನೀವು ನಿತ್ಯ ವಾಕಿಂಗ್ ಮಾಡಿ ಅಂತಾ ಅವರ ಆಪ್ತರು ಸಲಹೆ ನೀಡಿಯೇ ನೀಡಿರುತ್ತಾರೆ. ಹೌದು ವಾಕಿಂಗ್​ ಮಾಡುವುದರಿಂದ ದೇಹ ಆರೋಗ್ಯವಾಗಿರುತ್ತದೆ. ಇದರಲ್ಲಿ ಎರಡು ಮಾತಿಲ್ಲ. ಆದರೆ ವಾಕಿಂಗ್ ಮೂಲಕ ಒಂದು ಕಿಲೋ ತೂಕವನ್ನು ಕಳೆದುಕೊಳ್ಳಲು ಎಷ್ಟು ಕಿಲೋಮೀಟರ್ ನಡೆಯಬೇಕು ಎಂಬ ಬಗ್ಗೆ ಸ್ಪಷ್ಟತೆ ಇಲ್ಲ. ಈ ಬಗ್ಗೆ ಹೆಚ್ಚಿನ ಮಾಹಿತಿ ತಿಳಿದುಕೊಳ್ಳಬೇಕಾ? ಹಾಗಾದರೆ ಈ ಲೇಖನ ಓದಿ.

ಹೈದರಾಬಾದ್​: ಇತ್ತೀಚಿನ ದಿನಗಳಲ್ಲಿ ಬಹಳಷ್ಟು ಮಂದಿಗೆ ಕಾಡುತ್ತಿರುವ ಸಮಸ್ಯೆ ಎಂದರೆ ಅದು ಅಧಿಕ ತೂಕ. ತೂಕ ಇಳಿಸಿಕೊಳ್ಳಲು ಹಲವು ಮಾರ್ಗಗಳಿವೆ. ಆದರೆ, ಹೆಚ್ಚಿನವರು ವಾಕಿಂಗ್​ನಲ್ಲಿ ಆಸಕ್ತಿ ಹೊಂದಿರುತ್ತಾರೆ. ವಾಕಿಂಗ್ ನಿಮ್ಮ ತೂಕವನ್ನು ಇಳಿಸಿಕೊಳ್ಳಲು ಸಹಾಯ ಮಾಡುತ್ತದೆ ಎಂಬುದು ಹಲವರ ಸಲಹೆ. ಆದರೆ, ಒಂದು ಕೆಜಿ ತೂಕ ಇಳಿಸಿಕೊಳ್ಳಲು ಎಷ್ಟು ದೂರ ನಡೆಯಬೇಕು ಎಂಬುದು ಮಾತ್ರ ಸ್ಪಷ್ಟವಾಗಿಲ್ಲ. ಈ ಬಗ್ಗೆ ಅನೇಕ ಜನರು ಗೊಂದಲದಲ್ಲಿದ್ದಾರೆ.

ತೂಕ ಕಡಿಮೆ ಮಾಡಿಕೊಳ್ಳಲು ಈ ಮೂರು ಅಂಶಗಳೇ ಆಧಾರ: ಮೊದಲನೆಯದು ದೇಹದ ತೂಕದ ಮೇಲೆ ಎಷ್ಟು ಕಿಲೋಮೀಟರ್ ನಡೆಯಬೇಕು ಎಂಬುದು ನಿರ್ಧಾರವಾಗಿರುತ್ತದೆ. ದೇಹದ ತೂಕದ ಜೊತೆಗೆ ವಾಕಿಂಗ್ ವೇಗವೂ ತೂಕ ನಷ್ಟದ ಮೇಲೆ ಪ್ರಮುಖ ಪರಿಣಾಮ ಬೀರುವ ಮತ್ತೊಂದು ಅಂಶವಾಗಿದೆ. ನೀವು ಸಾಮಾನ್ಯವಾಗಿ ವಾಕಿಂಗ್​ ಮಾಡುತ್ತಿದ್ದೀರಾ ಅಥವಾ ಶರೀರಕ್ಕೆ ಶ್ರಮ ಆಗುವ ರೀತಿಯಲ್ಲಿ ವಾಕಿಂಗ್​ ಮಾಡುತ್ತಿದ್ದೀರಾ ಎಂಬುದು ಸಹ ತೂಕ ಕಡಿಮೆ ಮಾಡಿಕೊಳ್ಳುವ ಪ್ರಕ್ರಿಯೆ ಮೇಲೆ ಪರಿಣಾಮ ಬೀರುತ್ತದೆ.

ಇನ್ನು ಮೂರನೆಯದು ಜೀವಕ್ರಿಯೆ ಸಾಮರ್ಥ್ಯ. ಇದು ವಿವಿಧ ವ್ಯಕ್ತಿಗಳಲ್ಲಿ ಒಂದೊಂದು ರೀತಿಯಲ್ಲಿ ಇರುತ್ತದೆ. ಒಬ್ಬ ವ್ಯಕ್ತಿಯು ಒಂದು ಕಿಲೋಗ್ರಾಂ ತೂಕ ಕಳೆದುಕೊಳ್ಳಲು ಸುಮಾರು 7,000 ಕ್ಯಾಲೊರಿಗಳನ್ನು ಕರಗಿಸಬೇಕಾಗುತ್ತದೆ ಎನ್ನುತ್ತಾರೆ ತಜ್ಞರು.

ಒಂದು ಕಿಲೋ ಇಳಿಸುವ ಲೆಕ್ಕಾಚಾರ ಹೀಗಿದೆ: ಸರಾಸರಿ ಪ್ರತಿ ಕಿಲೋಮೀಟರ್‌ಗೆ 0.4 ರಿಂದ 0.5 ಕ್ಯಾಲೊರಿಗಳನ್ನು ಒಬ್ಬ ವ್ಯಕ್ತಿ ಬರ್ನ್​ ಮಾಡಬಹುದಾಗಿದೆ. ಈ ಲೆಕ್ಕಾಚಾರದ ಪ್ರಕಾರ, 70 ಕೆಜಿ ತೂಕದ ವ್ಯಕ್ತಿಯು ಒಂದು ಕಿಲೋಮೀಟರ್ ನಡೆದರೆ 28 ರಿಂದ 35 ಕ್ಯಾಲೊರಿಗಳನ್ನು ಬರ್ನ್ ಮಾಡಬಹುದು. ಒಂದು ಕೆಜಿ ದೇಹದ ಕೊಬ್ಬು ಸುಮಾರು 7000 ಕ್ಯಾಲೊರಿಗಳಿಗೆ ಸಮನಾಗಿರುತ್ತದೆ. ಆದರೆ, 70 ಕೆಜಿ ತೂಕದ ವ್ಯಕ್ತಿಯು ಪ್ರತಿ ಕೆಜಿಗೆ 7000 ಕ್ಯಾಲೊರಿಗಳನ್ನು ಕಳೆದುಕೊಳ್ಳಲು 200 ರಿಂದ 250 ಕಿಮೀ ನಡೆಯಬೇಕು. ಇದು ಅಚ್ಚರಿಯಾದರೂ ಸತ್ಯ. ಒಬ್ಬ ವ್ಯಕ್ತಿಯು ತನ್ನ ಆಹಾರ ಮತ್ತು ಇತರ ಅಂಶಗಳಲ್ಲಿ ಯಾವುದೇ ಬದಲಾವಣೆಗಳನ್ನು ಮಾಡದೇ ನಡೆಯಬೇಕಾದ ದೂರವು 200 ರಿಂದ 250 ಕಿಮೀ ಎಂದು ಹೇಳಲಾಗುತ್ತಿದೆ. ನಾವು ಅಡಿಗಳಲ್ಲಿ ಲೆಕ್ಕ ಹಾಕಿದರೆ, ಅದು ಸುಮಾರು 2,50,000 ರಿಂದ 3,12,500 ಅಡಿಗಳಾಗುತ್ತದೆ. ನೀವು ಇದನ್ನು ಗಂಟೆಗಳಲ್ಲಿ ಲೆಕ್ಕ ಹಾಕಿದರೆ, ನೀವು 40 ರಿಂದ 50 ಗಂಟೆಗಳ ಕಾಲ ನಡೆದರೆ ಒಂದು ಕಿಲೋಗ್ರಾಂ ತೂಕ ಕಳೆದುಕೊಳ್ಳ ಬಹುದಾಗಿದೆಯಂತೆ.

ಆದರೆ, ಅಧಿಕ ತೂಕ ಹೊಂದಿರುವವರು ಒಂದು ಕಿಲೋ ತೂಕ ಇಳಿಸಿಕೊಳ್ಳಲು ಸಾಮಾನ್ಯ ಜನರಿಗಿಂತ ಕಡಿಮೆ ದೂರ ನಡೆಯಬೇಕು. ಇದಲ್ಲದೇ, ಕಡಿಮೆ ತೂಕ ಹೊಂದಿರುವ ಜನರು ಒಂದು ಕಿಲೋ ತೂಕವನ್ನು ಕಳೆದುಕೊಳ್ಳಲು ಹೆಚ್ಚಿನ ಕ್ಯಾಲೊರಿಗಳನ್ನು ಬರ್ನ್​ ಮಾಡಬೇಕು. ಅಂದರೆ ಬಹಳ ದೂರ ನಡೆಯಬೇಕು.

ಆದರೆ ನೀವು ಎಷ್ಟು ವೇಗವಾಗಿ ನಡೆಯುತ್ತೀರಿ ಎಂಬುದರ ಮೇಲೆ ತೂಕ ಇಳಿಸುವ ಪ್ರಕ್ರಿಯೆ ನಿಂತಿದೆ ಅಂತಾರೆ ವೈದ್ಯರು. ಎತ್ತರದ ಪ್ರದೇಶದಲ್ಲಿ ನಡೆಯುವುದರಿಂದ ಹೆಚ್ಚಿನ ಕ್ಯಾಲೊರಿಗಳು ಬರ್ನ್​ ಆಗುತ್ತವೆ. ಹೀಗಾಗಿ ನಡೆಯುವ ದೂರ ಕಡಿಮೆಯಾದರೂ, ಹೆಚ್ಚಿನ ಕ್ಯಾಲೊರಿಗಳು ಬರ್ನ್​ ಆಗುತ್ತದೆ. ಅಲ್ಲದೇ, ನಡೆಯುವ ಅಭ್ಯಾಸ ಇರುವವರಿಗೆ ಕಡಿಮೆ ಕ್ಯಾಲೋರಿಗಳು ಬರ್ನ್ ಆದ್ರೆ, ವಾಕಿಂಗ್ ಅಭ್ಯಾಸವಿಲ್ಲದವರಿಗೆ ಹೆಚ್ಚು ಕ್ಯಾಲೊರಿಗಳು ಬರ್ನ್​ ಆಗುತ್ತವೆ ಎಂದು ವೈದ್ಯರು ಹೇಳುತ್ತಾರೆ.

ನೀವು ತೂಕ ಇಳಿಸಿಕೊಳ್ಳಲು ಬಯಸಿದರೆ ಇದನ್ನು ಫಾಲೋ ಮಾಡಿ..

1. ನಿಯಮಿತವಾಗಿ ನಡೆಯಿರಿ..
2. ಕಡಿಮೆ ಕ್ಯಾಲೋರಿ ಹೊಂದಿರುವ ಆಹಾರವನ್ನೇ ಸೇವಿಸಿ..
3. ವ್ಯಾಯಾಮ ಮಾಡಲು ಮರೆಯದಿರಿ..
4. ಊಟವಾದ ನಂತರ ನಡೆಯುವುದನ್ನು ರೂಢಿಸಿಕೊಳ್ಳಿ..
5. ದೇಹಕ್ಕೆ ಬೇಕಾದಷ್ಟು ನೀರನ್ನು ಸೇವಿಸಿ..
6. ಸಾಧ್ಯವಾದಷ್ಟು ಮೆಟ್ಟಿಲುಗಳ ಮೇಲೆ ನಡೆಯುವುದನ್ನು ರೂಢಿಸಿಕೊಳ್ಳಿ..

ಓದಿ: ವಿಶ್ವ ನಿದ್ರಾ ದಿನ: ಉತ್ತಮ ಆರೋಗ್ಯಕ್ಕೆ ಬೇಕೇ ಬೇಕು ಅಗತ್ಯ ನಿದ್ದೆ