ನವದೆಹಲಿ: ಕೋವಿಡ್ 19 ಸಾಂಕ್ರಾಮಿಕ ರೋಗದ ವಿರುದ್ಧ ಭಾರತದ ಹೋರಾಟದಲ್ಲಿ ಸಹಾಯ ಮಾಡಿದ್ದ ಕೋವಿನ್ ಪೋರ್ಟಲ್ ಅನ್ನು ಇದೀಗ ರಾಷ್ಟ್ರೀಯ ಪ್ರತಿರಕ್ಷಣಾ ಕಾರ್ಯಕ್ರಮಕ್ಕಾಗಿ ಯುವಿನ್ ಆಗಿ ಬದಲಾಯಿಸಲಾಗಿದೆ.
ಯುವಿನ್ ಮೂಲಕ ನವಜಾತ ಶಿಶು ಮತ್ತು ತಾಯಂದಿರ ಹೆಸರು, ಅವರು ಹೊಂದಿರುವ ನಿರೋಧಕತೆಯ ದಾಖಲೆಯನ್ನು ಲಿಂಕ್ ಮಾಡಿ ಕಾಲಕಾಲಕ್ಕೆ ಮಾಹಿತಿ ಒದಗಿಸಲಾಗುತ್ತದೆ. ಯುವಿನ್ ಪೋರ್ಟಲ್‌ನಲ್ಲಿ ಮಗುವಿನ ಹೆಸರನ್ನು ಸೇರಿಸಿದ ನಂತರ, ಅಗತ್ಯ ಲಸಿಕೆ ಸೌಲಭ್ಯವು ಹತ್ತಿರದ ಕೇಂದ್ರದಲ್ಲಿ ಸಿಗುವ ಜೊತೆಗೆ ಮಗುವಿಗೆ ಕಾಲಕಾಲಕ್ಕೆ ಬೇಕಾದ ಲಸಿಕೆಯ ಕುರಿತು ನೆನಪಿಸಲಾಗುತ್ತದೆ. ಅಂಗನವಾಡಿ ಮತ್ತು ಶಾಲಾ ಆರೋಗ್ಯ ದಾಖಲೆಯಲ್ಲಿ ಈ ದಾಖಲೆಗಳು ಇರಲಿವೆ ಎಂದು ಕೇಂದ್ರ ಆರೋಗ್ಯ ಕಾರ್ಯದರ್ಶಿ ಅಪೂರ್ವ ತಿಳಿಸಿದ್ದಾರೆ.
ಜಿನೀವಾದಲ್ಲಿ ವಿಶ್ವ ಆರೋಗ್ಯ ಸಂಸ್ಥೆಯ 77ನೇ ವಿಶ್ವ ಆರೋಗ್ಯ ಸಮ್ಮೇಳನದಲ್ಲಿ ಮಾತನಾಡಿದ ಭಾರತೀಯ ನಿಯೋಗದ ಮುಖ್ಯಸ್ಥ ಚಂದ್ರು, ಭಾರತದ ಡಿಜಿಟಲ್ ಆರೋಗ್ಯ ಪ್ರಗತಿಯನ್ನು ವಿವರಿಸಿದರು.
ಭಾರತದ ಡಿಜಿಟಲ್ ಆರೋಗ್ಯ ಕ್ರಾಂತಿ ಕುರಿತದ ಕ್ಲಾಡ್ ದೇಶಗಳೊಂದಿಗಿನ ಪ್ಲೀನರಿ ಸೆಷನ್ನಲ್ಲಿ ಮಾತನಾಡಿದ ಅವರು, ಡಿಜಿಟಲ್ ಸಾರ್ವಜನಿಕ ಸೌಕರ್ಯದ ಸಾಮರ್ಥ್ಯವನ್ನು ಒತ್ತಿ ಹೇಳಿದರು. 100ಕ್ಕೂ ಹೆಚ್ಚು ದೇಶಗಳು ಭಾಗಿಯಾಗಿದ್ದ ಈ ಕಾರ್ಯಕ್ರಮದಲ್ಲಿ ಜಾಗತಿಕವಾಗಿ ಡಿಜಿಟಲ್ ಸಾರ್ವಜನಿಕ ಮೂಲಸೌಕರ್ಯ ಅಭಿವೃದ್ಧಿಯ ಸಹಕಾರಿ ಯತ್ನವನ್ನು ತಿಳಿಸಲಾಯಿತು.
ಕಾರ್ಯಕ್ರಮದಲ್ಲಿ ಆಯುಷ್ಮಾನ್ ಭಾರತ್ ಡಿಜಿಟಲ್ ಮಿಷನ್ನ ಡಿಜಿಟಲ್ ದಾಖಲೀಕರಣದ ಪ್ರಯತ್ನ ಕುರಿತು ಮಾಹಿತಿ ನೀಡಲಾಯಿತು. ಈ ಮಿಷನ್ ಮೂಲಕ 618 ಮಿಲಿಯನ್ ವಿಶಿಷ್ಟ ಆರೋಗ್ಯ ಐಡಿಗಳನ್ನು ರಚಿಸಲಾಗಿದೆ. 2,68,00 ಆರೋಗ್ಯ ಸೌಲಭ್ಯವನ್ನು ನೋಂದಾಯಿಸಲಾಗಿದೆ. 3,50,00 ಆರೋಗ್ಯ ವೃತ್ತಿಪರರು ಹೊಂದಿದ್ದಾರೆ. ಡಿಜಿಟಲ್ ಆರೋಗ್ಯ ಸೇವೆಯಲ್ಲಿ ಭಾರತದ ಬದ್ಧತೆಯ ಪ್ರತೀಕವಾಗಿ ಆಯುಷ್ಮಾನ್ ಭಾರತ್ ಡಿಜಿಟಲ್ ಮಿಷನ್ ಇದೆ ಎಂದು ಅವರು ಹೇಳಿದರು.
ಜಿನೀವಾದಲ್ಲಿರುವ ಭಾರತದ ಖಾಯಂ ಪ್ರತಿನಿಧಿಯಾದ ರಾಯಭಾರಿ ಅರಿಂದಮ್ ಬಾಗ್ಚಿ ಮಾತನಾಡಿ, ಆರೋಗ್ಯ ರಕ್ಷಣೆಯ ಲಭ್ಯತೆ ಮತ್ತು ದಕ್ಷತೆ ಹೆಚ್ಚಿಸಲು ಡಿಜಿಟಲ್ ತಂತ್ರಜ್ಞಾನವನ್ನು ಬಳಸಿಕೊಳ್ಳುವಲ್ಲಿ ಭಾರತ ಬದ್ಧವಾಗಿದೆ ಎಂದರು.
ಜಪಾನ್‌ನ ಖಾಯಂ ಪ್ರತಿನಿಧಿ ರಾಯಭಾರಿ ಅಟ್ಸುಯುಕಿ ಓಕೆ ಮತ್ತು ಆರೋಗ್ಯ ಇಲಾಖೆಯ ಉಪ ಕಾರ್ಯದರ್ಶಿ ಬ್ಲೇರ್ ಎಕ್ಸೆಲ್ ಅವರು ತಮ್ಮ ದೇಶಗಳ ಡಿಜಿಟಲ್ ಆರೋಗ್ಯಕ್ಕೆ ನೀಡುತ್ತಿರುವ ಕೊಡುಗೆಯನ್ನು ಕಾರ್ಯಕ್ರಮದಲ್ಲಿ ತಿಳಿಸಿದರು. (ಐಎಎನ್ಎಸ್)
ಇದನ್ನೂ ಓದಿ: ಇನ್ಮುಂದೆ ಕೋವಿಡ್ ಲಸಿಕೆ ಪಡೆಯಲು CO-WIN ಪೋರ್ಟಲ್‌ನಲ್ಲಿ ಆಧಾರ್ ಕಡ್ಡಾಯವಲ್ಲ
