'ಥಗ್ ಲೈಫ್' ಈ ಸಾಲಿನ ಬಹುನಿರೀಕ್ಷಿತ ಚಿತ್ರಗಳಲ್ಲೊಂದು. ದಕ್ಷಿಣ ಚಿತ್ರರಂಗದ ಹೆಸರಾಂತ ನಟ ಕಮಲ್ ಹಾಸನ್ ಮುಖ್ಯಭೂಮಿಕೆಯಲ್ಲಿರುವ ಹಿನ್ನೆಲೆ ಸಿನಿಪ್ರಿಯರು ಸಾಕಷ್ಟು ನಿರೀಕ್ಷೆಗಳನ್ನಿಟ್ಟುಕೊಂಡಿದ್ದಾರೆ. ಚಿತ್ರತಂಡ ಸಹ ಪ್ರೇಕ್ಷಕರ ಕುತೂಹಲ ಹೆಚ್ಚಿಸುವ ಕೆಲಸವನ್ನು ಮುಂದುವರಿಸಿದ್ದಾರೆ. ಅದರಂತೆ ಇಂದು ಕೂಡ ವಿವಿಧ ಸೋಷಿಯಲ್ ಮೀಡಿಯಾ ಪ್ಲಾಟ್ಫಾರ್ಮ್ಗಳಲ್ಲಿ 'ಥಗ್ ಲೈಫ್' ಜಾಗ ಗಿಟ್ಟಿಸಿಕೊಂಡಿದೆ.
ಜನಪ್ರಿಯ ನಟ ಕಮಲ್ ಹಾಸನ್ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿರುವ 'ಥಗ್ ಲೈಫ್' ಚಿತ್ರದ ಹಿಂದಿರುವ ನಿರ್ಮಾಪಕರು ಇಂದು (ಮೇ 8, ಬುಧವಾರ) ನಟ ಸಿಲಂಬರಸನ್ ಟಿ.ಆರ್ ಅವರ ಫಸ್ಟ್ ಲುಕ್ ಅನ್ನು ಅನಾವರಣಗೊಳಿಸಿದ್ದಾರೆ. ಚಿತ್ರದಲ್ಲಿ ಸಿಲಂಬರಸನ್ ಪ್ರಮುಖ ಪಾತ್ರ ನಿರ್ವಹಿಸುತ್ತಿದ್ದಾರೆ. ಈ ಹಿಂದೆ ಕಮಲ್ ಹಾಸನ್ ಜೊತೆ ದುಲ್ಕರ್ ಸಲ್ಮಾನ್ ಪ್ರಮುಖ ಪಾತ್ರ ವಹಿಸುತ್ತಾರೆ ಎಂದು ಹೇಳಲಾಗಿತ್ತು. ಆದಾಗ್ಯೂ ದುಲ್ಕರ್ ಟೈಟ್ ಶೂಟಿಂಗ್ ಶೆಡ್ಯೂಲ್, ಡೇಟ್ಸ್ ಕೊರತೆ ಹಿನ್ನೆಲೆ ಈ ಚಿತ್ರದಿಂದ ಹೊರನಡೆಯಬೇಕಾಯಿತು. ದುಲ್ಕರ್ ನಂತರ ನಟ ಸಿಲಂಬರಸನ್ ಟಿ.ಆರ್ ಈ ಚಿತ್ರತಂಡದ ಭಾಗವಾದರು.
ಚಲನಚಿತ್ರ ನಿರ್ಮಾಣ ಸಂಸ್ಥೆ 'ರಾಜ್ ಕಮಲ್ ಫಿಲ್ಮ್ಸ್ಇಂಟರ್ನ್ಯಾಶನಲ್' ಎಕ್ಸ್ನಲ್ಲಿ ನಟ ಸಿಲಂಬರಸನ್ ಟಿ ಆರ್ ಅವರ ಮೊದಲ ನೋಟವನ್ನು ಹಂಚಿಕೊಂಡಿದೆ. ಜೊತೆಗೆ "In the Realms of Dust, a New Thug Arises'' ಎಂದು ಕ್ಯಾಪ್ಷನ್ ಕೊಟ್ಟಿದೆ. ಈ ಪೋಸ್ಟರ್‌ನಲ್ಲಿ, ನಟ ತೀವ್ರ ನೋಟದಲ್ಲಿ ಕಾಣಿಸಿಕೊಂಡಿದ್ದು, ಕ್ಯಾಮರಾದತ್ತ ಗನ್ ತೋರಿಸುತ್ತಿರುವುದನ್ನು ಕಾಣಬಹುದು. ನಟನ ಖಡಕ್ ಲುಕ್ಗೆ ವಿವಿಧ ರೀತಿಯ ಪ್ರತಿಕ್ರಿಯೆಗಳು ವ್ಯಕ್ತವಾಗಿವೆ. ಜೊತೆಗೆ, ಸಿನಿಪ್ರಿಯರು ಸಿನಿಮಾ ವೀಕ್ಷಿಸುವ ಕುತೂಹಲ ವ್ಯಕ್ತಪಡಿಸುತ್ತಿದ್ದಾರೆ.
ಇದನ್ನೂ ಓದಿ: ನೇಮದಲ್ಲಿ ಪಾಲ್ಗೊಂಡ ಕೆಜಿಎಫ್ ನಟಿ ಶ್ರೀನಿಧಿ ಶೆಟ್ಟಿ: ಮತ್ತಷ್ಟು ಎತ್ತರಕ್ಕೆ ಬೆಳೆಯುವ ಅಭಯ ನೀಡಿದ ದೈವ - Srinidhi Shetty
ಭಾರತೀಯ ಚಿತ್ರರಂಗದ ಹೆಸರಾಂತ ನಿರ್ದೇಶಕ ಮಣಿರತ್ನಂ ಈ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳುತ್ತಿದ್ದಾರೆ. 1987ರ ಕ್ರೈಮ್ ಆ್ಯಕ್ಷನ್ ಸಿನಿಮಾ 'ನಾಯಕನ್‌'ನಲ್ಲಿ ಈ ಇಬ್ಬರು ಲೆಜೆಂಡ್ಸ್ ಕೆಲಸ ಮಾಡಿದ್ದರು. ಅದಾದ ಬಳಿಕ 'ಥಗ್ ಲೈಫ್' ಈ ಇಬ್ಬರನ್ನು ಒಟ್ಟು ಸೇರಿಸಿದೆ. ಅಲ್ಲದೇ 2018ರ ಚೆಕ್ಕಾ ಚಿವಂತ ವಾನಂನಲ್ಲಿ ಮಣಿರತ್ನಂ ಮತ್ತು ಸಿಲಂಬರಸನ್ ಟಿಆರ್ ಕೆಲಸ ಮಾಡಿದ್ದು, 'ಥಗ್ ಲೈಫ್' ಅವರ ಎರಡನೇ ಚಿತ್ರ.
ಇದನ್ನೂ ಓದಿ: ನೇಮದಲ್ಲಿ ಪಾಲ್ಗೊಂಡ ಕೆಜಿಎಫ್ ನಟಿ ಶ್ರೀನಿಧಿ ಶೆಟ್ಟಿ: ಮತ್ತಷ್ಟು ಎತ್ತರಕ್ಕೆ ಬೆಳೆಯುವ ಅಭಯ ನೀಡಿದ ದೈವ - Srinidhi Shetty
'ಥಗ್ ಲೈಫ್' ಎಂಬ ಈ ಆ್ಯಕ್ಷನ್ ಡ್ರಾಮಾದಲ್ಲಿ ತ್ರಿಶಾ ಕೃಷ್ಣನ್, ಅಭಿರಾಮಿ, ನಾಸರ್, ಗೌತಮ್ ಕಾರ್ತಿಕ್, ಜೋಜು ಜಾರ್ಜ್ ಮತ್ತು ಐಶ್ವರ್ಯಾ ಲಕ್ಷ್ಮಿ ಸೇರಿದಂತೆ ದೊಡ್ಡ ತಾರಾಗಣವನ್ನು ಕಾಣಬಹುದು. ಥಗ್ ಲೈಫ್‌ಗೆ ಸಂಗೀತವನ್ನು ಭಾರತದ ಹೆಸರಾಂತ ಸಂಯೋಜಕ ಎಆರ್ ರೆಹಮಾನ್ ಸಂಯೋಜಿಸುತ್ತಿದ್ದಾರೆ. ಈ ಹಿಂದೆ ಮಣಿರತ್ನಂ ಪ್ರೊಜೆಕ್ಟ್ಗಳಲ್ಲಿ ಕೆಲಸ ಮಾಡಿದ್ದಾರೆ. ಇನ್ನು, ಕಮಲ್ ಹಾಸನ್ ಅವರೊಂದಿಗೆ ರೆಹಮಾನ್ ಅವರದ್ದು ಮೂರನೇ ಚಿತ್ರ. ಸಿನಿಮಾ ಬಿಡುಗಡೆ ದಿನಾಂಕ ಇನ್ನಷ್ಟೇ ಘೋಷಣೆಯಾಗಬೇಕಿದ್ದರೂ, ಚಿತ್ರದ ಸುತ್ತಲಿರುವ ಕುತೂಹಲ, ನಿರೀಕ್ಷೆ ದೊಡ್ಡ ಮಟ್ಟಿಗಿದೆ.
