ಸೂಪರ್ ಸ್ಟಾರ್ ಶಾರುಖ್ ಖಾನ್ ಇಂದು ಮುಂಜಾನೆ ಮುಂಬೈ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡರು. ಪಾಪರಾಜಿಗಳು ಬಹುಬೇಡಿಕೆ ನಟನ ವಿಡಿಯೋ ಹಂಚಿಕೊಂಡಿದ್ದು, ಸೋಷಿಯಲ್ ಮೀಡಿಯಾದಲ್ಲಿ ಎಸ್ಆರ್ಕೆಯ ಏರ್ಪೋರ್ಟ್ ವಿಡಿಯೋ ವೈರಲ್ ಆಗುತ್ತಿದೆ. ನಟ ಹೊರಟ ಕೆಲ ಹೊತ್ತಿಗೂ ಮುನ್ನ ಪತ್ನಿ, ಪುತ್ರಿ ಕೂಡ ಏರ್ಪೋರ್ಟ್ನಲ್ಲಿ ಕಾಣಿಸಿಕೊಂಡಿದ್ದು, ಎಲ್ಲಿಗೆ ಪ್ರವಾಸ ಬೆಳೆಸಿರಬಹುದೆಂದು ಪ್ರೇಕ್ಷಕರು ಕುತೂಹಲ ವ್ಯಕ್ತಪಡಿಸುತ್ತಿದ್ದಾರೆ.
ಅಭಿಮಾನಿಗಳು ಕಿಂಗ್ ಖಾನ್ ವಿಡಿಯೋಗೆ ಮೆಚ್ಚುಗೆ ಸೂಚಿಸುತ್ತಿದ್ದಾರೆ. ಭಾರಿ ಭದ್ರತೆಯೊಂದಿಗೆ ಬಂದ ಲೆಜೆಂಡರಿ ಆ್ಯಕ್ಟರ್ ಕಡು ನೀಲಿ ಬಣ್ಣದ ಟಿ-ಶರ್ಟ್‌, ಡೆನಿಮ್, ಟ್ರೆಂಡಿ ಶೂಸ್ ಧರಿಸಿ ಯುವಕನಂತೆ ಸ್ಟೈಲಿಶ್ ನೋಟ ಬೀರಿದರು. 58ರ ಹರೆಯದ ನಟ ಡಾರ್ಕ್ ಸನ್‌ಗ್ಲಾಸ್ನಲ್ಲಿ ತಮ್ಮ ಸ್ಟೈಲಿಶ್ ಲುಕ್ ಅನ್ನು ಪೂರ್ಣಗೊಳಿಸಿಕೊಂಡರು. ಶಾರುಖ್ ಖಾನ್ ಅವರು ವಿಮಾನ ನಿಲ್ದಾಣದೊಳಗೆ ಪ್ರವೇಶಿಸುತ್ತಿರುವ ವಿಡಿಯೋವನ್ನು ಪಾಪರಾಜಿಗಳು ಸೆರೆಹಿಡಿದು ಆನ್ಲೈನ್ನಲ್ಲಿ ಹರಿಬಿಟ್ಟಿದ್ದಾರೆ.
ಕಾಕತಾಳೀಯ ಎನ್ನುವಂತೆ ಕಿಂಗ್ ಖಾನ್ ಶಾರುಖ್ ನಿರ್ಗಮಿಸುವ ಕೆಲ ಹೊತ್ತಿಗೂ ಮೊದಲು, ಪಾಪರಾಜಿಗಳು ನಟನ ಪತ್ನಿ ಗೌರಿ ಖಾನ್ ಮತ್ತು ಪುತ್ರಿ ಸುಹಾನಾ ಖಾನ್ ಅವರನ್ನೂ ಇದೇ ವಿಮಾನ ನಿಲ್ದಾಣದಲ್ಲಿ ಗುರುತಿಸಿದ್ದಾರೆ. ಸುಹಾನಾ ಎಂದಿನಂತೆ ಏರ್ಪೋರ್ಟ್ ಲುಕ್ನಲ್ಲಿ ಕಾಣಿಸಿಕೊಂಡರು. ಬ್ಲ್ಯಾಕ್ ಟಾಪ್, ವೈಟ್ ಫುಲ್ ಸ್ಲೀವ್ಸ್ ಝಿಪ್ಪರ್, ಬೂದು ಬಣ್ಣದ ಟ್ರ್ಯಾಕ್ ಪ್ಯಾಂಟ್, ವೈಟ್ ಶೂಟ್ ಧರಿಸಿದ್ದರು. ಗೌರಿ ಖಾನ್ ಅವರು ಪ್ರಿಂಟೆಡ್ ಡ್ರೆಸ್‌ನಲ್ಲಿ ಕಾಣಿಸಿಕೊಂಡರು. ಯುವ ನಟಿ ಸುಹಾನಾ ಖಾನ್ ತಾಯಿಯೊಂದಿಗೆ ವಿಮಾನ ನಿಲ್ದಾಣದೊಳಗೆ ಹೋಗುವ ಮೊದಲು ಪಾಪರಾಜಿಗಳ ಕ್ಯಾಮರಾಗಳಿಗೆ ಪೋಸ್ ನೀಡಿದರು.
ಇದನ್ನೂ ಓದಿ: ರಶ್ಮಿಕಾ ಮಂದಣ್ಣ ಡೀಪ್‌ಫೇಕ್ ವಿಡಿಯೋ ಸೃಷ್ಟಿಕರ್ತ ಅರೆಸ್ಟ್: ದೆಹಲಿ ಪೊಲೀಸರು
ಶಾರುಖ್ ಖಾನ್ ಸಿನಿಮಾ ವಿಚಾರ ಗಮನಿಸೋದಾದ್ರೆ, ಕೊನೆಯದಾಗಿ ರಾಜ್‌ಕುಮಾರ್ ಹಿರಾನಿಯವರ ಡಂಕಿ ಚಿತ್ರದಲ್ಲಿ ಕಾಣಿಸಿಕೊಂಡರು. ನಾಲ್ಕು ವರ್ಷಗಳ ಬ್ರೇಕ್ ಬಳಿಕ ಬಂದ 2023ರಲ್ಲಿ, ಒಂದೇ ವರ್ಷದಲ್ಲಿ ಮೂರು ಸೂಪರ್ ಹಿಟ್ ಸಿನಿಮಾಗಳನ್ನು ನೀಡಿದ್ದಾರೆ. ಮುಂಬರುವ ಪ್ರಾಜೆಕ್ಟ್ಗಳನ್ನು ಶೀಘ್ರದಲ್ಲೇ ಘೋಷಿಸಲಿದ್ದಾರೆ ಎಂದು ವರದಿಯಾಗಿದೆ. ಕಿಂಗ್ ಖಾನ್ ಅವರ ಮುಂದಿನ ಸಿನಿಮಾ ಮಗಳು ಸುಹಾನಾ ಜೊತೆ ಎಂದು ಕೂಡ ಹೇಳಲಾಗಿದೆ. 'ಕಿಂಗ್' ಶೀರ್ಷಿಕೆಯ ಆ್ಯಕ್ಷನ್-ಪ್ಯಾಕ್ಡ್ ಥ್ರಿಲ್ಲರ್‌ ಸಿನಿಮಾದಲ್ಲಿ ತಂದೆ-ಮಗಳು ಮೊದಲ ಬಾರಿ ತೆರೆ ಹಂಚಿಕೊಳ್ಳಲಿದ್ದಾರೆ. ಸುಜೋಯ್ ಘೋಷ್ ನಿರ್ದೇಶನದ ಈ ಚಿತ್ರ ಶೀಘ್ರದಲ್ಲೇ ಸೆಟ್ಟೇರಲಿದೆ. ರೆಡ್ ಚಿಲ್ಲೀಸ್ ಎಂಟರ್‌ಟೈನ್‌ಮೆಂಟ್ ಮತ್ತು ಸಿದ್ಧಾರ್ಥ್ ಆನಂದ್ ಅವರ ಮಾರ್ಫ್ಲಿಕ್ಸ್ ಎಂಟರ್‌ಟೈನ್‌ಮೆಂಟ್ ಈ ಚಿತ್ರವನ್ನು ನಿರ್ಮಾಣ ಮಾಡಲಿದೆ ಎಂದು ಹೇಳಲಾಗಿದೆ. ಅಲ್ಲದೇ ಬಹುನಿರೀಕ್ಷಿತ 'ಟೈಗರ್ ವರ್ಸಸ್ ಪಠಾಣ್' ಪ್ರಾಜೆಕ್ಟ್ ಕೂಡ ಕಿಂಗ್ ಖಾನ್ ಬಳಿ ಇದೆ.
ಇದನ್ನೂ ಓದಿ: 'ಫೈಟರ್' ಸಿಕ್ಸ್ಪ್ಯಾಕ್ಗಾಗಿ ಪರಿಶ್ರಮ: 14 ತಿಂಗಳ ಬಳಿಕ ಸಿಹಿ ಸೇವಿಸಿದ ಹೃತಿಕ್ ರೋಷನ್
