ಬಾಲ್ಯದಲ್ಲೇ ರಾಷ್ಟ್ರಪ್ರಶಸ್ತಿ ಮುಡಿಗೇರಿಸಿಕೊಂಡು 'ಬೆಟ್ಟದ ಹೂವು' ಎನಿಸಿಕೊಂಡ ಪುನೀತ್ ರಾಜ್ಕುಮಾರ್ ಅಗಲಿ ಇಂದಿಗೆ ಮೂರು ವರ್ಷ. ಆದ್ರೆ ಸಿನಿಮಾ, ಸಮಾಜ ಸೇವೆ ಮೂಲಕ ಸದಾ ಜೀವಂತ ಈ ಸ್ಯಾಂಡಲ್ವುಡ್ ಸೂಪರ್ ಸ್ಟಾರ್.
ಆರು ತಿಂಗಳ ಮಗುವಾಗಿದ್ದಾಗಲೇ ಪ್ರೇಮದ ಕಾಣಿಕೆ ಸಿನಿಮಾ ಮೂಲಕ ಬೆಳ್ಳಿತೆರೆ ಪ್ರವೇಶಿಸಿದ 'ಮಾಸ್ಟರ್ ಲೋಹಿತ್' ಕನ್ನಡ ಚಿತ್ರರಂಗ ಮಾತ್ರವಲ್ಲದೇ ಇಡೀ ಭಾರತೀಯ ಸಿನಿರಂಗ ಮೆಚ್ಚುವಂತೆ ಬದುಕಿದ 'ರಾಜಕುಮಾರ' ಕೊನೆಯುಸಿರೆಳೆದು ಮೂರು ವರ್ಷಗಳಾಗಿವೆ. ಅಭಿಮಾನಿಗಳ ದೃಷ್ಠಿಯಲ್ಲಿ ನಗುಮೊಗದ ಅರಸನಾಗಿರುವ ಪುನೀತ್ ರಾಜ್ಕುಮಾರ್ ಅಮೋಘ ಅಭಿನಯದ ಜೊತೆ ಜೊತೆಗೆ ಆ್ಯಕ್ಷನ್, ಡ್ಯಾನ್ಸ್‌ನಲ್ಲಿಯೂ ಕಿಂಗ್ ಅಂತಾ ಕರೆಸಿಕೊಂಡರು. ತಮ್ಮ ಅದ್ಭುತ ಡ್ಯಾನ್ಸ್ ಮೂಲಕ ಅಪಾರ ಕನ್ನಡಿಗರ ಮನ ಗೆದ್ದಿರುವ ಪವರ್ ಸ್ಟಾರ್ ಅಭಿನಯದ ದಿ ಬೆಸ್ಟ್ ಡ್ಯಾನ್ಸ್ ಮಾಹಿತಿ ಇಲ್ಲಿದೆ.
ತಂದೆಗೆ ತಕ್ಕ ಮಗ ಅಂತಾ ಸಿನಿಮಾ ಹಾಗೂ ರಿಯಲ್ ಲೈಫ್ನಲ್ಲಿ ಸಾಬೀತುಪಡಿಸಿದ ಪುನೀತ್ ರಾಜ್ಕುಮಾರ್ ಅವರೀಗ ಹೆಚ್ಚಿನ ಸಂಖ್ಯೆಯ ಅಭಿಮಾನಿಗಳ ಆರಾಧ್ಯ ದೈವರಾಗಿದ್ದಾರೆ. ಬಾಲ್ಯದಲ್ಲೇ ವಸಂತ ಗೀತ ಚಿತ್ರದಲ್ಲಿ ಅಣ್ಣಾವ್ರ ಜೊತೆ ಬೊಂಬಾಟ್ ಆಗಿ ಡ್ಯಾನ್ಸ್ ಮಾಡಿ ವಾಹ್ ಎನಿಸಿಕೊಂಡಿದ್ರು.
ಪೂರ್ಣ ಪ್ರಮಾಣದ ಹೀರೋ ಆಗಿ ಸ್ಯಾಂಡಲ್ವುಡ್ ಸಿಲ್ವರ್ ಸ್ಕ್ರೀನ್ ಮೇಲೆ ವಿಜೃಂಭಿಸಿದ ಚಿತ್ರ 'ಅಪ್ಪು'. 2002ರಲ್ಲಿ ತೆರೆಕಂಡ ಅಪ್ಪು ಚಿತ್ರವನ್ನು ತೆಲುಗು ನಿರ್ದೇಶಕ ಪುರಿ ಜಗನ್ನಾಥ್ ನಿರ್ದೇಶಿಸಿದ್ರು. ಈ ಚಿತ್ರ ಕಮರ್ಷಿಯಲಿ ಬ್ಲಾಕ್ಬಸ್ಟರ್ ಹಿಟ್ ಆಗಿತ್ತು. ಚಿತ್ರದ ಟೈಟಲ್ ಸಾಂಗ್ ತಾಲಿಬಾನ್ ಅಲ್ಲ ಅಲ್ಲ ಅಂತಾ ಪುನೀತ್ ರಾಜ್ಕುಮಾರ್ ಸಖತ್ತಾಗೆ ಡ್ಯಾನ್ಸ್ ಮಾಡಿ ಟ್ರೆಂಡ್ ಸೆಟ್ ಮಾಡಿದ್ರು. ಈ ಹಾಡಿನ ಜೊತೆಗೆ ಪುನೀತ್ ಅವರ ಡ್ಯಾನ್ಸ್ ಸ್ಟೈಲ್ ದೊಡ್ಡ ಮಟ್ಟದ ಕ್ರೇಜ್ ಕ್ರಿಯೇಟ್ ಮಾಡಿತ್ತು.
ಈ ಚಿತ್ರದ ನಂತರ ಮತ್ತಷ್ಟು ಹವಾ ಸೃಷ್ಟಿಸಿದ ಚಿತ್ರದ 'ವೀರ ಕನ್ನಡಿಗ'. ಅಪ್ಪು ಪಕ್ಕಾ ಲೋಕಲ್ ಹುಡುಗನಾಗಿ ನೈರೆ ನೈರೆ ನೈ ನೈ ರೆ ಬಾಬಾ ಎಂದು ಸಖತ್ ಸ್ಟೆಪ್ ಹಾಕಿದ್ದರು. ಈ ಹಾಡು ಕೂಡಾ ಪಡ್ಡೆ ಹೈಕ್ಳ ಹಾಟ್ ಫೇವರೆಟ್ ಆಗಿತ್ತು.
ಸಿನಿಮಾದಿಂದ ಸಿನಿಮಾಗೆ ಪುನೀತ್ ನಟನೆ ಜೊತೆ ಜೊತೆಗೆ ಡ್ಯಾನ್ಸ್ ಮೂಲಕವೂ ಗಮನ ಸೆಳೆಯುತ್ತಾ ಬರುತ್ತಾರೆ. ಡ್ಯಾನ್ಸ್ ಸ್ಟೆಪ್ಸ್ ಟ್ರೆಂಡ್ ಸೆಟ್ ಮಾಡುವಲ್ಲಿ ಯಶ ಕಾಣುತ್ತೆ. ಅದ್ರಲ್ಲಿ ರಾಮ್ ಸಿನಿಮಾ ಕೂಡಾ ಒಂದು.
ಪ್ರಿಯಾಮಣಿ ಜೊತೆ ಪವರ್ ಸ್ಟಾರ್ ಹೊಸ ಗಾನಬಜಾನ ಅಂತಾ ಟಪ್ಪಾಂಗುಂಚಿ ಹಾಡಿಗೆ ಸಖತ್ತಾಗಿ ಸ್ಟೆಪ್ ಹಾಕಿದ್ದಾರೆ. ಈ ಗೀತೆ ಟ್ರೆಂಡ್ ಕ್ರಿಯೇಟ್ ಮಾಡಿತ್ತು.
2010ರ ಹಿಟ್ ಸಿನಿಮಾ ಜಾಕಿ. ಈ ಚಿತ್ರದ ಟೈಟಲ್ ಸಾಂಗ್ನಲ್ಲಿ ಪವರ್ ಸ್ಟಾರ್ ಬಾಲ್ಯದ ಫೋಟೋ ಜೊತೆಗೆ ಅವರ ಡ್ಯಾನ್ಸಿಂಗ್ ಖದರ್ ಸೂಪರ್ ಆಗಿ ಮೂಡಿಬಂತು.
2014ರಲ್ಲಿ ಅದ್ದೂರಿ ಮೇಕಿಂಗ್ನಿಂದಲೇ ಟಾಕ್ ಆದ ಚಿತ್ರ ಪವರ್. ಈ ಚಿತ್ರದ ಧಮ್ ಪವರೇ ಗೀತೆಯಲ್ಲಿನ ಪವರ್ ಸ್ಟಾರ್ ನಾಲ್ಕೈದು ಕಾಸ್ಟೂಮ್ನಲ್ಲಿ ಅಬ್ಬರಿಸಿದ್ದರು.
2016ರಲ್ಲಿ ಬಂದ ಚಕ್ರವ್ಯೂಹ ಸಿನಿಮಾದಲ್ಲಿ ಟಾಲಿವುಡ್ ಸ್ಟಾರ್ ಜೂನಿಯರ್ ಎನ್ಟಿರ್ ಹಾಡಿದ ಗೆಳೆಯ ಗೆಳೆಯ ಎಂಬ ಹಾಡಿಗೆ ಪವರ್ ಸ್ಟಾರ್ ಡ್ಯಾನ್ಸ್ ಮಾಡಿ ಅಭಿಮಾನಿಗಳಿಂದ ಮೆಚ್ಚುಗೆ ಗಳಿಸುತ್ತಾರೆ.
ತಂದೆಯಂತೆ ಅಭಿಮಾನಿಗಳನ್ನು ದೇವರುಗಳು ಅಂತಾ ಹಾಡಿನ ಮೂಲಕ ಹೇಳಿದ ಚಿತ್ರ ದೊಡ್ಮನೆ ಹುಡ್ಗ. ಈ ಚಿತ್ರದ ಟೈಟಲ್ ಹಾಡಿನಲ್ಲಿ ಅಭಿಮಾನಿಗಳೇ ನಮ್ಮನೆ ದೇವರು ಅಂತಾ ಪವರ್ ಸ್ಟಾರ್ ಸಖತ್ ಸ್ಟೆಪ್ ಹಾಕಿದ್ರು. ಈ ಹಾಡಿನ ವಿಶೇಷ ಅಂದ್ರೆ ರಾಜ್ಯದ ಬಹುತೇಕ ಜಿಲ್ಲೆಗಳಲ್ಲಿ ನಿಜವಾದ ಅಭಿಮಾನಿಗಳ ಸಮ್ಮುಖದಲ್ಲಿ ಈ ಹಾಡನ್ನ ನಿರ್ದೇಶಕ ಸೂರಿ ಚಿತ್ರೀಕರಣ ಮಾಡಿದ್ರು. ಈ ಹಾಡು ಕೂಡ ಡ್ಯಾನ್ಸ್ ನಂಬರ್ ಗಳಲ್ಲಿ ಒಂದು.
ಇದರ ಜೊತೆಗೆ ರಾಜಕುಮಾರ ಸಿನಿಮಾದಲ್ಲಿ ಡ್ಯಾನ್ಸ್ ಅಪ್ಪು ಡ್ಯಾನ್ಸ್ ಹಾಡಿನಲ್ಲಿ ಪುನೀತ್ ಪವರ್ ಫುಲ್ ಡ್ಯಾನ್ಸ್ ಸ್ಟೆಪ್ಸ್ ಸೆನ್ಷೇಷನ್ ಕ್ರಿಯೇಟ್ ಮಾಡಿದವು. ಈ ಹಾಡು ಚಿಕ್ಕ ಮಕ್ಕಳ ಫೇವರೆಟ್ ಆಗಿತ್ತು.
ಇದನ್ನೂ ಓದಿ: ಪುನೀತ್ 'ಗಂಧದಗುಡಿ'ಗೆ 2 ವರ್ಷ: 'ಅಭಿಮಾನಿಗಳ ಪ್ರೀತಿ ವರ್ಣನಾತೀತ' ಎಂದ ಅಪ್ಪು ಸ್ಪೆಷಲ್ ವಿಡಿಯೋ ರಿಲೀಸ್
ಇನ್ನು ಒಪನ್ ದಿ ಬಾಟಲ್ ನಟಸಾರ್ವಭೌಮ ಚಿತ್ರದ ಒಪನ್ ದಿ ಬಾಟಲ್ ಹಾಡಿನಲ್ಲಿ ಪುನೀತ್ ಡ್ಯಾನ್ಸ್‌ಗೆ ಸಖತ್ ರೆಸ್ಪಾನ್ಸ್ ಸಿಕ್ಕಿತು. ಈ ಹಾಡು ವೀಕೆಂಡ್‌ಗಳಲ್ಲಿ ಪಾರ್ಟಿ ಪ್ರಿಯರ ಫೇವರೆಟ್ ಆಗಿದೆ.
ಇದನ್ನೂ ಓದಿ: ಜಿಮ್ ಟ್ರೇನರ್ಗೆ ಅಮೆರಿಕದಿಂದ ಪುನೀತ್ ತರಿಸಿದ್ದರು ಈ ಸ್ಪೆಷಲ್ ಗಿಫ್ಟ್: ಇಲ್ಲಿದೆ ಎಕ್ಸ್ಕ್ಲ್ಯೂಸಿವ್ ಸಂದರ್ಶನ
ಇದರ ಜೊತೆಗೆ ಡ್ಯಾನ್ಸ್ ಅಂದ್ರೆ ಇದು ಡ್ಯಾನ್ಸಿಗೆ ಇವರು ಅಂಬಾಸಿಟರ್ ಅಂತಾ ಕರೆಯಿಸಿಕೊಂಡ ಚಿತ್ರ ಯುವರತ್ನ. ಈ ಸಿನಿಮಾದಲ್ಲಿ ಪೀಲ್ ದ ಪವರ್ ಹಾಡಿಗೆ ಪವರ್ ಸ್ಟಾರ್ ಹಾಕಿರೋ ಒಂದೊಂದು ಸ್ಟೆಪ್ ಗಳಲ್ಲಿ ಡ್ಯಾನ್ಸ್ ಕಲಿಯುವ ಮಕ್ಕಳಿಗೆ ಸ್ಪೂರ್ತಿಯಾಗಿದೆ.
