ಜೂನಿಯರ್ ಎನ್ಟಿಆರ್, ಹೃತಿಕ್ ರೋಷನ್ ಅವರಂತಹ ಖ್ಯಾತ ಕಲಾವಿದರನ್ನೊಳಗೊಂಡ ಬಹುನಿರೀಕ್ಷಿತ ಚಿತ್ರ 'ವಾರ್ 2'. ಯಶ್ ರಾಜ್ ಫಿಲ್ಮ್ಸ್ನ ಸ್ಪೈ ಯೂನಿವರ್ಸ್ನ ಭಾಗವಾಗಿರೋ ಈ ಚಿತ್ರವನ್ನು ಅಯಾನ್ ಮುಖರ್ಜಿ ನಿರ್ದೇಶಿಸುತ್ತಿದ್ದಾರೆ. ಹೃತಿಕ್ ರೋಷನ್ ಮತ್ತು ಟೈಗರ್ ಶ್ರಾಫ್ ಮುಖಾಮುಖಿಯಾದ 'ವಾರ್' ಸಿನಿಮಾದ ಸೀಕ್ವೆಲ್ ಇದು. ಜೂನಿಯರ್ ಎನ್ಟಿಆರ್ ಅವರು ಹೃತಿಕ್ ರೋಷನ್ ಎದುರಾಳಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ಈ ಹಿಂದೆ ಹೇಳಲಾಗಿತ್ತು. ಅದಾಗ್ಯೂ ಲೇಟೆಸ್ಟ್ ನ್ಯೂಸ್ ಬೇರೆಯದ್ದೇ ಸೂಚಿಸಿದೆ.
'ವಾರ್ 2'ರಲ್ಲಿ ಜೂನಿಯರ್ ಎನ್ಟಿಆರ್ ಇಂಡಿಯನ್ ಏಜೆಂಟ್ ಆಗಿ ಕಾಣಿಸಿಕೊಳ್ಳಲಿದ್ದಾರೆಂದು ಲೇಟೆಸ್ಟ್ ವರದಿಗಳು ಹೇಳಿವೆ. ವೈಆರ್ಎಫ್ ಸ್ಪೈ ಯೂನಿವರ್ಸ್ನ ಹಿಂದಿರುವ ನಿರ್ಮಾಪಕ ಆದಿತ್ಯ ಚೋಪ್ರಾ ಮತ್ತು ನಿರ್ದೇಶಕ ಅಯಾನ್ ಮುಖರ್ಜಿ, ಹೃತಿಕ್ ಮತ್ತು ಜೂನಿಯರ್ ಎನ್ಟಿಆರ್ ನಡುವಿನ ಅದ್ಭುತ ದೃಶ್ಯವನ್ನು ಸೃಷ್ಟಿಸಲು ಉತ್ಸುಕರಾಗಿದ್ದಾರೆ. ಪ್ರೇಕ್ಷಕರಿಗೆ ಅದ್ಭುತ ಸಿನಿಮೀಯ ಅನುಭವ ನೀಡುವತ್ತ ಚಿತ್ರತಂಡ ಗಮನ ಹರಿಸಿದೆ. ನಿರ್ಮಾಪಕ ಆದಿತ್ಯ ಚೋಪ್ರಾ ಅವರು ಜೂನಿಯರ್ ಎನ್‌ಟಿಆರ್‌ನ ಪಾತ್ರಕ್ಕಾಗಿ ಹಲವು ಯೋಜನೆಗಳನ್ನು ಹೊಂದಿದ್ದಾರೆ.
ಜೂನಿಯರ್ ಎನ್ಟಿಆರ್ ಪಾತ್ರ ಭವಿಷ್ಯದಲ್ಲಿ ಮುಂದುವರಿಯುವಂತಹ ಯೋಜನೆಗಳನ್ನು ಚಿತ್ರತಂಡ ಹಾಕಿಕೊಂಡಿದೆಯಂತೆ. ಈ ಪ್ರಾಜೆಕ್ಟ್ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಬಿಡುಗಡೆ ಮಾಡೋ ಗುರಿ ಹೊಂದಿದೆ. ಅಲ್ಲದೇ ಬಹುಭಾಷೆಗಳ ಪ್ರತಿಭೆಗಳನ್ನು ಒಂದುಗೂಡಿಸಲಿದೆ. ವೆಬ್ಲಾಯ್ಡ್ ವರದಿಯೊಂದರ ಪ್ರಕಾರ, ಜೂನಿಯರ್ ಎನ್ಟಿಆರ್ ಅವರ ಬಾಲಿವುಡ್ ಪ್ರಯಾಣ ಯುದ್ಧ 2ರ ಆಚೆಗೂ ವಿಸ್ತರಿಸಲಿದೆ. ಸೌತ್ ಸೂಪರ್ ಸ್ಟಾರ್ ಅನ್ನು ಹಿಂದಿ ಚಿತ್ರರಂಗಕ್ಕೆ ಗಮನಾರ್ಹ ರೀತಿಯಲ್ಲಿ ಪರಿಚಯಿಸಲಾಗುತ್ತದೆ ಎಂದು ಹೇಳಲಾಗಿದೆ.
ಇದನ್ನೂ ಓದಿ: ರಾಜಮೌಳಿ ಸಿನಿಮಾ: 8 ವಿಭಿನ್ನ ನೋಟದಲ್ಲಿ ಮಹೇಶ್ ಬಾಬು; ವಿದೇಶದಲ್ಲಿ ನಡೆಯಲಿದೆ ಚಿತ್ರೀಕರಣ?!
'ವಾರ್ 2', ವೈಆರ್ಎಫ್ ಸ್ಪೈ ಯೂನಿವರ್ಸ್ನ ಆರನೇ ಸಿನಿಮಾ. ಆಲಿಯಾ ಭಟ್ ಮತ್ತು ಶಾರ್ವರಿ ನಟನೆಯ ಸ್ಪೈ ಸಿನಿಮಾ ಕೂಡ ಇದೇ ಸಾಲಿನಲ್ಲಿದೆ. ಶಾರುಖ್ ಖಾನ್ ಅವರ ಪಠಾಣ್ 2 ಕೂಡ ಪ್ರೀ ಪ್ರೊಡಕ್ಷನ್ ಹಂತದಲ್ಲಿದೆ. ಸಲ್ಮಾನ್ ಖಾನ್ ಮತ್ತು ಎಸ್‌ಆರ್‌ಕೆ ಜೋಡಿಯ 'ಟೈಗರ್ ವರ್ಸಸ್ ಪಠಾಣ್' ಸಿನಿಮಾ ಕೂಡ ಯೋಜನಾ ಹಂತದಲ್ಲಿದೆ. ವಾರ್ 2 ಚಿತ್ರ 2025ರ ಸ್ವಾತಂತ್ರ್ಯ ದಿನಾಚರಣೆ ಸಂದರ್ಭ ಬಿಡುಗಡೆಯಾಗಲಿದೆ. ಈ ವರ್ಷ ಚಿತ್ರೀಕರಣ ಪೂರ್ಣಗೊಳ್ಳಲಿದೆ.
ಇದನ್ನೂ ಓದಿ: ಕಮಲ್ ಹಾಸನ್ರ 'ಥಗ್ ಲೈಫ್‌'ನಿಂದ ಹೊರಬಂದ ದುಲ್ಕರ್ ಸಲ್ಮಾನ್!
ಜೂನಿಯರ್ ಎನ್ಟಿಆರ್ ಕೊನೆಯದಾಗಿ ಆರ್ಆರ್ಆರ್ ಸಿನಿಮಾದಲ್ಲಿ ಕಾಣಿಸಿಕೊಂಡರು. ರಾಜಮೌಳಿ ನಿರ್ದೇಶನದ ಈ ಚಿತ್ರದಲ್ಲಿ ಜೂನಿಯರ್ ಎನ್ಟಿಆರ್ ಜೊತೆಗೆ ರಾಮ್ಚರಣ್ ಮುಖ್ಯಭೂಮಿಕೆಯಲ್ಲಿ ಕಾಣಿಸಿಕೊಂಡರು. ಈ ಚಿತ್ರದಲ್ಲಿನ ನಟರ ಅಮೋಘ ಅಭಿನಯಕ್ಕೆ ಸಾಕಷ್ಟು ಮೆಚ್ಚುಗೆ ವ್ಯಕ್ತವಾಯಿತು. ಇವರ ಮುಂದಿನ ಚಿತ್ರಗಳ ಮೇಲೆ ಅಭಿಮಾನಿಗಳು ಸಾಕಷ್ಟು ನಿರೀಕ್ಷೆಗಳನ್ನಿಟ್ಟುಕೊಂಡಿದ್ದಾರೆ.
