ಹೈದರಾಬಾದ್: ಯಾಮಿ ಗೌತಮ್ ನಟನೆಯ ಆರ್ಟಿಕಲ್ 370 ಮತ್ತು ವಿದ್ಯುತ್ ಜಮ್ವಾಲ್ ಕ್ರಾಕ್ ಸಿನಿಮಾ ಒಟ್ಟಿಗೆ ಫೆ 23ರಂದು ಬಿಡುಗಡೆಯಾಗಿದ್ದವು. ಚಿತ್ರ ಬಿಡುಗಡೆಯಾಗಿ 10 ದಿನ ಕಳೆದಿದ್ದು,' ಆರ್ಟಿಕಲ್ 370' ಚಿತ್ರ ಇದುವರೆಗೆ 50 ಕೋಟಿ ರೂ.ಯನ್ನು ಸಂಪಾದಿಸಿದರೆ, 'ಕ್ರಾಕ್' ಸಿನಿಮಾ ಇನ್ನು ತೆವಳುತ್ತಾ ಸಾಗಿದೆ. ಯಾಮಿ ಗೌತಮ್ ನಟನೆಯ ಚಿತ್ರಕ್ಕೆ ಆದಿತ್ಯ ಸುಹಾಸ್ ಜಂಬ್ಹಲೆ ನಿರ್ದೇಶನ ಮಾಡಿದರೆ, ಕ್ರಾಕ್ ಚಿತ್ರವನ್ನು ಆದಿತ್ಯ ದತ್ ನಿರ್ದೇಶಿಸಿದ್ದಾರೆ.
- " class="align-text-top noRightClick twitterSection" data="">
ಎರಡನೇ ವಾರದಲ್ಲಿ 'ಆರ್ಟಿಕಲ್ 370' ಚಿತ್ರವು ಉತ್ತಮ ಪ್ರದರ್ಶನ ಕಾಣುತ್ತಿದೆ. ಆದಿತ್ಯ ಧಾರ್ ನಿರ್ಮಾಣದ ಈ ಚಿತ್ರ ಮೆಟ್ರೊಪಾಲಿಟನ್ ಪ್ರದೇಶಗಳಲ್ಲಿ ಉತ್ತಮವಾಗಿ ಪ್ರದರ್ಶನ ಮಾಡುತ್ತಿದ್ದು, ಜನರಿಂದ ಸಕಾರಾತ್ಮಕ ಪ್ರತಿಕ್ರಿಯೆಗಳು ವ್ಯಕ್ತವಾಗುತ್ತಿವೆ. ಮುಂಬರುವ ವಾರದಲ್ಲಿ ಕೂಡ ಚಿತ್ರ ಉತ್ತಮ ಗಳಿಕೆ ಮಾಡುವ ಸಾಧ್ಯತೆ ಇದೆ.
- " class="align-text-top noRightClick twitterSection" data="">
ಅಂದಾಜು ಲೆಕ್ಕದ ಪ್ರಕಾರ, 'ಆರ್ಟಿಕಲ್ 370' ಚಿತ್ರ ಥಿಯೇಟರ್ನಲ್ಲಿ 10ನೇ ದಿನದ ಪ್ರದರ್ಶನದ ವೇಳೆ 6.35 ಕೋಟಿ ಗಳಿಸಿದ್ದು, ಒಟ್ಟಾರೆ ಚಿತ್ರ 50.45 ಕೋಟಿ ರೂ. ಸಂಪಾದಿಸಿದೆ. ಭಾನುವಾರ ಹಿಂದಿ ಭಾಷೆಯಲ್ಲಿಯೇ ಚಿತ್ರ 33.89 ಕೋಟಿ ಕಲೆಕ್ಷನ್ ಮಾಡಿದೆ. ಬೆಳಗಿನ ಪ್ರದರ್ಶನದಲ್ಲಿ 18.96ರಷ್ಟು ಭರ್ತಿ ಕಂಡರೆ, ಮಧ್ಯಾಹ್ನದ ಪ್ರದರ್ಶನ 36.20ರಷ್ಟು ಮತ್ತು ಸಂಜೆ ಪ್ರದರ್ಶನದಲ್ಲಿ 47.09ರಷ್ಟು ಹಾಗೂ ರಾತ್ರಿಯ ಶೋ ಅಲ್ಲಿ 33.20ರಷ್ಟು ಭರ್ತಿ ಕಂಡಿದೆ.
ವಿದ್ಯುತ್ ಜಮ್ವಾಲ್ ನಟನೆಯ 'ಕ್ರಾಕ್' ಚಿತ್ರ ಸಿಕ್ಕಾಪಟ್ಟೆ ಆ್ಯಕ್ಷನ್ನಿಂದ ಕೂಡಿದ ಥ್ರಿಲ್ಲರ್ ಚಿತ್ರವಾಗಿದ್ದು, ಗಳಿಕೆಯಲ್ಲಿ ಭಾರೀ ಹಿಂದೆ ಬಿದ್ದಿದೆ. ಸ್ನಾಕ್ನಿಲ್ಕ್ ವರದಿ ಪ್ರಕಾರ, 'ಕ್ರಾಕ್' ಎರಡನೇ ಭಾನುವಾರದಂದು ದೇಶದೆಲ್ಲೆಡೆ 0.28 ಕೋಟಿ ಸಂಗ್ರಹಿಸಿದೆ. ಚಿತ್ರ ಬಿಡುಗಡೆಯಾದಗಿನಿಂದ ಇಲ್ಲಿಯವರೆಗೆ 13.13 ಕೋಟಿ ರೂ. ಗಳಿಸಿದೆ. ಚಿತ್ರಕ್ಕೆ ಬಿಡುಗಡೆಯಾದ ದಿನವೇ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು, ಇದು ಸಿನಿಮಾದ ಗಳಿಕೆಯ ಟ್ರೆಂಡ್ ಮೇಲೆ ಪರಿಣಾಮ ಬೀರಿದೆ ಎಂದು ವಿಶ್ಲೇಷಿಸಲಾಗಿದೆ. ನೊರಾ ಫತೇಹಿ, ಅರ್ಜುನ್ ರಾಂಪಾಲ್ ಮತ್ತು ಆ್ಯಮಿ ಜಾಕ್ಸನ್ ಈ ಚಿತ್ರದಲ್ಲಿ ನಟಿಸಿದ್ದಾರೆ.
ಮುಂಬೈ ಸ್ಲಮ್ನಲ್ಲಿ ಸಾಗುವ ವ್ಯಕ್ತಿ ಪ್ರಯಾಣದ ಕುರಿತ ಕಥನವನ್ನು ಈ ಚಿತ್ರ ಹೊಂದಿದೆ. ವಿದ್ಯುತ್ ಜಮ್ವಾಲ್, ಪರಾಗ್ ಸಂಘ್ವಿ ಚಿತ್ರಕ್ಕೆ ಹಣ ಹೂಡಿದ್ದಾರೆ. ಆದಿ ಶರ್ಮಾ ಮತ್ತು ಆದಿತ್ಯ ಚೌಕ್ಸೆ ಕೂಡ ಸಹ ನಿರ್ಮಾಣ ಮಾಡಿದ್ದು, ರಿಲಯನ್ಸ್ ಎಂಟರ್ಟೈನಮೆಂಟ್ ಪ್ರಸೆಂಟ್ ಮಾಡಿದೆ.
ಇದನ್ನೂ ಓದಿ: ಆರ್ಟಿಕಲ್ 370: ಗರ್ಭಿಣಿಯಾಗಿದ್ದಾಗ ನಟನೆಯ ಸವಾಲು ವಿವರಿಸಿದ ಯಾಮಿ ಗೌತಮ್
