ಪ್ರಮುಖ ಆಹಾರ ವಿತರಣೆ ಕಂಪನಿ Swiggy ನಿನ್ನೆ ಅಂದರೆ ನವೆಂಬರ್ 13ರಿಂದ ಷೇರುಪೇಟೆಗೆ ಭರ್ಜರಿ ಎಂಟ್ರಿ ಕೊಟ್ಟಿದೆ. ಸುಮಾರು 500 ಸ್ವಿಗ್ಗಿ ಉದ್ಯೋಗಿಗಳನ್ನು ಮಿಲಿಯನೇರ್‌ಗಳನ್ನಾಗಿ ಮಾಡಿದೆ. ಈ ಕೋಟ್ಯಧಿಪತಿಗಳಲ್ಲಿ ಸ್ವಿಗ್ಗಿಯ ಹಾಲಿ ಮತ್ತು ಮಾಜಿ ಉದ್ಯೋಗಿಗಳು ಸೇರಿದ್ದಾರೆ.
ಸ್ವಿಗ್ಗಿ ತನ್ನ ಉದ್ಯೋಗಿಗಳಿಗೆ ಪ್ರತ್ಯೇಕವಾಗಿ 'ಉದ್ಯೋಗಿ ಸ್ಟಾಕ್ ಆಯ್ಕೆ ಯೋಜನೆ' (ESOP) ಪರಿಚಯಿಸಿದೆ. ಇದರ ಒಟ್ಟು ಮೌಲ್ಯ 9,000 ಕೋಟಿ ರೂ. ಸ್ವಿಗ್ಗಿಯಲ್ಲಿ ಕೆಲಸ ಮಾಡುವ ಸುಮಾರು 5000 ಉದ್ಯೋಗಿಗಳು ಅದರಲ್ಲಿ ಷೇರುಗಳನ್ನು ಹೊಂದಿದ್ದಾರೆ.
Swiggy ನ IPO ವಿತರಣೆ ಬೆಲೆ ರೂ.371 - ರೂ.390 ರೂ ಆಗಿತ್ತು. ಆದರೆ ಬುಧವಾರ ಸ್ವಿಗ್ಗಿ ಷೇರುಗಳನ್ನು ಎನ್‌ಎಸ್‌ಇಯಲ್ಲಿ 390 ರೂ.ಗಿಂತ ಹೆಚ್ಚು ಅಂದರೆ ನಿಗದಿತ ದರಕ್ಕಿಂತ ಶೇ 8ರಷ್ಟು ಪ್ರೀಮಿಯಂನೊಂದಿಗೆ ವಹಿವಾಟು ಶುರು ಮಾಡಿದೆ. ಅಂದರೆ ಮಾರುಕಟ್ಟೆಯಲ್ಲಿ ಸಿಗ್ಗಿ ಷೇರುಗಳು ರೂ. 412 ರೂಗೆ ಪಟ್ಟಿ ಮಾಡಲಾಯಿತು. ಅಂತಿಮವಾಗಿ ದಿನದ ಅಂತ್ಯಕ್ಕೆ ಸ್ವಿಗ್ಗಿ 419.95 ಕ್ಕೆ ವಹಿವಾಟು ಮುಗಿಸಿತ್ತು. ಬಿಎಸ್‌ಇಯಲ್ಲಿನ ಇಶ್ಯೂ ಬೆಲೆಗಿಂತ ಶೇಕಡಾ 5.64 ರಷ್ಟು ಲಾಭದೊಂದಿಗೆ ಕಂಪನಿ ಷೇರು ವ್ಯವಹಾರ ಆರಂಭವಾಗಿದೆ. ಇದರೊಂದಿಗೆ, ಅವರ ಉದ್ಯೋಗಿಗಳ ಷೇರುಗಳ ಮೌಲ್ಯವು ಏರಿಕೆ ಕಂಡಿದೆ. ಅಷ್ಟೇ ಅಲ್ಲ ಸುಮಾರು 500 ಉದ್ಯೋಗಿಗಳನ್ನು ಹೊಂದಿರುವ ಷೇರುಗಳ ಮೌಲ್ಯ ರೂ.2 ಕೋಟಿಗೆ ಏರಿಕೆಯಾಗಿದೆ. ಮೇಲಾಗಿ, ಈ ಬಂಪರ್ ಲಿಸ್ಟಿಂಗ್ ಮೂಲಕ 5000 ಸ್ವಿಗ್ಗಿ ಉದ್ಯೋಗಿಗಳ ಷೇರುಗಳ ಮೌಲ್ಯ 9,000 ಕೋಟಿಗೆ ಏರಿಕೆಯಾಗಿದೆ.
IPO ವಿವರ ಇಲ್ಲಿದೆ!: Swiggy ನ IPO ಚಂದಾದಾರಿಕೆ ಪಡೆಯಲು ನವೆಂಬರ್ 8 ರಂದು ಕೊನೆ ದಿನವಾಗಿತ್ತು. ಕಂಪನಿಯು ಷೇರಿನ ಬೆಲೆ ಶ್ರೇಣಿಯನ್ನು ರೂ.371-390 ಕ್ಕೆ ನಿಗದಿಪಡಿಸಲಾಗಿತ್ತು. ಷೇರುಗಳ ವಿತರಣೆಯ ಮೂಲಕ ಕಂಪನಿ ರೂ.4,499 ಕೋಟಿ ಮತ್ತು ಆಫರ್ ಫಾರ್ ಸೇಲ್ ಮೂಲಕ ರೂ.6,828 ಕೋಟಿ ಸಂಗ್ರಹಿಸಿದೆ. 16 ಕೋಟಿ ಷೇರುಗಳ ಪೈಕಿ 57.53 ಕೋಟಿ ಷೇರುಗಳಿಗೆ ಬಿಡ್‌ಗಳನ್ನು ಸ್ವೀಕರಿಸಲಾಗಿದೆ. ಸ್ವಿಗ್ಗಿ ಈಗಾಗಲೇ ಆಂಕರ್ ಹೂಡಿಕೆದಾರರಿಂದ ರೂ.5,085 ಕೋಟಿ ಸಂಗ್ರಹಿಸಿದೆ. ಸಾಲ ಮರುಪಾವತಿ ಸೇರಿದಂತೆ ತಂತ್ರಜ್ಞಾನ, ಕ್ಲೌಡ್ ಮೂಲಸೌಕರ್ಯ, ಬ್ರ್ಯಾಂಡ್ ಮಾರ್ಕೆಟಿಂಗ್ ಮತ್ತು ವ್ಯಾಪಾರ ಪ್ರಚಾರಕ್ಕಾಗಿ ಈ ಸಂಚಿಕೆಯಿಂದ ಬರುವ ಆದಾಯವನ್ನು ಸ್ವಿಗ್ಗಿ ಬಳಸಿಕೊಳ್ಳಲು ನಿರ್ಧರಿಸಿದೆ.
ಇದನ್ನು ಓದಿ:ಹಸಿರು ಸೆಸ್ ಜನರಿಗೆ ಹೊರೆಯಾಗಲ್ಲ, ಜನ ಬೇಡವೆಂದರೆ ಪ್ರಸ್ತಾವನೆ ಕೈ ಬಿಡುತ್ತೇವೆ: ಈಶ್ವರ ಖಂಡ್ರೆ
