ನವದೆಹಲಿ: ಯಾವುದೇ ಆಯವ್ಯಯದಲ್ಲಿ ಅತ್ಯಂತ ಸೂಕ್ಷ್ಮವಾಗಿ ಗಮನಿಸಲ್ಪಡುವ ಅಂಕಿ ಅಂಶಗಳಲ್ಲಿ ವಿತ್ತೀಯ ಕೊರತೆಯು ಒಂದು ಸಂಪೂರ್ಣ ಸಂಖ್ಯೆಯಾಗಿದ್ದು, ಜೊತೆಗೆ ದೇಶದ ಒಟ್ಟು ಆಂತರಿಕ ಉತ್ಪನ್ನದ (ಜಿಡಿಪಿ) ಶೇಕಡಾವಾರು ಪ್ರಮಾಣವಾಗಿದೆ. ವಿತ್ತೀಯ ಕೊರತೆಯು ಸರ್ಕಾರದ ಹಣಕಾಸಿನ ಸ್ವಾಸ್ಥ್ಯವನ್ನು ಪ್ರತಿಬಿಂಬಿಸುತ್ತದೆ. ಹೆಚ್ಚಿನ ವಿತ್ತೀಯ ಕೊರತೆಯು ಸರ್ಕಾರದ ಹಣಕಾಸಿನ ಕಳಪೆ ಸ್ವಾಸ್ಥ್ಯವನ್ನು ತೋರಿಸುತ್ತದೆ. ಆದರೆ, ಸಣ್ಣ ವಿತ್ತೀಯ ಕೊರತೆ ಅಥವಾ ಹಣಕಾಸಿನ ಹೆಚ್ಚುವರಿಯು ಸರ್ಕಾರದ ಉತ್ತಮ ಹಣಕಾಸಿನ ಸ್ವಾಸ್ಥ್ಯವನ್ನು ಸೂಚಿಸುತ್ತದೆ.
ಕೇಂದ್ರ ಬಜೆಟ್‌ನಲ್ಲಿ ವಿತ್ತೀಯ ಕೊರತೆ ಎಷ್ಟು?: ಅಧಿಕೃತ ಪರಿಭಾಷೆಯ ಪ್ರಕಾರ, ವಿತ್ತೀಯ ಕೊರತೆ (ಎಫ್‌ಡಿ) ಪ್ರತಿಕೂಲ ಹಣಕಾಸಿನ ಸಮತೋಲನವಾಗಿದೆ. ಇದು ಆದಾಯ ರಶೀದಿಗಳು ಮತ್ತು ಸಾಲೇತರ ಬಂಡವಾಳ ರಸೀದಿಗಳ (ಎನ್‌ಡಿಸಿಆರ್) ನಡುವಿನ ವ್ಯತ್ಯಾಸವಾಗಿದೆ. ವಿತ್ತೀಯ ಕೊರತೆಯ ಪ್ರಮಾಣವು ಸರ್ಕಾರದ ಒಟ್ಟು ಖರ್ಚು ಮತ್ತು ಅದರ ಒಟ್ಟು ಸಾಲೇತರ ರಸೀದಿಗಳ ನಡುವಿನ ವ್ಯತ್ಯಾಸವನ್ನು ಪ್ರತಿಬಿಂಬಿಸುತ್ತದೆ. ಇದು ಸರ್ಕಾರವು ಸಾಲ ಪಡೆಯುವ ಮೂಲಕ ಹಣಕಾಸಿನ ವ್ಯವಸ್ಥೆ ಮಾಡಬೇಕಾದ ಮೊತ್ತವಾಗಿದೆ. ಬೇರೆ ರೀತಿಯಲ್ಲಿ ಹೇಳುವುದಾದರೆ, ವಿತ್ತೀಯ ಕೊರತೆಯು ಹಣಕಾಸಿನ ವರ್ಷದಲ್ಲಿ ಸರ್ಕಾರದ ಒಟ್ಟು ಸಾಲದ ಅಗತ್ಯವನ್ನು ಪ್ರತಿಬಿಂಬಿಸುತ್ತದೆ.
ಸಾಲದ ಅಗತ್ಯತೆಗಳು ಕೇಂದ್ರ ಬಜೆಟ್‌ನ ಶೇ 40ರಷ್ಟು ಮೀರಿದೆ: ಉದಾಹರಣೆಗೆ, 2021-22 ರ ಹಣಕಾಸು ವರ್ಷಕ್ಕೆ, ಬಜೆಟ್ ಮಾಹಿತಿಯ ಪ್ರಕಾರ ಕೇಂದ್ರ ಸರ್ಕಾರದ ಒಟ್ಟು ವೆಚ್ಚ 37.94 ಲಕ್ಷ ಕೋಟಿ ರೂ. ಆಗಿದೆ. ಆ ವರ್ಷದ ಒಟ್ಟು ವೆಚ್ಚ ಮತ್ತು ಸರ್ಕಾರದ ಒಟ್ಟು ಸಾಲೇತರ ಸ್ವೀಕೃತಿಗಳ ನಡುವಿನ ಕೊರತೆಯನ್ನು ಪೂರೈಸಲು ಸರ್ಕಾರವು ಆ ವರ್ಷದಲ್ಲಿ 15.84 ಲಕ್ಷ ಕೋಟಿಗೂ ಹೆಚ್ಚು ಸಾಲವನ್ನು ಪಡೆದಿದೆ.
ಆ ವರ್ಷದಲ್ಲಿ ಕೇಂದ್ರ ಸರ್ಕಾರದ ಒಟ್ಟು ವೆಚ್ಚದ 37.94 ಲಕ್ಷ ಕೋಟಿ ರೂ.ಗಳಲ್ಲಿ ಸುಮಾರು 42 ಪ್ರತಿಶತದಷ್ಟು ಹಣವನ್ನು ಸಾಲಗಳಿಂದ ನೀಡಲಾಗಿರುವುದರಿಂದ ಇದು ಒಂದು ದೊಡ್ಡ ಮೊತ್ತವಾಗಿತ್ತು. GDP ಯ ಶೇಕಡಾವಾರು, ಇದು ಆ ವರ್ಷ ಭಾರತದ ಒಟ್ಟು ದೇಶಿಯ ಉತ್ಪಾದನೆಯ ಶೇಕಡಾ 6.7 ಇದೆ. ಅದೇ ರೀತಿ, ಕಳೆದ ಹಣಕಾಸು ವರ್ಷದಲ್ಲಿ (2022-23), ದೇಶದ GDP ಯ ಶೇಕಡಾವಾರು ವಿತ್ತೀಯ ಕೊರತೆಯು ಪರಿಷ್ಕೃತ ಅಂದಾಜಿನ ಪ್ರಕಾರ ಮತ್ತೆ 6 ಶೇಕಡಾಕ್ಕಿಂತ ಹೆಚ್ಚಿತ್ತು. ಪರಿಷ್ಕೃತ ಅಂದಾಜಿನ ಪ್ರಕಾರ ಕೇಂದ್ರ ಸರ್ಕಾರದ ಒಟ್ಟು ವೆಚ್ಚವು 41.87 ಲಕ್ಷ ಕೋಟಿ ರೂ.ಗಿಂತ ಹೆಚ್ಚಿದೆ ಎಂದು ಬಜೆಟ್ ಮಾಹಿತಿಯು ತೋರಿಸಿದೆ. ಆದರೆ, ವಿತ್ತೀಯ ಕೊರತೆ ಅಥವಾ ಕೇಂದ್ರ ಸರ್ಕಾರದ ಒಟ್ಟು ಸಾಲದ ಅಗತ್ಯವು 17.55 ಲಕ್ಷ ಕೋಟಿ ರೂಪಾಯಿಗಿಂತ ಹೆಚ್ಚು ಎಂದು ಅಂದಾಜಿಸಲಾಗಿದೆ.
ಕಳೆದ ಹಣಕಾಸು ವರ್ಷದಲ್ಲಿ ಕೇಂದ್ರ ಸರ್ಕಾರವು ತನ್ನ ಒಟ್ಟು ವೆಚ್ಚದ ಸುಮಾರು 42 ಪ್ರತಿಶತದಷ್ಟು ಸಾಲವನ್ನು ಪಡೆಯಬೇಕಾಗಿತ್ತು ಎಂದು ಬಜೆಟ್ ಅಂಕಿ ಅಂಶ ತೋರಿಸಿದೆ. ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಪ್ರಸ್ತುತಪಡಿಸಿದ ಅಂಕಿ ಅಂಶಗಳ ಪ್ರಕಾರ, ಪ್ರಸಕ್ತ ಹಣಕಾಸು ವರ್ಷದ ವಿತ್ತೀಯ ಕೊರತೆಯು ದೇಶದ ಜಿಡಿಪಿಯ 6 ಪ್ರತಿಶತಕ್ಕಿಂತ ಕಡಿಮೆ ಪ್ರಮಾಣದಲ್ಲಿ ಇರುವ ನಿರೀಕ್ಷೆಯಿದೆ.
ಕಳೆದ ವರ್ಷ ಫೆಬ್ರವರಿಯಲ್ಲಿ ಮಂಡಿಸಲಾದ ಬಜೆಟ್ ಅಂದಾಜಿನ ಪ್ರಕಾರ, ವಿತ್ತೀಯ ಕೊರತೆಯು ಈ ವರ್ಷದ ಮಾರ್ಚ್ 31ಕ್ಕೆ ಕೊನೆಗೊಳ್ಳುವ ಹಣಕಾಸು ವರ್ಷದಲ್ಲಿ ದಾಖಲೆಯ 17.87 ಲಕ್ಷ ಕೋಟಿ ರೂ.ಗೆ ತಲುಪುವ ನಿರೀಕ್ಷೆಯಿದೆ ಎಂದು ಬಜೆಟ್ ಅಂಕಿ ಅಂಶಗಳು ಹೇಳುತ್ತವೆ.
GDPಯ ಶೇಕಡಾವಾರು ಪ್ರಮಾಣದಲ್ಲಿ, ಪ್ರಸಕ್ತ ಹಣಕಾಸು ವರ್ಷದ ಅಂದಾಜು ವಿತ್ತೀಯ ಕೊರತೆಯು GDP ಯ 5.9 ಪ್ರತಿಶತ ಮತ್ತು ಪ್ರಸಕ್ತ ಹಣಕಾಸು ವರ್ಷದಲ್ಲಿ ಕೇಂದ್ರ ಸರ್ಕಾರದ ಒಟ್ಟು ವೆಚ್ಚದ ಶೇಕಡಾವಾರು 45 ಲಕ್ಷ ಕೋಟಿ ರೂಪಾಯಿಗಿಂತ ಹೆಚ್ಚು ಎಂದು ಅಂದಾಜಿಸಲಾಗಿದೆ. ಇದು ಈ ಹಣಕಾಸು ವರ್ಷದ ಒಟ್ಟು ಬಜೆಟ್ ವೆಚ್ಚದ 40 ಪ್ರತಿಶತಕ್ಕಿಂತ ಕಡಿಮೆ ಎಂದು ಹೇಳಲಾಗ್ತಿದೆ.
ಇದನ್ನೂ ಓದಿ: ನಿಮ್ಮ ಪತ್ರ ನನಗೆ ಅಪಾರ ಬೆಂಬಲ, ಶಕ್ತಿ ನೀಡಿದೆ: ರಾಷ್ಟ್ರಪತಿ ಪತ್ರಕ್ಕೆ ಪ್ರಧಾನಿ ಮೋದಿ ಪ್ರತಿಕ್ರಿಯೆ
