ಹೈದರಾಬಾದ್: ಭಾರತದಲ್ಲಿ ನಡೆಯಲಿರುವ ಲೋಕಸಭಾ ಚುನಾವಣೆಯಲ್ಲಿ ಪ್ರಭಾವ ಬೀರುವ ಉದ್ದೇಶದಿಂದ ಚೀನಾ ಕೃತಕ ಬುದ್ದಿಮತ್ತೆ (ಎಐ) ಆಧಾರಿತ ವಿಷಯಗಳನ್ನು ನಿರ್ವಹಣೆ ಮಾಡುವ ಸಾಧ್ಯತೆ ಇದೆ ಎಂದು ಮೈಕ್ರೋಸಾಫ್ಟ್ ಎಚ್ಚರಿಸಿದೆ. ಭಾರತವಷ್ಟೇ ಅಲ್ಲದೇ ಅಮೆರಿಕ ಮತ್ತು ದಕ್ಷಿಣ ಕೊರಿಯಾದಲ್ಲೂ ಕೂಡ ಎಐ ಆಧಾರಿತ ವಿಷಯಗಳು ಚುನಾವಣೆ ಮೇಲೆ ಪರಿಣಾಮ ಬೀರಲಿದೆ ಎಂದು ತಿಳಿಸಿದೆ.
ಮೈಕ್ರೋಸಾಫ್ಟ್ ಥ್ರೆಟ್ ಇಂಟಲಿಜೆನ್ಸ್ (ಗುಪ್ತಚರ ಬೆದರಿಕೆ) ಅಂದಾಜಿಸಿದಂತೆ, ಉನ್ನತ ಮಟ್ಟದ ಚುನಾವಣೆಗಳ ಮೇಲೆ ಪ್ರಭಾವ ಬೀರಲು ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್‌ಗಳ ಬುದ್ದಿವಂತಿಕೆಯಿಂದ ನಿರ್ವಹಿಸಲು ಎಐ ಆಧಾರಿತ ವಿಷಯಗಳನ್ನು ಚೀನಾ ಬಳಕೆ ಮಾಡಲಿದೆ. ಇಂತಹ ವಿಷಯಗಳು ಚುನಾವಣೆ ಫಲಿತಾಂಶದ ಮೇಲೆ ಪ್ರಭಾವ ಬೀರುವುದು ಕಡಿಮೆಯಾಗಿದ್ದರೂ, ಚೀನಾ ಮೆಮೆ, ವಿಡಿಯೋ ಮತ್ತು ಆಡಿಯೊ ವಿಷಯವನ್ನು ಹೆಚ್ಚಿಸುವ ಪ್ರಯೋಗವು ಮುಂದುವರಿಯುವ ಸಾಧ್ಯತೆಯಿದ್ದು, ಇದು ಭವಿಷ್ಯದಲ್ಲಿ ಹೆಚ್ಚು ಪರಿಣಾಮಕಾರಿಯಾಗಲಿದೆ ಎಂದು ಮೈಕ್ರೋಸಾಫ್ಟ್ ತಿಳಿಸಿದೆ.
'ಸೇಮ್ ಟಾರ್ಗೆಟ್, ನ್ಯೂ ಪ್ಲೇಬುಕ್ಸ್: ಈಸ್ಟ್ ಏಷ್ಯಾ ಥ್ರೆಟ್ ಆಕ್ಟರ್ಸ್ ಎಂಪ್ಲಾಯ್ ಯುನಿಕ್ ಮೆಥಡ್ಸ್' ಎಂಬ ಶೀರ್ಷಿಕೆಯಲ್ಲಿ ಮೈಕ್ರೋಸಾಫ್ಟ್ ಥ್ರೆಟ್ ಇಂಟಲಿಜೆನ್ಸ್ ಒಳನೋಟವನ್ನು ಹಂಚಿಕೊಂಡಿದೆ. ಇದನ್ನು ಮೈಕ್ರೋಸಾಫ್ಟ್ ಥ್ರೆಡ್ ಅನಾಲಿಸಿಸ್ ಸೆಂಟರ್ನಿಂದ (ಎಂಟಿಎಸಿ)ಯಲ್ಲಿ ಪ್ರಕಟಿಸಲಾಗಿದೆ. ಜನವರಿ 2021ರಲ್ಲಿ ಮೈಕ್ರೋಸಾಫ್ಟ್ ವರದಿ ಮಾಡಿದಂತೆ ರಾಜ್ಯ ಬೆಂಬಲಿತ ನಟರುಗಳು ತೈವಾನ್ನ ವಿದೇಶಿ ಚುನಾವಣೆಯಲ್ಲಿ ಎಐ ಆಧಾರಿತ ವಿಷಯಗಳ ಮೂಲಕ ಕುಶಲತೆಯಿಂದ ಕಾರ್ಯ ನಿರ್ವಹಿಸಿದ್ದರು.
ಈ ವರ್ಷ ಚೀನಾದ ಗುರಿಗಳು ತೈವಾನ್‌ಗಿಂತಲೂ ದೂರ ಸಾಗಲಿದೆ ಎಂದು ಮೈಕ್ರೋಸಾಫ್ಟ್ ಎಚ್ಚರಿಸಿದೆ. ಜೂನ್ 2023ರಿಂದ ಚೀನಾ ಮತ್ತು ಉತ್ತರ ಕೊರಿಯಾದಿಂದ ಹಲವಾರು ಗಮನಾರ್ಹ ಸೈಬರ್ ಮತ್ತು ಪ್ರಭಾವದ ಪ್ರವೃತ್ತಿಗಳನ್ನು ಗಮನಿಸಿಲಾಗಿದೆ. ಅದು ಪರಿಚಿತ ಗುರಿಗಳನ್ನು ದ್ವಿಗುಣಗೊಳಿಸುವ ಜೊತೆಗೆ ತಮ್ಮ ಗುರಿಗಳನ್ನು ಸಾಧಿಸಲು ಹೆಚ್ಚು ಅತ್ಯಾಧುನಿಕ ಪ್ರಭಾವ ತಂತ್ರಗಳನ್ನು ಬಳಸುವ ಪ್ರಯತ್ನಗಳನ್ನು ತೋರಿಸುತ್ತದೆ ಎಂದು ಕಂಪ್ಯೂಟರ್ ಸಾಫ್ಟ್ವೇರ್ ಸಂಸ್ಥೆ ತಿಳಿಸಿದೆ.
ಚೀನಾದ ಸೈಬರ್ ನಟರು ಇದಕ್ಕಾಗಿ ಮೂರು ಪ್ರದೇಶಗಳನ್ನು ಗುರಿಯಾಗಿಸಿದ್ದಾರೆ. ಅವುಗಳೆಂದರೆ, ದಕ್ಷಿಣ ಪೆಸಿಫಿಕ್ ದ್ವೀಪಗಳಾದ್ಯಂತ ಇರುವ ದೇಶಗಳು, ದಕ್ಷಿಣ ಚೀನಾ ಸಮುದ್ರ ಪ್ರದೇಶದಲ್ಲಿ ಪ್ರಾದೇಶಿಕ ವಿರೋಧಿಗಳು ಮತ್ತು ಅಮೆರಿಕದ ರಕ್ಷಣಾ ಕೈಗಾರಿಕಾ ನೆಲೆ ಆಗಿದೆ. ಚೈನೀಸ್ ಪ್ರಭಾವದ ಪ್ರಚಾರಗಳು ಎಐ ಆಧಾರಿತ ವಿಷಯವನ್ನು ಪರಿಷ್ಕರಿಸುವುದನ್ನು ಮುಂದುವರೆಸಿದೆ. ಈ ಅಭಿಯಾನಗಳ ಹಿಂದೆ ಪ್ರಭಾವ ಬೀರುವ ನಟರು ಇದ್ದು, ಇವರು ಎಐ ಆಧಾರಿತ ಮಾಧ್ಯಮ ವರ್ಧಿಸುವ ಇಚ್ಚೆ ಹೊಂದಿದ್ದಾರೆ. ಇದಕ್ಕಾಗಿ ತಮ್ಮದೇ ಆದ ವಿಡಿಯೋ, ಮೇಮ್‌ಗಳು ಮತ್ತು ಆಡಿಯೊ ವಿಷಯವನ್ನು ರಚಿಸಿದ್ದಾರೆ.
ಇದನ್ನೂ ಓದಿ: ಕೃತಕ ಬುದ್ಧಿಮತ್ತೆ, ಡೀಪ್‌ಫೇಕ್‌ ತಂತ್ರಜ್ಞಾನಗಳಿಂದ ಚುನಾವಣಾ ವ್ಯವಸ್ಥೆಗೆ ಅಪಾಯ
