ಅಗರ್ - ಮಾಲ್ವಾ (ಮಧ್ಯಪ್ರದೇಶ): ಪ್ರೀತಿಗೆ ವಯಸ್ಸಿಲ್ಲ, ಪ್ರೀತಿಗೆ ಮಿತಿಯಿಲ್ಲ, ಪ್ರೀತಿಗೆ ಧರ್ಮವಿಲ್ಲ ಮತ್ತು ಜಾತಿಯಿಲ್ಲ ಎಂದು ಹೇಳಲಾಗುತ್ತದೆ. ಪರಸ್ಪರರ ಭಾವನೆಗಳನ್ನು ಅರ್ಥ ಮಾಡಿಕೊಂಡವರು ಸಂಗಾತಿಗಳಾಗುತ್ತಾರೆ. ಜಗತ್ತು ಏನೇ ಹೇಳಿದರೂ ಅದರ ಬಗ್ಗೆ ಪ್ರೇಮಿಗಳು ಮಾತ್ರ ತಲೆಕೆಡಿಸಿಕೊಳ್ಳುವುದಿಲ್ಲ. ಇಂತಹದೊಂದು ಇನ್‌ಸ್ಟಾಗ್ರಾಮ್ ಲವ್ ಸ್ಟೋರಿಯೊಂದು ಭಾರಿ ಸದ್ದು ಮಾಡುತ್ತಿದೆ.
ಇನ್‌ಸ್ಟಾಗ್ರಾಮ್ ಪ್ರೇಮಕಥೆ: ಮಧ್ಯಪ್ರದೇಶದ ಅಗರ್ - ಮಾಲ್ವಾ ಜಿಲ್ಲೆಯ ಸುಸ್ನರ್ ಪ್ರದೇಶದ ನಿವಾಸಿ, 80 ವರ್ಷ ಪೂರೈಸಿರುವ ಬಲುರಾಮ್ ಅವರು 34 ವರ್ಷದ ವಧುವನ್ನು ವರಿಸಿದ್ದಾರೆ. ಸಾಮಾಜಿಕ ಜಾಲತಾಣವಾದ ಇನಸ್ಟಾಗ್ರಾಮ್ನಲ್ಲಿ ಇವರಿಬ್ಬರ ಪರಿಚಯವಾಗಿತ್ತು. ಆ ಪರಿಚಯ ಸ್ನೇಹವು ಪ್ರೀತಿಯಾಗಿ ಬದಲಾಗಿದೆ.
ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಇನ್‌ಸ್ಟಾಗ್ರಾಮ್ ಪ್ರೇಮಿಗಳು: ಪ್ರೀತಿ ವಿಷಯವು ಹೆಚ್ಚು ಕಾಲ ಮರೆ ಮಾಚಲು ಆಗುವುದಿಲ್ಲ ಎಂದು ಹೇಳಲಾಗುತ್ತದೆ. ಅದರಂತೆಯೇ ಬಲುರಾಮ್ ಅವರ ಪ್ರೇಮಕಥೆ ಕ್ರಮೇಣ ನಗರ ಮತ್ತು ರಾಜ್ಯದಲ್ಲಿ ಹರಡಿತು. ನಂತರ ಇಬ್ಬರೂ ಮದುವೆಯಾದರು. ಮಹಾರಾಷ್ಟ್ರದ ದರ್ಯಾಪುರ್ ಅಮರಾವತಿ ನಿವಾಸಿ 34 ವರ್ಷದ ಶೀಲಾ ಇಂಗ್ಲೆ ಹಾಗೂ ಮಧ್ಯಪ್ರದೇಶದ ಅಗರ್ ಮಾಲ್ವಾ ಜಿಲ್ಲೆಯ ಸುಸ್ನರ್ ಪ್ರದೇಶದ ಮಗರಿಯಾ ಗ್ರಾಮದ ನಿವಾಸಿ 80 ವರ್ಷದ ಬಲುರಾಮ್ ಅವರು Instagram ನಲ್ಲಿ ಸುಮಾರು ಒಂದು ವರ್ಷದಿಂದ ಪರಸ್ಪರ ಪ್ರೀತಿಸುತ್ತಿದ್ದರು. ಇದೀಗ ಇಬ್ಬರೂ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ನ್ಯಾಯಾಲಯದ ಆವರಣದಲ್ಲಿರುವ ಹನುಮಾನ್ ದೇಗುಲದಲ್ಲಿ ಈ ಜೋಡಿ ವಿವಾಹ ಮಾಡಿಕೊಂಡಿದೆ.
ಪ್ರೇಮ ಕಥೆಯ ವಿಡಿಯೋ ವೈರಲ್: ಈ ಜೋಡಿಯ Instagram ಲವ್ ಸ್ಟೋರಿ ಮದುವೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್ ಆಗುತ್ತಿದೆ. ಜನರು ವಿಭಿನ್ನ ಪ್ರತಿಕ್ರಿಯೆಗಳನ್ನು ನೀಡುತ್ತಿದ್ದಾರೆ. ''ಇಬ್ಬರೂ ಮದುವೆಯಾಗಿ ತುಂಬಾ ಸಂತೋಷವಾಗಿದ್ದೇವೆ'' ಎಂದು ನವವಿವಾಹಿತೆ ಶೀಲಾ ಇಂಗ್ಲೆ ಹೇಳಿದ್ದಾರೆ.
ಮದುವೆ ಒಪ್ಪಂದ ಪತ್ರ: ಇಬ್ಬರೂ ಮದುವೆಯ ಒಪ್ಪಂದಕ್ಕೆ ಸಹ ಸಿದ್ಧಪಡಿಸಿದ್ದಾರೆ. ಅದರಲ್ಲಿ "ನಾನು ಶೀಲಾ ಇಂಗ್ಲೆ, 34 ವರ್ಷಕ್ಕಿಂತ ಮೇಲ್ಪಟ್ಟಿದ್ದೇನೆ ಮತ್ತು ನನ್ನ ಜನ್ಮ ದಿನಾಂಕ 01/01/1989 ಎಂದು ನಮೂದಿಸಲಾಗಿದೆ. ನಾನು ಪೂರ್ಣ ವಯಸ್ಕಳು, ನನ್ನ ಒಳ್ಳೆಯದು ಮತ್ತು ಕೆಟ್ಟದ್ದನ್ನು ನಾನು ಚೆನ್ನಾಗಿ ಅರ್ಥಮಾಡಿಕೊಂಡಿದ್ದೇನೆ.''
ಅದೇ ರೀತಿ, ''ನಾನು ಬಲುರಾಮ್ ಮತ್ತು ಜನ್ಮ ದಿನಾಂಕ 1/01/1944, (80 ವರ್ಷ) ಒಳ್ಳೆಯದು ಮತ್ತು ಕೆಟ್ಟದ್ದನ್ನು ಚೆನ್ನಾಗಿ ಅರ್ಥಮಾಡಿಕೊಂಡಿದ್ದೇನೆ ಎಂದು ಈ ಒಪ್ಪಂದ ಪತ್ರದಲ್ಲಿ ಉಲ್ಲೇಖಿಸಲಾಗಿದೆ. ಅವರಿಬ್ಬರ ಭಾವಚಿತ್ರಗಳು ಮತ್ತು ಸಹಿಗಳು ಪತ್ರದಲ್ಲಿವೆ.
ಇದನ್ನೂ ಓದಿ: ಉತ್ತರಾಖಂಡದಲ್ಲಿ ವಿಚಿತ್ರ ಪ್ರೇಮಕಥೆ: ತೃತೀಯ ಲಿಂಗಿ ವಿವಾಹವಾದ ಯುವಕ
