ನಿತ್ಯವೂ ಕಬಾಬ್​ ತಿನ್ನಲು ನಿತ್ಯ ಹೋಟೆಲ್​ಗೆ ಬರುವ ಮುಂಗುಸಿ: ವಿಡಿಯೋ

ಕೊಪ್ಪಳ: ಮನುಷ್ಯ ಒಂದಿಲ್ಲೊಂದು ತಿನಿಸಿಗೆ ಆಸೆ ಪಡುವುದು ಸಹಜ. ಆದರೆ ಇಲ್ಲೊಂದು ಮುಂಗುಸಿ ಚಿಕನ್ ಕಬಾಬ್ ಸವಿಯಲು ಕಾದು ಕುಳಿತಿರುತ್ತದೆ. ಕೊಪ್ಪಳದ ಅಳವಂಡಿ ಗ್ರಾಮದ ಮಾರುಕಟ್ಟೆ ಬಳಿ ಇರುವ ಚಿಕನ್ ಕಬಾಬ್ ಹೋಟೆಲ್​ವೊಂದರಲ್ಲಿ ಮುಂಗುಸಿ ಚಿಕನ್ ಕಬಾಬ್ ಸವಿಯಲು ಪ್ರತಿದಿನ ಬರುತ್ತದೆ. ಹೋಟೆಲ್​​ಗೆ ಊಟ ಮಾಡಲು ಬಂದ ಗ್ರಾಹಕರು‌ ಚಿಕನ್ ಹಾಕ್ತಾರಾ? ಅಂತಾ ಕಾದು ಕುಳಿತು‌ ಕದ್ದು ಮುಚ್ಚಿ ನೋಡುತ್ತಿರುತ್ತದೆ. ಯಾರಾದರು ಕಬಾಬ್ ಎಸೆದರೆ ಕೂಡಲೇ ಅದನ್ನು ಕಚ್ಚಿಕೊಂಡು ಮೂಲೆಗೆ ಹೋಗುತ್ತದೆ. ಹೀಗೆ ತನ್ನ ಹೊಟ್ಟೆ ತುಂಬುವವರೆಗೆ ಹೋಟೆಲ್ ಮೂಲೆಯೊಂದರಲ್ಲಿ ಇಣುಕುತ್ತಾ ಕಬಾಬ್ ಸಿಕ್ಕ ಕೂಡಲೇ ಸವಿಯುತ್ತಿರುತ್ತದೆ. ಈ ದೃಶ್ಯವನ್ನು ಸ್ಥಳೀಯರೊಬ್ಬರು ತಮ್ಮ ಮೊಬೈಲ್​​ನಲ್ಲಿ‌ ಸೆರೆ ಹಿಡಿದಿದ್ದಾರೆ.