ಬ್ಯಾಂಕ್ ಸ್ಥಳಾಂತರ ವಿರೋಧಿಸಿ ಗ್ರಾಮಸ್ಥರಿಂದ ಪ್ರತಿಭಟನೆ

ದಾವಣಗೆರೆ: ತಾಲೂಕಿನ ಕಾಶಿಪುರ ಗ್ರಾಮದಲ್ಲಿ ಬ್ಯಾಂಕ್ ಸ್ಥಳಾಂತರವನ್ನು ವಿರೋಧಿಸಿ ಗ್ರಾಮಸ್ಥರು ಪ್ರತಿಭಟನೆ ನಡೆಸಿದರು. ಏಳು ವರ್ಷಗಳಿಂದ ಕಾಶಿಪುರ ಗ್ರಾಮದಲ್ಲಿ ಇದ್ದ ಬ್ಯಾಂಕ್​​​ಅನ್ನು ಇದ್ದಕ್ಕಿದ್ದಂತೆ ಪಕ್ಕದ ಗ್ರಾಮ ಲೋಕಿಕೆರೆಗೆ ಸ್ಥಳಾಂತರ ಮಾಡಲು ಮುಂದಾದ ಬ್ಯಾಂಕ್ ಅಧಿಕಾರಿಗಳ ವಿರುದ್ಧ ಗ್ರಾಮಸ್ಥರು ಆಕ್ರೋಶ ವ್ಯಕ್ತಪಡಿಸಿದರು. ಬ್ಯಾಂಕ್ ವ್ಯಾವಹಾರ ನಡೆಸಲು ಬೇರೆ ಗ್ರಾಮಕ್ಕೆ ಹೋಗಲು ಬಸ್ ವ್ಯವಸ್ಥೆ ಇಲ್ಲದ ಕಾರಣ ಬ್ಯಾಂಕ್​ ಇಲ್ಲೇ ಉಳಿಸಬೇಕು ಎಂದು ಪಟ್ಟು ಹಿಡಿದರು. ಈ ವೇಳೆ ಪ್ರತಿಭಟನಾಕಾರರು ಮತ್ತು ಪೊಲೀಸರ ನಡುವೆ ಕೆಲಕಾಲ ವಾಗ್ವಾದ ನಡೆದಿದ್ದು, ಘಟನಾ ಸ್ಥಳದಲ್ಲಿ ಪೊಲೀಸರು, ಡಿಆರ್ ತುಕಡಿ ಸಿಬ್ಬಂದಿ ಮೊಕ್ಕಾ ಹೂಡಿದ್ದಾರೆ.