ಗಣಿ ನಾಡಿಗೆ ವರುಣನ ಸಿಂಚನ: ತುಂಬಿ ಹರಿಯುತ್ತಿರುವ ಹಳ್ಳ-ಕೊಳ್ಳಗಳು

ಬಳ್ಳಾರಿ: ಜಿಲ್ಲೆಯ ನಾನಾ ಭಾಗಗಳಲ್ಲಿ ಉತ್ತಮವಾಗಿ ಮಳೆ ಸುರಿದಿದ್ದು, ಹಳ್ಳ-ಕೊಳ್ಳಗಳು ತುಂಬಿ ಹರಿಯುತ್ತಿವೆ. ಗಣಿ ನಾಡಿಗೆ ವರುಣನ ಸಿಂಚನದಿಂದಾಗಿ ರೈತರ ಮೊಗದಲ್ಲಿ ಮಂದಹಾಸ ಬೀರಿದ್ದು, ಈ ಬಾರಿಯ ಕೃಷಿ ಉತ್ತಮವಾಗಲಿದೆ ಎಂಬ ಸಂತಸದಲ್ಲಿದ್ದಾರೆ. ಕೂಡ್ಲಿಗಿ ತಾಲೂಕಿನ ನಿಂಗದಹಳ್ಳಿ ತಾಂಡದ ಹಳ್ಳ-ಕೊಳ್ಳಗಳು ಹಾಗೂ ಸಂಡೂರು ತಾಲೂಕಿನ ತಾರಾನಗರದ ಮಾನಸ ಸರೋವರ ಖ್ಯಾತಿಯ ನಾರಿಹಳ್ಳ ಕೂಡ ತುಂಬಿ ಹರಿಯುತ್ತಿದೆ. ಬಿಸಿಲಿನ ಬೇಗೆಯಿಂದ ದಣಿದಿದ್ದ ಜನರಿಗೆ ವರುಣರಾಯ ತಂಪೆರೆದಿರುವುದು ಜನರಲ್ಲಿ ಸಂತಸ ತಂದಿದೆ.