ದಸರಾ-ಆಯುಧಪೂಜಾ ಹಿನ್ನೆಲೆ ಮಾರುಕಟ್ಟೆಯಲ್ಲಿ ಮುಗಿಬಿದ್ದ ಹುಬ್ಬಳ್ಳಿ ಮಂದಿ!

ಹುಬ್ಬಳ್ಳಿ: ದಸರಾ ಆಯುಧಪೂಜೆ ಹಿನ್ನೆಲೆಯಲ್ಲಿ ಹುಬ್ಬಳ್ಳಿ ಜನತಾ ಬಜಾರ್‌ ಸೇರಿದಂತೆ ನಗರದ ಮಾರುಕಟ್ಟೆಗಳಲ್ಲಿ ಹೂವು-ಹಣ್ಣುಗಳ ಜೊತೆಗೆ ಅಗತ್ಯ ಪೂಜಾ ಸಾಮಗ್ರಿಗಳ ಖರೀದಿ ಜೋರಾಗಿಯೇ ನಡೆಯುತ್ತಿದೆ.‌ ಮಳೆಗಾಲ ಇರುವುದರಿಂದ ಬೇರೆ ರಾಜ್ಯದಿಂದ ಬಂದಿರುವ ಬೂದಗುಂಬಳಕಾಯಿ ಬೆಲೆ ಸ್ವಲ್ಪಮಟ್ಟಿಗೆ ಜಾಸ್ತಿಯಾಗಿದೆ. ನಿಂಬೆಹಣ್ಣು, ಬಾಳೆಗಿಡ, ಹೂವುಗಳು ಕೂಡ ಬೇರೆ ಜಿಲ್ಲೆಯಿಂದ ಬರುತ್ತಿದ್ದು ಬೆಲೆ ಸ್ವಲ್ಪ ಮಟ್ಟಿಗೆ ಏರಿಕೆಯಾಗಿದೆ‌. ಇನ್ನೂ ದಿನಸಿ ವಸ್ತುಗಳ ಬೆಲೆ ನಿಗದಿಗಿಂತ ಜಾಸ್ತಿಯಾದ್ರೂ ಸಹ ಗ್ರಾಹಕರ ಸಂಖ್ಯೆಯೇನೂ ಕಡಿಮೆಯಾಗಿಲ್ಲ. ಎಂದಿನಂತೆ ಮಾರುಕಟ್ಟೆಯಲ್ಲಿ ಗ್ರಾಹಕರ ಓಡಾಟದ ಜೊತೆಗೆ ಜನಜಂಗುಳಿ ಕಂಡುಬಂತು.