Watch: ಕ್ರಿಕೆಟ್​ ಸ್ಟೇಡಿಯಂನಲ್ಲಿ ಭಾರತೀಯರಿಂದ 'ವಂದೇ ಮಾತರಂ' ಪಠಣ; 2020ರ ವಿಡಿಯೋ ಸಖತ್​ ವೈರಲ್​

2020ರ ಜನವರಿಯಲ್ಲಿ ಭಾರತ ಮತ್ತು ಶ್ರೀಲಂಕಾ ನಡುವೆ ಮೂರು ಪಂದ್ಯಗಳ T20I ಸರಣಿ ನಡೆದಿದ್ದು, 2-0 ಅಂತರದಲ್ಲಿ ಟೀಂ ಇಂಡಿಯಾ ಗೆಲುವು ದಾಖಲಿಸಿತ್ತು. ಗುವಾಹಟಿಯ ಬರಾಸ್ಪರಾ ಕ್ರೀಡಾಂಗಣದಲ್ಲಿ ಮೊದಲ ಪಂದ್ಯ ನಡೆದಿತ್ತು. ವಿರಾಟ್​ ಕೊಹ್ಲಿ ಟಾಸ್​ ಗೆದ್ದು ಬೌಲಿಂಗ್​ ಆಯ್ಕೆ ಮಾಡಿಕೊಳ್ಳುತ್ತಿದ್ದಂತೆಯೇ ಮಳೆಯಿಂದಾಗಿ ಪಂದ್ಯ ವಿಳಂಬವಾಗಿದೆ. ಈ ವೇಳೆ ಗ್ಯಾಲರಿಯಲ್ಲಿ ಕುಳಿತಿದ್ದ ಸುಮಾರು 40,000 ಭಾರತೀಯರು ಎದ್ದುನಿಂತು 'ವಂದೇ ಮಾತರಂ' ಪಠಿಸಿದ್ದ ಕ್ಷಣ ಮೈನವಿರೇಳಿಸಿತ್ತು. ಇಂದು ಇಂಡೋ-ಪಾಕ್​ ನಡುವೆ T20 ಹೈವೋಲ್ಟೇಜ್ ಪಂದ್ಯವಿರುವ ಕಾರಣ, ಅಂದಿನ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್​ ಸದ್ದು ಮಾಡುತ್ತಿದೆ.