ದೊಡ್ಡಗೌಡರ ಮೊಮ್ಮಗನ ಅದ್ಧೂರಿ ನಿಶ್ಚಿತಾರ್ಥ.. ಆಹಾಹಾ ಎಂಥಾ ಸಂಭ್ರಮ..!

ಮಾಜಿ ಸಿಎಂ ಹೆಚ್‌ಡಿಕೆ ಪುತ್ರ ಹಾಗೂ ಚಂದನವನದ ಯುವರಾಜ ನಿಖಿಲ್​ ಮತ್ತು ಶಾಸಕ ಕೃಷ್ಣಪ್ಪ ಅವರ ಸಹೋದರನ ಪುತ್ರಿ ರೇವತಿ ನಿಶ್ಚಿತಾರ್ಥ ಬೆಂಗಳೂರಿನ ತಾಜ್​ವೆಸ್ಟೆಂಡ್ ಹೋಟೆಲ್​​​ನಲ್ಲಿ ಅದ್ಧೂರಿಯಾಗಿ ಜರುಗಿತು. ದೊಡ್ಡಗೌಡರ ಕುಟುಂಬದ ಈ ಸಮಾರಂಭದಲ್ಲಿ ಸಿನಿಮಾ ಕಲಾವಿದರು ಅಲ್ಲದೆ, ನಿತ್ಯ ಆರೋಪ-ಪ್ರತ್ಯಾರೋಪದಲ್ಲಿ ತೊಡಗಿದ್ದ ರಾಜಕೀಯ ನಾಯಕರು ತಮ್ಮ ವೈಮನಸ್ಸು ಮರೆತು ಆಗಮಿಸಿ ನಿಖಿಲ್-ರೇವತಿಗೆ ಶುಭ ಕೋರಿದರು.