ದುಬೈ ಕನ್ನಡಿಗರಿಂದ ಸುದೀಪ್​ಗೆ ಅದ್ಧೂರಿ ಸ್ವಾಗತ

ಸುದೀಪ್​​ ಅಭಿನಯದ ಫ್ಯಾಂಟಮ್​ ಸಿನಿಮಾದ ಟೈಟಲ್​​ ವಿಕ್ರಾಂತ್​​ ರೋಣ ಎಂದು ಬದಲಾಗಿರುವುದು ಎಲ್ಲರಿಗೂ ಗೊತ್ತಿದೆ. ಈ ಟೈಟಲ್​ ಲಾಂಚ್​​​ ಕಾರ್ಯಕ್ರಮವನ್ನು ಇದೇ 31ರಂದು ದುಬೈನ ಬುರ್ಜ್ ಖಲೀಫಾ ಮೇಲೆ ಮಾಡಲಾಗುತ್ತದೆ ಎಂದು ಚಿತ್ರತಂಡ ಘೋಷಿಸಿದೆ. ಈ ಹಿನ್ನೆಲೆ ಸುದೀಪ್​​ ದುಬೈಗೆ ಭೇಟಿ ಕೊಟ್ಟಿದ್ದಾರೆ. ಸುದೀಪ್ ದುಬೈಗೆ ಹೋಗುತ್ತಿದ್ದಂತೆ ಗ್ರ್ಯಾಂಡ್​ ಆಗಿ ಸ್ವಾಗತಿಸಲಾಗಿದೆ. ಹೂವಿನ ಮಾಲೆ ಹಾಕುವ ಮೂಲಕ ಸುದೀಪ್​​ರನ್ನು ವೆಲ್​ಕಮ್​ ಮಾಡಲಾಗಿದೆ. ಇನ್ನು, ಕಿಚ್ಚನ ಪತ್ನಿ ಪ್ರಿಯಾ ಸುದೀಪ್ ಹಾಗೂ ಮಗಳು ಸಾನ್ವಿಗೆ ಅಲ್ಲಿನ ಕನ್ನಡಿಗರು ಆರತಿ ಮಾಡುವ ಮೂಲಕ ಸ್ವಾಗತಿಸಿದ್ದಾರೆ.