ವಾಹನ ಪಲ್ಟಿಯಾಗಿ 800 ಕೋಳಿಗಳು ಸಾವು... ಸಿಕ್ಕ ಸಿಕ್ಕ ಕೋಳಿ ತೆಗೆದುಕೊಂಡು ಹೋದ ಜನ!

ಮೇದಕ್: ಕೋಳಿಗಳನ್ನು ಸಾಗಿಸುತ್ತಿದ್ದ ವ್ಯಾನ್​ವೊಂದಯ ಚಾಲಕನ ನಿಯಂತ್ರಣ ತಪ್ಪಿ ಪಲ್ಟಿಯಾದ ಘಟನೆ ಜಿಲ್ಲೆಯ ರಾಮಯಂಪೇಟ ಮಂಡಲದ ಲಕ್ಷ್ಮಾಪುರದಲ್ಲಿ ನಡೆದಿದೆ. ಲಕ್ಷ್ಮಾಪುರದಿಂದ ಸಿದ್ದಿಪೇಟೆಗೆ 1200 ಕೋಳಿಗಳನ್ನು ಸಾಗಿಸುತ್ತಿದ್ದ ಈ ವಾಹನ ಇಲ್ಲಿಯ ಉಪ ಠಾಣೆಯ ಬಳಿ ನಿಯಂತ್ರಣ ತಪ್ಪಿ ಪಲ್ಟಿಯಾಗಿದೆ. ಪಲ್ಟಿಯಿಂದ ಕೋಳಿಗಳು ಚೆಲ್ಲಾಪಿಲ್ಲಿಯಾಗಿದ್ದವು. ವಿಷಯ ತಿಳಿದ ಸುತ್ತಮುತ್ತಲಿನ ಜನರು ಸಿಕ್ಕ ಸಿಕ್ಕ ಕೋಳಿಗಳನ್ನು ಹಿಡಿಕೊಂಡು ಮನೆಗೆ ಹೋದರು. ಅಪಘಾತದಲ್ಲಿ ಪ್ರಾಣಾಪಾಯದಿಂದ ಪಾರಾಗಿರುವ ವ್ಯಾನ್​ ಚಾಲಕ, ಸುಮಾರು 800 ಕೋಳಿಗಳು ಸಾವನ್ನಪ್ಪಿರುವುದಾಗಿ ಹೇಳಿದ್ದಾರೆ.