ಮೈತ್ರಿ ಬಾಗ್ ಮೃಗಾಲಯದಲ್ಲಿ 2 ತಿಂಗಳ ಬಿಳಿ ಹುಲಿ 'ಸಿಂಗಮ್' ಸಂಭ್ರಮ- ವಿಡಿಯೋ

ಭಿಲಾಯ್ (ಛತ್ತೀಸ್‌ಗಢ): ಎರಡು ತಿಂಗಳ ಮುದ್ದಾದ ಬಿಳಿ ಹುಲಿ ‘ಸಿಂಗಮ್’ ಅನ್ನು ಛತ್ತೀಸ್‌ಗಢದ ಭಿಲಾಯ್ ಜಿಲ್ಲೆಯ ಮೈತ್ರಿ ಬಾಗ್ ಮೃಗಾಲಯದಲ್ಲಿ ಮಂಗಳವಾರ ಬಿಡಲಾಯಿತು. ರೋಮಾ ಹೆಸರಿನ ಹೆಣ್ಣು ಹುಲಿ ಮತ್ತು ಸುಲ್ತಾನ್ ಹೆಸರಿನ ಗಂಡು ಹುಲಿಗೆ ಜನಿಸಿದ ಈ ಮರಿಹುಲಿಯೇ ‘ಸಿಂಗಮ್. ಸೆಪ್ಟೆಂಬರ್ 5 ರಂದು ಮರಿ ಜನಿಸಿದ್ದು, ಆರೋಗ್ಯವಾಗಿದೆ ಎಂದು ಮೈತ್ರಿ ಬಾಗ್ ಮೃಗಾಲಯದ ಉಸ್ತುವಾರಿ ಎನ್ ಕೆ ಜೈನ್ ಮಾಹಿತಿ ನೀಡಿದ್ದಾರೆ. ಜೊತೆಗೆ ಕೋವಿಡ್​ ಸಾಂಕ್ರಾಮಿಕ ರೋಗದಿಂದಾಗಿ ಹುಲಿಗಳ ಸಂತಾನೋತ್ಪತ್ತಿಯನ್ನು ಕಳೆದ ಎರಡು ವರ್ಷಗಳಿಂದ ನಿಲ್ಲಿಸಲಾಗಿದೆ ಎಂದಿದ್ದಾರೆ. ಸುಮಾರು ಆರು ವರ್ಷಗಳಿಂದ ಉದ್ಯಾನವನದಲ್ಲಿ ವಾಸಿಸುತ್ತಿರುವ ಶಿಲಾ ಎಂಬ ಹುಲಿ ಈ ವರ್ಷದ ಮಾರ್ಚ್ 22 ರಂದು ನಾಲ್ಕು ಮರಿಗಳಿಗೆ ಜನ್ಮ ನೀಡಿತ್ತು. ಈ ನಾಲ್ಕು ಹುಲಿ ಮರಿಗಳನ್ನು ಸಿಲಿಗುರಿಯ ಬಳಿ ಬೆಂಗಾಲ್ ಸಫಾರಿಯ ತೆರೆದ ಆವರಣದಲ್ಲಿ ಬಿಡಲಾಗಿತ್ತು.