ಅಮಾವಾಸ್ಯೆ ಎಫೆಕ್ಟ್​.. ಗಜಪಡೆ ತಾಲೀಮಿಗೆ ಬ್ರೇಕ್

ಮೈಸೂರು: ಕ್ಯಾಪ್ಟನ್ ಅಭಿಮನ್ಯು ತಂಡದ ಗಜಪಡೆಗೆ ಅಮಾವಾಸ್ಯೆ ಹಿನ್ನೆಲೆಯಲ್ಲಿ ತಾಲೀಮಿಗೆ ಬ್ರೇಕ್ ನೀಡಲಾಯಿತು. ಅಮಾವಾಸ್ಯೆ ಹಿನ್ನೆಲೆ ಅರಮನೆಯಿಂದ ಆಚೆ ಹೋದರೆ ಅಪಾಯ ಎದುರಾಗಲಿದೆ ಎಂಬ ಮಾವುತರ ಹಾಗೂ ಕಾವಾಡಿಗಳ ನಂಬಿಕೆ ಹಿನ್ನೆಲೆ ಆನೆಗಳ ತಾಲೀಮಿಗೆ ಇಂದು ಬ್ರೇಕ್​ ಹಾಕಲಾಯಿತು. ಕಳೆದ ವಾರದಿಂದ ಅಭಿಮನ್ಯು, ಅರ್ಜುನ, ಶ್ರೀರಾಮ, ಚೈತ್ರ, ಕಾವೇರಿ, ಗೋಪಿ, ವಿಕ್ರಂ, ಧನಂಜಯ, ಲಕ್ಷ್ಮೀ ಆನೆಗಳಿಗೆ ಪ್ರತಿನಿತ್ಯ ಬೆಳಗ್ಗೆ ಹಾಗೂ ಸಂಜೆ ತಾಲೀಮು ಮಾಡಿಸಲಾಗುತ್ತಿದೆ. ಅಮಾವಾಸ್ಯೆ ಹಿನ್ನೆಲೆ ಅಭಿಮನ್ಯು ಹಾಗೂ ಧನಂಜಯ ಆನೆಗಳಿಗೆ ಅರಮನೆಯ ಆವರಣದಲ್ಲಿ ಸ್ನಾನ ಮಾಡಿಸಲಾಯಿತು.