ಬೆಂಗಳೂರಿನಲ್ಲಿ ರಾಷ್ಟ್ರಮಟ್ಟದ 3ನೇ ಆರ್ಮ್ ರೆಸಲಿಂಗ್ ಚಾಂಪಿಯನ್​ಶಿಪ್​ಗೆ ಚಾಲನೆ, 250ಕ್ಕೂ ಹೆಚ್ಚು ಕ್ರೀಡಾಪಟುಗಳು ಭಾಗಿ..

ಬೆಂಗಳೂರು: ರಾಷ್ಟ್ರಮಟ್ಟದ 3ನೇ ಆರ್ಮ್ ರೆಸಲಿಂಗ್ ಚಾಂಪಿಯನ್ಶಿಪ್ - 2023ರ ಎರಡು ದಿನದ ತೋಳ್ಬಲ ಪಂದ್ಯಾವಳಿಗೆ ಬೆಂಗಳೂರು - ಹೊಸೂರು ರಾಷ್ಟ್ರೀಯ ಹೆದ್ದಾರಿ ಅತ್ತಿಬೆಲೆ ಕೈಗಾರಿಕೆ ಪ್ರದೇಶದ ಖಾಸಗಿ ಹೋಟೆಲ್ ಒಂದರಲ್ಲಿ ಇಂದು ಮಧ್ಯಾಹ್ನ ಚಾಲನೆ ಸಿಕ್ಕಿತು. ಬಿಸಿಎಐ ಹಾಗೂ ಕರ್ನಾಟಕ ಆರ್ಮ್ ರೆಸಲಿಂಗ್ ಅಸೋಶಿಯೇಷನ್ ಆಶ್ರಯದಲ್ಲಿ ಆರ್ಮ್ ರೆಸಲಿಂಗ್ ಕ್ರೀಡೆ ಆಯೋಜಿಸಲಾಗಿತ್ತು.

ಈ ಪಂದ್ಯದ ನೇತೃತ್ವ ವಹಿಸಿದ್ದ ಉಜ್ವಲ್ ಮಾತನಾಡಿ, ವಿಶ್ವ ಚಾಂಪಿಯನ್​ಶಿಪ್​ದಲ್ಲಿ ಭಾಗವಹಿಸಿದ್ದ 3-4 ವಿಜೇತರು ಆರ್ಮ್ ರೆಸಲಿಂಗ್ ಪಂದ್ಯಾವಳಿಯಲ್ಲಿ ಪಾಲ್ಗೊಳ್ಳುತ್ತಿದ್ದು, ಹದಿನೈದು ರಾಜ್ಯಗಳಿಂದ 250ಕ್ಕೂ ಹೆಚ್ಚು ಕ್ರೀಡಾಪಟುಗಳು ಹುರುಪಿನಿಂದ ಭಾಗವಹಿಸುತ್ತಿದ್ದಾರೆ ಎಂದು ತಿಳಿಸಿದರು.

ಆರಂಭದಲ್ಲಿ ಮಹಿಳಾ ಕ್ರೀಡಾಪಟುಗಳು ಆರ್ಮ್ ರೆಸಲಿಂಗ್​ ಸ್ಪರ್ಧೆಯಲ್ಲಿ ಭಾಗವಹಿಸುವ ಮೂಲಕ ಚಾಲನೆಗೊಂಡಿತು. 15 ವಯಸ್ಸಿನಿಂದ 75 ವಯಸ್ಸಿನ ವರೆಗೆ ಇದ್ದ 200 ಹುರಿಯಾಳುಗಳಿಗೆ ವೇದಿಕೆಯಾಗಲಿದೆ. ಭಾರತ ದೇಶವನ್ನು ಪ್ರತಿನಿಧಿಸುವ ಕ್ರೀಡಾಪಟುಗಳು ಹಲವು ಪದಕಗಳನ್ನ ಗೆದ್ದು ವಿಶ್ವಮಟ್ಟದಲ್ಲಿ ಭಾರತಕ್ಕೆ ಕೀರ್ತಿ ಪತಾಕೆ ಹಾರಿಸುತ್ತಿದ್ದಾರೆ. ಸರ್ಕಾರ ಇಂತಹ ಕ್ರೀಡೆಗಳಿಗೆ ಪ್ರೋತ್ಸಾಹ ನೀಡಬೇಕು ಎಂದು ಮನವಿ ಮಾಡಿದರು.

ಪಂದ್ಯಾವಳಿ ಚಾಲನೆಗೊಳ್ಳುವ ಮುನ್ನ ಡೊಳ್ಳು ಕುಣಿತ, ಭರತನಾಟ್ಯ, ಬೆಂಕಿರಿಂಗ್ ನಂತರ ಸಾಂಸ್ಕೃತಿಕ ಕಾರ್ಯಕ್ರಮಗಳು ನೆರದಿದ್ದವರಲ್ಲಿ ಕ್ರೀಡಾ ಉತ್ಸಾಹ ತುಂಬಿದವು. ನಾಳೆಗೆ ರಾಷ್ಟ್ರೀಯ ಮಟ್ಟದ 3ನೇ ಆರ್ಮ್ ರೆಸಲಿಂಗ್ ಚಾಂಪಿಯನ್ಶಿಪ್-2023 ಮುಗಿಯಲಿದೆ. ಅಗತ್ಯವಿದ್ದವರು ನಾಳೆಯೂ ನೋಂದಣಿ ಮಾಡಿಸಿ ಕ್ರೀಡೆಯಲ್ಲಿ ಭಾಗವಹಿಸಬಹುದೆಂದು ತಿಳಿಸಿದರು.

ಇದನ್ನೂಓದಿ: CSK vs DC: ಟಾಸ್​ ಗೆದ್ದ ಚೆನ್ನೈ ಬ್ಯಾಟಿಂಗ್​ ಆಯ್ಕೆ: ಪ್ಲೇ ಆಫ್​ ಪ್ರವೇಶ ಪಡೆಯುತ್ತಾ ತಲೈವಾ ಪಡೆ?