ಮಹಿಳೆ ಮೇಲೆ ಹಲ್ಲೆ ನಡೆಸಿದ ಪೊಲೀಸ್​ ಅಮಾನತು

ಮಿಯಾಮಿ (ಫ್ಲೋರಿಡಾ): ಮಿಯಾಮಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಮಹಿಳೆ ಮೇಲೆ ಹಲ್ಲೆ ನಡೆಸಿದ ಆರೋಪದಲ್ಲಿ ಪೊಲೀಸ್​ ಅಧಿಕಾರಿಯನ್ನು ಅಮಾನತು ಮಾಡಲಾಗಿದೆ. ಘಟನೆಯ ವಿಡಿಯೋ ಪೊಲೀಸ್​ ಅಧಿಕಾರಿಯ ಬಾಡಿ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಇದನ್ನು ದಕ್ಷಿಣ ಫ್ಲೋರಿಡಾದ ಫಿಲಂ ಮೇಕರ್​ ಬಿಲ್ಲಿ ಕಾರ್ಬೆನ್ ಟ್ವಿಟರ್​ನಲ್ಲಿ ಶೇರ್​ ಮಾಡಿದ್ದಾರೆ. ಫೇಸ್​ ಮಾಸ್ಕ್​ ಧರಿಸದ ಮಹಿಳೆ ಮೇಲೆ ಕೋಪಗೊಂಡ ಅಧಿಕಾರಿ ತಿಳಿ ಹೇಳಿದ್ದಾರೆ. ಆದರೆ ಆಕೆ 'ನೀವು ಕಪ್ಪು ವರ್ಣೀಯರು. ಆದರೆ, ಬಿಳಿಯರಂತೆ ವರ್ತಿಸುತ್ತೀರಿ. ನೀವು ಏನು ಮಾಡಲು ಬಯಸುತ್ತೀರಿ' ಎಂದು ಅಧಿಕಾರಿಗೆ ಅವಾಜ್​ ಹಾಕಿದ್ದಾಳೆ. ಇದರಿಂದ ಆಕ್ರೋಶಿತರಾದ ಪೊಲೀಸ್​ ಆಕೆ ಮೇಲೆ ಹಲ್ಲೆ ನಡೆಸಿದ್ದಾರೆ. ಸದ್ಯ ಮಿಯಾಮಿ - ಡೇಡ್ ಪೊಲೀಸ್ ನಿರ್ದೇಶಕ ಆಲ್ಫ್ರೆಡೋ ರಾಮಿರೆಜ್ ಅವರು, ಹಲ್ಲೆ ನಡೆಸಿದ ಪೊಲೀಸ್​ ಸ್ಟೇಟ್ ಅಟಾರ್ನಿ ಕ್ಯಾಥರೀನ್ ಫರ್ನಾಂಡೀಸ್ ರುಂಡಲ್ ಅವರನ್ನು ತನಿಖೆಗೆ ಒಳಪಡಸುವಂತೆ ಸೂಚಿಸಿದ್ದಾರೆ.