ಕೊರೊನಾ ಲಸಿಕೆ ಉತ್ಪಾದನೆಯ ವೇಗ ಹೆಚ್ಚಿಸಿದ ಚೀನಾ

ಚೀನಾದಲ್ಲಿ ಕೊರೊನಾ ಲಸಿಕೆಯ ಪ್ರಯೋಗ ಭರದಿಂದ ಸಾಗಿದೆ. ಈಗಾಗಲೇ ಲಸಿಕೆ ವಿತರಣೆ ಕಾರ್ಯ ನಡೆಯುತ್ತಿದ್ದು, ಈ ನಡುವೆ ಇನ್ನಷ್ಟು ಲಸಿಕೆ ಉತ್ಪಾದನೆಗೆ ಚೀನಾ ಮುಂದಾಗಿದೆ. ಈ ಹಿನ್ನೆಲೆ ಕೋವಿಡ್​​​-19 ಲಸಿಕೆ ಅಭಿವೃದ್ಧಿಪಡಿಸಲು ಚೀನಾ ಸರ್ಕಾರ 5 ತಾಂತ್ರಿಕ ವಿಧಾನ ಅಳವಡಿಸಿಕೊಂಡಿದೆ. ಲಸಿಕೆ ತಯಾರಿಕಾ ಕಂಪನಿ ಸಿನೋಫಾರ್ಮ್ 2020ರ ಜನವರಿಯಲ್ಲಿ ಲಸಿಕೆ ಸಂಶೋಧನೆಯನ್ನು ಪ್ರಾರಂಭಿಸಿದೆ. ಅಲ್ಲದೆ ಬೀಜಿಂಗ್​ನ ಜೈವಿಕ ಉತ್ಪಾದನಾ ಸಂಸ್ಥೆ ಮತ್ತು ಸಿನೊಫಾರ್ಮ್​​ ಅಡಿಯಲ್ಲಿ ವುಹಾನ್​ ಇನ್ಸ್​​ಸ್ಟಿಟ್ಯೂಟ್​ ಆಫ್ ಬಯೋಲಾಜಿಕಲ್ ಪ್ರಾಡಕ್ಟ್ಸ್​​​​​​ ಜಂಟಿಯಾಗಿ ಲಸಿಕೆ ತಯಾರಿಕೆಯಲ್ಲಿ ತೊಡಗಿದ್ದು, ಲಸಿಕೆ ತಯಾರಿಕಾ ವೇಗ ಹೆಚ್ಚಿಸಿವೆ. ಈ ನಡುವೆ ಚೀನಾ ನ್ಯಾಷನಲ್ ಬಯೋಟೆಕ್ ಗ್ರೂಪ್ ಅಧ್ಯಕ್ಷ ಯಂಗ್ ಕ್ಸಿಯಾಮಿಂಗ್ ಲಸಿಕೆ ಪ್ರಯೋಗಕ್ಕೆ ಒಳಗಾಗಿದ್ದಾರೆ.