ಲಿಮ್ಕಾ ಬುಕ್​ ಆಫ್​ ವರ್ಲ್ಡ್​ ರಿಕಾರ್ಡ್ಸ್​ಗೆ ಸೇರಿದ ‘ಕನ್ಯಾ ಪೂಜೆ’!

ಹಿಮಾಚಲ ಪ್ರದೇಶದ ಮಂಡಿ ಜಿಲ್ಲೆಯಲ್ಲಿ ಶಿವರಾತ್ರಿ ನಿಮಿತ್ತ ಆಯೋಜಿಸಲಾಗಿದ್ದ ‘ಕನ್ಯಾ ಪೂಜೆ’ ಲಿಮ್ಕಾ ಬುಕ್​ ಆಫ್​ ವರ್ಲ್ಡ್​ ರಿಕಾರ್ಡ್ಸ್​​ 2020ಗೆ ಸೇರಿದೆ. ‘ಬೇಟಿ ಬಚಾವೋ, ಬೇಟಿ ಪಡಾವೋ’ ಯೋಜನೆಯ ಉದ್ದೇಶಕ್ಕಾಗಿ ಜಿಲ್ಲಾಡಳಿತ 9 ಮಾರ್ಚ್​ 2019 ಶಿವರಾತ್ರಿಯಂದು ಒಂದೇ ವೇದಿಕೆಯಲ್ಲಿ 1008 ಕನ್ಯೆಯರಿಗೆ ಸಾಮೂಹಿಕ ಪೂಜೆ ಮಾಡಲಾಗಿತ್ತು. ಈ ‘ಕನ್ಯಾ ಪೂಜೆ’ ಈಗ ಲಿಮ್ಕಾ ಬುಕ್​ ಆಫ್​ ವರ್ಲ್ಡ್​ ರಿಕಾರ್ಡ್ಸ್​​ 2020ಗೆ ಸೇರಿದೆ. ಲಿಮ್ಕಾ ಬುಕ್​ ಆಫ್​ ವರ್ಲ್ಡ್​ ರಿಕಾರ್ಡ್ಸ್ ಅವರು​ ಬುಧವಾರದಂದು ಇದರ ಸೂಚನೆಯನ್ನು ಜಿಲ್ಲಾಡಳಿತಕ್ಕೆ ಇ-ಮೇಲ್​ ಮೂಲಕ ತಿಳಿಸಿದ್ದಾರೆ. ಈ ಬಗ್ಗೆ ಜಿಲ್ಲಾಧಿಕಾರಿ ಋಗ್ವೇದ್​ ಠಾಕೂರ್​ ಖಚಿತಪಡಿಸಿದ್ದಾರೆ. ಲಿಮ್ಕಾ ಬುಕ್​ ಆಫ್​ ವರ್ಲ್ಡ್​ ರಿಕಾರ್ಡ್ಸ್ 2020ಯಲ್ಲಿ ಮಂಡಿ ಜಿಲ್ಲೆ ಸೇರಿರುವುದು ಜಿಲ್ಲೆ ಜನತೆಗೆ ಮಾತ್ರವಲ್ಲ ಈಡೀ ರಾಜ್ಯಕ್ಕೆ ಹೆಮ್ಮೆ ಪಡುವ ಸಂಗತಿಯಾಗಿದೆ ಎಂದು ಜಿಲ್ಲಾಧಿಕಾರಿ ಠಾಕೂರ್​ ತಿಳಿಸಿದರು.