ಹೈದರಾಬಾದ್: ಪ್ರತಿ ವರ್ಷ ನವೆಂಬರ್ 26 ರಂದು ಸ್ಥೂಲಕಾಯ ವಿರೋಧಿ ದಿನವನ್ನು ಆಚರಿಸಲಾಗುತ್ತದೆ. ಈ ದಿನವನ್ನು ಆಚರಿಸುವ ಮುಖ್ಯ ಉದ್ದೇಶ ಎಂದರೆ ಬೊಜ್ಜು ಮತ್ತು ಅದಕ್ಕೆ ಸಂಬಂಧಿಸಿದ ರೋಗಗಳ ಬಗ್ಗೆ ಜನರಿಗೆ ತಿಳಿಸುವುದು. ಅಲ್ಲದೇ ಬೊಜ್ಜು ಆರೋಗ್ಯಕ್ಕೆ ಹೇಗೆ ಅಪಾಯಕಾರಿ ಎಂಬುದರ ಬಗ್ಗೆ ಜಾಗೃತಿ ಮೂಡಿಸುವುದು ಈ ದಿನದ ಮುಖ್ಯ ಉದ್ದೇಶವಾಗಿದೆ.
ಭಾರತೀಯ ವೆಲ್ನೆಸ್ ಬ್ರಾಂಡ್ VLCC 2001 ರ ನವೆಂಬರ್ 26 ರಂದು ಕಾರ್ಪೊರೇಟ್ ಸಾಮಾಜಿಕ ಜವಾಬ್ದಾರಿ (CSR) ಚಟುವಟಿಕೆಯಾಗಿ ಸ್ಥೂಲಕಾಯ ವಿರೋಧಿ ದಿನವನ್ನು ಆಚರಿಸಲು ಪ್ರಾರಂಭಿಸಿತು. ಆದರೆ, ನಂತರ ಅದನ್ನು 2012 ರಲ್ಲಿ ವಿಶ್ವಸಂಸ್ಥೆಯ ವಿಶ್ವ ಆಹಾರ ಕಾರ್ಯಕ್ರಮ (WFP) ನೊಂದಿಗೆ ಸಂಯೋಜಿಸಲಾಯಿತು. WHO ಪ್ರಕಾರ, ಅಧಿಕ ತೂಕ ಮತ್ತು ಸ್ಥೂಲಕಾಯತೆಯಿಂದ ಪ್ರತಿ ವರ್ಷ 2.8 ಮಿಲಿಯನ್ ವಯಸ್ಕರು ಸಾಯುತ್ತಿದ್ದಾರೆ.
ಇದನ್ನೂ ಓದಿ: ವರ್ಕೌಟ್ ಮಾಡಲು ಮನಸ್ಸಿಲ್ಲದಿದ್ದಾಗ, ಈ ಸರಳ ವ್ಯಾಯಾಮ ಪಾಲಿಸಿ, ಫಿಟ್ ಆಗಿರಿ
ಕೆಲವರು ಅತಿ ಕಡಿಮೆ ಅವಧಿಯಲ್ಲಿ ಹೆಚ್ಚು ತೂಕ ಪಡೆಯುತ್ತಾರೆ ಮತ್ತು ಇದು ದೇಹದಲ್ಲಿ ವಿವಿಧ ಕಾಯಿಲೆಗಳಿಗೆ ಕಾರಣವಾಗುತ್ತದೆ. ನಮ್ಮ ದೇಹದಲ್ಲಿ ಸ್ಥೂಲಕಾಯತೆಯಿಂದ ಉಂಟಾಗಬಹುದಾದ ರೋಗಗಳ ಬಗ್ಗೆ ಇಲ್ಲಿದೆ ಮಾಹಿತಿ.
ಪರಿಧಮನಿಯ ಕಾಯಿಲೆ: ಹೆಚ್ಚಿನ ಸಂದರ್ಭಗಳಲ್ಲಿ, ಸ್ಥೂಲಕಾಯತೆಯು ಇಸ್ಕೆಮಿಕ್ ಸ್ಟ್ರೋಕ್ ಮತ್ತು ಪರಿಧಮನಿಯ ಅಪಧಮನಿ ಕಾಯಿಲೆಗೆ ಮುಖ್ಯ ಕಾರಣವಾಗಿದೆ. ಈ ಸ್ಥಿತಿಯಲ್ಲಿ ಅಪಧಮನಿಗಳ ಒಳಗೆ ಕೊಬ್ಬು ಮತ್ತು ಕೊಲೆಸ್ಟ್ರಾಲ್ ಸಂಗ್ರಹಗೊಳ್ಳಲು ಪ್ರಾರಂಭಿಸುತ್ತದೆ. ಇದು ಪಾರ್ಶ್ವವಾಯು ಅಪಾಯ ಹೆಚ್ಚಿಸುತ್ತದೆ. ಆರೋಗ್ಯ ತಜ್ಞರ ಪ್ರಕಾರ, ಬೊಜ್ಜು ರಕ್ತದೊತ್ತಡ, ಕೊಲೆಸ್ಟ್ರಾಲ್ ಮತ್ತು ಹೃದಯ ಸಂಬಂಧಿ ಕಾಯಿಲೆಗಳ ಅಪಾಯವನ್ನು ಹೆಚ್ಚಿಸುತ್ತದೆ.
ಟೈಪ್ 2 ಡಯಾಬಿಟಿಸ್: ಟೈಪ್ 2 ಡಯಾಬಿಟಿಸ್ ಹೊಂದಿರುವ ಹೆಚ್ಚಿನ ಜನರು ಅಧಿಕ ತೂಕ ಅಥವಾ ಬೊಜ್ಜು ಹೊಂದಿರುತ್ತಾರೆ. ತಜ್ಞರ ಪ್ರಕಾರ, ತೂಕ ನಷ್ಟ, ಸಮತೋಲಿತ ಆಹಾರ, ಸಾಕಷ್ಟು ನಿದ್ರೆ ಮತ್ತು ವ್ಯಾಯಾಮವು ಟೈಪ್ 2 ಮಧುಮೇಹದ ಅಪಾಯವನ್ನು ಕಡಿಮೆ ಮಾಡುತ್ತದೆ.
ಪಿತ್ತಕೋಶದ ಕಾಯಿಲೆ: ಆರೋಗ್ಯ ತಜ್ಞರ ಪ್ರಕಾರ, ಬೊಜ್ಜು ಹೊಂದಿರುವ ಜನರು ಪಿತ್ತಕೋಶದ ಕಾಯಿಲೆ ಅಥವಾ ಕಲ್ಲುಗಳನ್ನು ಅಭಿವೃದ್ಧಿಪಡಿಸುವ ಸಾಧ್ಯತೆ ಹೆಚ್ಚು. ಈ ಸ್ಥಿತಿಯಲ್ಲಿ ತೂಕವನ್ನು ಕಡಿಮೆ ಮಾಡುವುದು ಕಷ್ಟ. ಇದು ಪಿತ್ತಗಲ್ಲುಗಳ ಅಪಾಯವನ್ನು ಹೆಚ್ಚಿಸುತ್ತದೆ.
ಅಸ್ಥಿಸಂಧಿವಾತ: ಅಸ್ಥಿಸಂಧಿವಾತವು ಮೊಣಕಾಲು, ಸೊಂಟ ಅಥವಾ ಬೆನ್ನಿನ ಮೇಲೆ ಪರಿಣಾಮ ಬೀರುತ್ತದೆ. ಸ್ಥೂಲಕಾಯತೆ ಕೀಲುಗಳ ಮೇಲೆ ಹೆಚ್ಚುವರಿ ಒತ್ತಡವನ್ನು ಉಂಟುಮಾಡುತ್ತದೆ. ಇದರಿಂದಾಗಿ ಮೂಳೆಗಳು ಹೊಂದಿಕೊಳ್ಳುತ್ತವೆ. ತೂಕ ನಷ್ಟವು ಮೊಣಕಾಲುಗಳು, ಸೊಂಟ ಮತ್ತು ಬೆನ್ನಿನ ಮೇಲಿನ ಒತ್ತಡವನ್ನು ಕಡಿಮೆ ಮಾಡುತ್ತದೆ ಮತ್ತು ಅಸ್ಥಿಸಂಧಿವಾತದ ಸಂಭವವನ್ನು ತಡೆಯುತ್ತದೆ.
ನಿದ್ರೆ ವೇಳೆ ಗೊರಕೆ ಬರುವುದು: ಸ್ಥೂಲಕಾಯತೆಗೆ ನೇರವಾಗಿ ಸಂಬಂಧಿಸಿದ ಒಂದು ಕಾಯಿಲೆ ಎಂದರೇ, ಇದು ಜೋರಾಗಿ ಗೊರಕೆ ಉಂಟು ಮಾಡುತ್ತದೆ. ನಿದ್ದೆ ಮಾಡುವಾಗ ಸರಿಯಾದ ಉಸಿರಾಟವನ್ನು ಇದು ತಡೆಯುತ್ತದೆ. ನಿದ್ರೆಯಲ್ಲಿ ಉಸಿರುಕಟ್ಟುವಿಕೆ ಅಸಮರ್ಪಕ ವಿಶ್ರಾಂತಿ ಮತ್ತು ಬಳಲಿಕೆಯಿಂದಾಗಿ ಹೃದ್ರೋಗ ಮತ್ತು ಪಾರ್ಶ್ವವಾಯು ಅಪಾಯನ್ನು ಹೆಚ್ಚಿಸುತ್ತದೆ.
ಸ್ಥೂಲಕಾಯತೆ ಹೃದಯ ಬಡಿತ ಮತ್ತು ಯಕೃತ್ತಿನ ಸಮಸ್ಯೆಗಳನ್ನು ಹೆಚ್ಚಿಸುತ್ತದೆ. ತಜ್ಞರ ಪ್ರಕಾರ, ಸ್ಥೂಲಕಾಯದ ಜನರು ಕೆಲವು ರೀತಿಯ ಕ್ಯಾನ್ಸರ್ ಅಪಾಯವನ್ನು ಹೆಚ್ಚಿಸುತ್ತಾರೆ. ಹೆಚ್ಚಿನ ಮಹಿಳೆಯರಲ್ಲಿ ಬಂಜೆತನಕ್ಕೆ ಬೊಜ್ಜು ಕೂಡ ಒಂದು ಕಾರಣವಾಗಿದೆ.
ಬೊಜ್ಜಿಗೆ ಕಾರಣಗಳು:
- ಅನುವಂಶಿಕತೆ
- ಅನಾರೋಗ್ಯಕರ ಆಹಾರ ಪದ್ಧತಿ
- ಅನಾರೋಗ್ಯಕರ ಜೀವನಶೈಲಿ ಅಭ್ಯಾಸ
- ಜಡ ಜೀವನಶೈಲಿ
- ಕೆಲವೊಂದು ಭಾವನಾತ್ಮಕ ಅಂಶಗಳು
- ನಿದ್ದೆಯ ಕೊರತೆ
- ಔಷಧಗಳು
- ಆರೋಗ್ಯ ಸಮಸ್ಯೆಗಳು / ರೋಗಗಳು
- ಗರ್ಭಧಾರಣೆ
ಬೊಜ್ಜು ತಡೆಯುವ ಸಲಹೆಗಳು:
- ಆರೋಗ್ಯಕರವಾಗಿ ತಿನ್ನಿರಿ
- ನಿಯಮಿತ ವ್ಯಾಯಾಮ
- ಅತಿಯಾಗಿ ತಿನ್ನುವುದನ್ನು ತ್ಯಜಿಸಿ
- ವಿರಾಮ ತೆಗೆದುಕೊಳ್ಳಿ
- ಒತ್ತಡಗಳಿಂದ ಹೊರಬನ್ನಿ
- ಸರಿಯಾಗಿ ನಿದ್ರೆ ಮಾಡಿ
