ಅತಿಯಾದ ಹೆಡ್​ಫೋನ್​ ಬಳಕೆ ಭಾರತೀಯರಲ್ಲಿ ಕಿವುಡು ಮತ್ತು ಮಾತಿನ ಸಮಸ್ಯೆ; ವರದಿ

ಶಬ್ದ ಮಾಲಿನ್ಯ ತಡೆಯುವಲ್ಲಿ ಹೆಡ್​ಫೋನ್​ ಸಹಾಯಕವಾದರೂ, ಅತಿಯಾದ ಬಳಕೆ ಆರೋಗ್ಯಕ್ಕೆ ಕುತ್ತು ತರುತ್ತದೆ ಎಂದು ಅಧ್ಯಯನವೊಂದು ತಿಳಿಸಿದೆ.

ನವದೆಹಲಿ: ಹೆಡ್​ಫೋನ್​ ಅಥವಾ ಇಯರ್​ಫೋನ್​ ಅನ್ನು ಬಳಕೆ ಮಾಡುವವರ ಸಂಖ್ಯೆ ಇಂದು ಹೆಚ್ಚುತ್ತಿದೆ. ಇದರಲ್ಲಿ ಯಾವುದೇ ವಯಸ್ಸಿನ ತಾರತಮ್ಯ ಇಲ್ಲದಂತೆ ಎಲ್ಲರೂ ಹೆಡ್​​​​​​ಫೋನ್​ ಕೊಳ್ಳುತ್ತಿದ್ದಾರೆ. ಆದರೆ, ಅತಿಯಾದ ಹೆಡ್​ಫೋನ್​ ಬಳಕೆ ಮಾಡುವುದು ಕೇಳುವಿಕೆ ಅಥವಾ ಮಾತಿನ ಸಮಸ್ಯೆಗೆ ಕಾರಣವಾಗುತ್ತದೆ ಎಂದು ಹೊಸ ಅಧ್ಯಯನವೊಂದು ತಿಳಿಸಿದೆ.

ಇಂಡಿಯನ್​ ಸ್ಪೀಚ್​ ಅಥವಾ ಇಯರಿಂಗ್​ ಅಸೋಸಿಯೇಷನ್​ (ದೆಹಲಿ ಬ್ರಾಂಚ್​) ಈ ಬಗ್ಗೆ ವರದಿಯೊಂದನ್ನು ನೀಡಿದೆ. ಈ ಅಧ್ಯಯನಕ್ಕಾಗಿ ದೆಹಲಿಯ ಎನ್​ಸಿಆರ್​ ಮತ್ತು ಜಮ್ಮು ಮತ್ತು ಕಾಶ್ಮೀರ ಪ್ರದೇಶದಲ್ಲಿ ಮನೆ - ಮನೆ ಸಮೀಕ್ಷೆ ನಡೆಸಿದ್ದು, ಇದು ಸಂವಹನ ಸಮಸ್ಯೆಗೆ ಕಾರಣವಾಗುವ ಕುರಿತು ಅಧ್ಯಯನ ನಡೆಸಲಾಗಿದೆ.

ಸಂವಹನ ಸಮಸ್ಯೆಗಳ ಹರಡುವಿಕೆ ಶೇ 3ರಷ್ಟು ಹೆಚ್ಚಿದೆ. ಜೊತೆಗೆ ಈ ಕುರಿತು ಅರಿವಿನ ಮಟ್ಟ ಶೇ 11ರಷ್ಟು ಕಡಿಮೆ ಇದೆ. 19 ರಿಂದ 25 ವರ್ಷದವರಲ್ಲಿ 41. 2ರಷ್ಟು ಈ ಕೇಳುವಿಕೆ ಸಮಸ್ಯೆ ಹೆಚ್ಚಿಸಿದೆ. 26 ರಿಂದ 60 ವರ್ಷದವರಲ್ಲಿ ಶೇ 69.4ರಷ್ಟು ಕೇಳುವಿಕೆ ಸಮಸ್ಯೆ ಕಂಡು ಬಂದಿದೆ ಎಂದು ಸಾರ್ವಜನಿಕ ಆರೋಗ್ಯ ತಜ್ಞ ಮತ್ತು ಕೇಂದ್ರ ಆರೋಗ್ಯ ಸಚಿವರ ಸಲಹೆಗಾರರಾದ ಡಾ ರಾಜೇಂದ್ರ ಪ್ರತಾಪ್​ ಗುಪ್ತಾ ತಿಳಿಸಿದ್ದಾರೆ.

ಮೊಬೈಲ್​ ಪೀಳಿಗೆಯ ಕಾಲದಲ್ಲಿ ಇದೊಂದು ಎಚ್ಚರಿಕೆ ಗಂಟೆಯಾಗಿದೆ. ಇದು ವಿವೇಚನಾರಹಿತವಾಗಿ ಬಳಕೆ ಮಾಡುವುದನ್ನು ನಿಲ್ಲಿಸುವಂತೆ ಸೂಚಿಸಿದೆ. ಇಲ್ಲದೇ ಹೋದಲ್ಲಿ ಹೆಡ್​ಫೋನ್​ ಬದಲಾಗಿ ಇಯರಿಂಗ್​ ಹೆಡ್ಸ್​ ಬಳಸುವ ಸಮಯ ಬರುತ್ತದೆ ಎಂದು ಅವರು ತಿಳಿಸಿದ್ದಾರೆ.

ಮೇಯಿಂದ ಜೂನ್​ನವರೆಗೆ ದೆಹಲಿಯ ಎನ್​ಸಿಆರ್​ ಮತ್ತು ಜಮ್ಮು ಮತ್ತು ಕಾಶ್ಮೀರದಲ್ಲಿ ಒಟ್ಟು 53,801 ಜನರನ್ನು ಈ ಕುರಿತಂತೆ ಸಮೀಕ್ಷೆ ನಡೆಸಲಾಗಿದೆ. ದೆಹಲಿಯ ಎನ್​ಸಿಆರ್​ನಲ್ಲಿ 10, 228 ಕುಟುಂಬ ಮತ್ತು 53, 801 ಮಂದಿಯನ್ನು ಸಮೀಕ್ಷೆ ನಡೆಸಲಾಗಿದೆ. ಮತ್ತು ಜಮ್ಮು ಮತ್ತು ಕಾಶ್ಮೀರದಲ್ಲಿ 1,257 ಕುಟುಂಬಗಳ 6,000 ಜನರನ್ನು ಸಮೀಕ್ಷೆ ನಡೆಸಲಾಗಿದೆ.

ಸಮೀಕ್ಷೆಯಲ್ಲಿ ಸಂವಹನದ ಸಮಸ್ಯೆ ಹರಡುವಿಕೆ ಶೇ 3.05ರಷ್ಟಿದೆ. ದೆಹಲಿ - ಎನ್​ಸಿಆರ್​ನಲ್ಲಿ ಶೇ 6.17ರಷ್ಟು ಮತ್ತು ಕಾಶ್ಮೀರದಲ್ಲಿ 2.4ರಷ್ಟು ಸಮಸ್ಯೆ ಕಂಡು ಬಂದಿದೆ.

ದೆಹಲಿ - ಎನ್​ಸಿಆರ್​ನಲ್ಲಿ ಮಾತು ಶಬ್ಧ ಸಮಸ್ಯೆ(ಎಸ್​ಎಸ್​ಡಿ) ಸಮಸ್ಯೆ 6 ರಿಂದ 12 ವರ್ಷದವರಲ್ಲಿ ಅತಿ ಹೆಚ್ಚು ಅಂದರೆ 42.4ರಷ್ಟು ಕಂಡು ಬಂದಿದೆ. 13-18 ವರ್ಷದವರಲ್ಲಿ ಶೇ 31.1ರಷ್ಟು ದಾಖಲಾಗಿದೆ. ಮಾತಿನ ಸರಾಗ ಸಮಸ್ಯೆ 6 ರಿಂದ 12 ವರ್ಷದಲ್ಲಿ ಶೇ 20.7ರಷ್ಟು ಮತ್ತು 13 ರಿಂದ 18 ವರ್ಷದವರಲ್ಲಿ ಶೇ 17.1ರಷ್ಟಿದೆ. ಮಾತಿನ ಸಮಸ್ಯೆ 0-5ವರ್ಷದವರಲ್ಲಿ ಶೇ 69ರಷ್ಟು ಮತ್ತು 13-18ರಲ್ಲಿ ಶೇ 48.2ರಷ್ಟಿದೆ.

ಧ್ವನಿ ಸಮಸ್ಯೆ ಹರಡುವಿಕೆ ವಿವಿಧ ವಯೋಮಾನದವರಲ್ಲಿ ವಿಭಿನ್ನವಾಗಿದೆ. ಇದರಲ್ಲಿ ಶೇ 19-25 ವರ್ಷದವರಲ್ಲಿ ಶೇ 17ರಷ್ಟು ಮತ್ತು 13 ರಿಂದ 18ವರ್ಷದವರಲ್ಲಿ ಶೇ 11.6ರಷ್ಟು ಪತ್ತೆಯಾಗಿದೆ.

ಈ ಸಮಸ್ಯೆಗಳ ಕುರಿತು ತರಬೇತಿ ಪಡೆದ ವೃತ್ತಿಪರರು ಈ ಕುರಿತು ಜನರಲ್ಲಿ ತಿಳಿ ಹೇಳುವ ಪ್ರಯತ್ನ ನಡೆಸಬೇಕಿದೆ. ಜೊತೆಗೆ ರಾಷ್ಟ್ರೀಯ ಕುಟುಂಬ ಆರೋಗ್ಯ ಸಮೀಕ್ಷೆ (ಎನ್​ಎಫ್​ಎಚ್​ಎಸ್​) ಈ ಕುರಿತು ಅರಿವು ಮೂಡಿಸಲು ರಾಷ್ಟ್ರಾದ್ಯಂತ ಪ್ರಚಾರ ನಡೆಸಬೇಕಿದೆ.

ಡಿಜಿಟಲ್​ ಕಾಲದಲ್ಲಿ ಗೆಜೆಡ್​​ ಸಂಬಂಧಿಸಿದಂತೆ ಅಪಾಯವೂ ಹೆಚ್ಚಿದೆ. ಇದು ಮಾತು ಮತ್ತು ಕೇಳುವಿಕೆ ಸಮಸ್ಯೆಗೆ ಕಾರಣವಾಗುತ್ತದೆ. ಜೊತೆಗೆ ಈ ಸಂಬಂಧ ಸಮಸ್ಯೆಗಳ ಕುರಿತು ಅರಿವು ಮೂಡಿಸಲು ತಂತ್ರಜ್ಞಾನವನ್ನು ಬಳಸಿಕೊಳ್ಳುವ ಅವಶ್ಯಕತೆ ಇದೆ ಎಂದು ಅವರು ತಿಳಿಸಿದ್ದಾರೆ.

ಇದನ್ನೂ ಓದಿ: ವೃದ್ಧರಲ್ಲಿ ನೆನಪಿನ ಶಕ್ತಿ ಹೆಚ್ಚಿಸುತ್ತದೆ ಡಿಜಿಟಲ್​ ಒಗಟಿನ ಆಟಗಳು