ಬೆಂಗಳೂರು: ಆರೋಗ್ಯ ವಲಯದಲ್ಲಿ ಹಲವಾರು ಐತಿಹಾಸಿಕ ದಾಖಲೆಗಳನ್ನು ಹೊಂದಿರುವ ವೈದ್ಯಕೀಯ ಕ್ಷೇತ್ರವು ಇದೀಗ ಕ್ಯಾನ್ಸರ್ ರೋಗ ನಿವಾರಣೆಗಾಗಿ ಸತತ ಪ್ರಯತ್ನ ನಡೆಸುತ್ತಿದೆ. ಭವಿಷ್ಯದಲ್ಲಿ ಮಾರಕ ರೋಗಕ್ಕೆ ಲಸಿಕೆಯ ಮೂಲಕ ಚಿಕಿತ್ಸೆ ನೀಡುವ ಸಂಬಂಧ ಸಾಕಷ್ಟು ಸಂಶೋಧನೆ ನಡೆಯುತ್ತಿದೆ. ಲಸಿಕೆಗಾಗಿ ನಡೆಯುತ್ತಿರುವ ದಶಕಗಳ ಸಂಶೋಧನೆಯ ಬಳಿಕ ಇದೀಗ ಸಂಶೋಧಕರು ಮಹತ್ವದ ಘಟ್ಟಕ್ಕೆ ಬಂದಿದ್ದಾರೆ. ಮುಂದಿನ ಐದು ವರ್ಷದಲ್ಲಿ ಕ್ಯಾನ್ಸರ್ ಲಸಿಕೆ ಲಭ್ಯವಾಗುವ ನಿರೀಕ್ಷೆ ಇದೆ. ಇದು ರೋಗವನ್ನು ತಡೆಗಟ್ಟುವ ಸಂಪ್ರದಾಯಿಕ ಲಸಿಕೆ ಅಲ್ಲ. ಆದರೆ, ಟ್ಯೂಮರ್ ಅನ್ನು ಕಿರಿದಾಗಿಸುವ ಲಸಿಕೆಯಾಗಿದ್ದು, ಕ್ಯಾನ್ಸರ್ ಬಾರದಂತೆ ತಡೆಯುತ್ತದೆ. ಸ್ತನ ಮತ್ತು ಶ್ವಾಸಕೋಶ ಕ್ಯಾನ್ಸರ್ ಸೇರಿದಂತೆ ಹಲವು ಚಿಕಿತ್ಸೆಯ ಪ್ರಯೋಗದ ಗುರಿಯನ್ನು ಇದು ಹೊಂದಿದೆ ಎನ್ನುವುದು ಸಂಶೋಧಕರ ಅಭಿಪ್ರಾಯ.
ಕೆಲವು ಕಾರ್ಯಕ್ಕೆ ನಾವು ಸಜ್ಜಾಗಿದ್ದೇವೆಯ ಆದರೆ ಈ ನಿಟ್ಟಿನಲ್ಲಿ ಇನ್ನೂ ಹೆಚ್ಚು ಉತ್ತಮವಾದ ಕೆಲಸಗಳನ್ನು ಮಾಡಬೇಕಿದೆ ಎಂದು ಡಾ. ಜೇಮ್ಸ್ ಗುಲ್ಲೆ ತಿಳಿಸಿದ್ದಾರೆ. ಕ್ಯಾನ್ಸರ್ಗಳು ಹೇಗೆ ದೇಹದ ಪ್ರತಿರಕ್ಷಣಾ ವ್ಯವಸ್ಥೆಯನ್ನು ಕಣ್ಮರೆ ಮಾಡುತ್ತವೆ ಎಂಬುದನ್ನು ವಿಜ್ಞಾನಿಗಳು ಅರ್ಥೈಸಿಕೊಳ್ಳಬೇಕಿದೆ. ಇಮ್ಯೂನೋ ಥೆರಪಿಯಂತಹ ಕ್ಯಾನ್ಸರ್ ಲಸಿಕೆಗಳು ದೇಹದ ಪ್ರತಿರಕ್ಷಣಾ ವ್ಯವಸ್ಥೆಯನ್ನು ಉತ್ತೇಜಿಸಿ, ಕ್ಯಾನ್ಸರ್ ಕೋಶಗಳನ್ನು ಸಾಯಿಸುತ್ತವೆ. ಕೆಲವು ಹೊಸವುಗಳು ಎಆರ್ಎನ್ಎ ಬಳಕೆ ಮಾಡುತ್ತವೆ. ಕೋವಿಡ್ 19 ಲಸಿಕೆ ಮೊದಲ ಬಳಕೆಯಲ್ಲಿ ಇದು ಅಭಿವೃದ್ಧಿಯಾಗಿದೆ ಎಂದು ಹೇಳಿದ್ದಾರೆ.
ಟಿ ಕೋಶದ ವಿರುದ್ದ ಹೋರಾಟ: ಲಸಿಕೆ ಕಾರ್ಯಕ್ಕೆ ಪ್ರತಿರಕ್ಷಣೆಯಲ್ಲಿನ ಟಿ ಕೋಶದ ಬಗ್ಗೆ ಪತ್ತೆ ಮಾಡಬೇಕಿದ್ದು, ಇದು ಕ್ಯಾನ್ಸರ್ನಷ್ಟೇ ಅಪಾಯಕಾರಿ ಎಂದು ಡಾ. ನೊರಾ ಡೈಸಿಸ್ ಹೇಳುತ್ತಾರೆ. ಟಿ ಕೋಶಗಳು ದೇಹದ ಯಾವುದೇ ಕಡೆ ಸಂಚರಿಸಬಹುದಾಗಿದ್ದು, ಅಪಾಯಕಾರಿ ಕೂಡಾ. ಕ್ರಿಯಾಶೀಲ ಟಿ ಕೋಶಗಳು ಹೆಚ್ಚಾಗಿ ಪಾದಗಳಲ್ಲಿ ಕಂಡುಬರುತ್ತವೆ. ಇದು ರಕ್ತನಾಳದ ಮೂಲಕ ಟಿಶ್ಯೂಗೆ ಸಂಚರಿಸುತ್ತವೆ ಎಂದಿದ್ದಾರೆ.
ಕಳೆದ ಫೆಬ್ರವರಿಯಲ್ಲಿ ಸ್ತನ ಕ್ಯಾನ್ಸರ್ಗೆ ತುತ್ತಾದ ಕಥ್ಲೀನ್ ಜೆಡ್ ಎಂಬವರು ಕಳೆದ ವಾರ ತಮ್ಮ ಮೂರನೇ ಪ್ರಯೋಗಿಕ ಲಸಿಕೆಗೆ ಕಾದಿದ್ದರು. ಸರ್ಜರಿಗೆ ಮುನ್ನವೇ ಆಕೆಯ ಟ್ಯೂಮರ್ ಲಸಿಕೆಯಿಂದ ಸಂಕುಚಿತಗೊಳ್ಳುತ್ತದೆ ಎಂಬುದನ್ನು ಗಮನಿಸಬೇಕಿದೆ. ಈ ಸಂಬಂಧ ಸ್ವಲ್ಪವಾದರೂ ಸುಧಾರಣೆ ಕಂಡರೆ ಇದು ದೊಡ್ಡ ಅವಕಾಶಕ್ಕೆ ದಾರಿಯಾಗಲಿದೆ. ಈಗಾಗಲೇ ಆಕೆ ಗುಣಮಟ್ಟಣದ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಲಸಿಕೆ ಚಿಕಿತ್ಸೆಯ ಪ್ರಗತಿ ದೊಡ್ಡ ಸವಾಲುದಾಯಕವಾಗಿದೆ. ಮೊದಲಿಗೆ ಪ್ರೊವೆಂಜ್ ಅನ್ನು 2010ರಲ್ಲಿ ಅಮೆರಿಕ ಅನುಮೋದಿಸಿತು. ಇದು ಪ್ರಾಸ್ಟೇಟ್ ಕ್ಯಾನ್ಸರ್ ಹರಡುವ ವಿರುದ್ಧದ ಚಿಕಿತ್ಸೆಯಾಗಿದೆ. ಇದಕ್ಕೆ ರೋಗಿಗಳ ಸ್ವತಃ ಪ್ರತಿ ರಕ್ಷಣೆಯ ಕೋಶಗಳು ಪ್ರಯೋಗಾಲಯದಲ್ಲಿ ಬೇಕಾಗುತ್ತದೆ. ಅವುಗಳನ್ನು IV ಮೂಲಕ ಮತ್ತೆ ನೀಡಲಾಗುವುದು. ಈ ಹಿಂದೆ ಆರಂಭಿಕ ಬ್ಲಾಡರ್ ಕ್ಯಾನ್ಸರ್ ಮತ್ತು ಸುಧಾರಿತ ಮೆಲೊನೊಮಾಗೆ ಕೂಡ ಲಸಿಕೆ ಚಿಕಿತ್ಸೆ ನೀಡಲಾಗಿದೆ.
ಅನೇಕ ಕ್ಯಾನ್ಸರ್ಗಳನ್ನು ತಡೆಯುವ ಲಸಿಕೆ ಚಿಕಿತ್ಸೆಗಳು ಭವಿಷ್ಯದಲ್ಲಿ ಬರಬೇಕಿದೆ. ದಶಕದ ಹಿಂದೆ ಹೆಪಟೈಟಿಸ್ ಬಿ ಲಸಿಕೆಯನ್ನು ಯಕೃತ್ ಕ್ಯಾನ್ಸರ್ಗೆ ನೀಡಲಾಗಿದೆ. 2006ರಲ್ಲಿ ಗರ್ಭಕಂಠ ಕ್ಯಾನ್ಸರ್ಗೆ ಎಚ್ಪಿವಿ ಲಸಿಕೆ ನೀಡಲಾಯಿತು. 11 ವರ್ಷದ ಹಿಂದೆ ಮರ್ಸೆರ್ ದ್ವೀಪದ ಬಳಿಕ ಜೆಮ್ಮಿ ಕ್ರೆಸ್ಗೆ ಅಂಡಾಶಯದ ಕ್ಯಾನ್ಸರ್ಗೆ ಮೊದಲ ಬಾರಿಗೆ ಲಸಿಕೆ ನೀಡಲಾಯಿತು. 34 ವರ್ಷದ ಕ್ರೆಸ್ನಲ್ಲಿ ಸುಧಾರಿತ ಅಂಡಾಶಯದ ಕ್ಯಾನ್ಸರ್ ಪತ್ತೆಯಾಯಿತು. ಆಕೆ ಸತ್ತೇ ಹೋಗುತ್ತಾಳೆ ಎಂದು ಸ್ನೇಹಿತರು ನಂಬಿದ್ದರು. ಆದರೆ ಈಗ ಆಕೆಗೆ 50 ವರ್ಷವಾಗಿದ್ದು, ಕ್ಯಾನ್ಸರ್ ಗೆದ್ದಿದ್ದಾಳೆ. ಆಕೆಗೆ ಲಸಿಕೆ ಸಹಾಯ ಮಾಡಿದ್ಯಾ? ಎಂಬುದು ಆಕೆಗೂ ಗೊತ್ತಿಲ್ಲ. ಆದರೂ ನಾನು ಬದುಕಿದ್ದೇನೆ ಎನ್ನುತ್ತಾಳೆ.
ಇದನ್ನೂ ಓದಿ: ಎಡಭಾಗದ ಯಕೃತ್ತು ಬಲಭಾಗದಲ್ಲಿ! ಕರುಳಿನ ಕ್ಯಾನ್ಸರ್ನಿಂದ ಬಳಲುತ್ತಿದ್ದ ಮಹಿಳೆಗೆ ಯಶಸ್ವಿ ಶಸ್ತ್ರಚಿಕಿತ್ಸೆ
