ಕೃತಕ ಸಿಹಿಕಾರಕ ಆಸ್ಪರ್ಟೇಮ್​ನಲ್ಲಿ ಕ್ಯಾನ್ಸರ್​​ಗೆ ಕಾರಣವಾಗುವ ಅಂಶ... ಆದರೂ ಸುರಕ್ಷಿತ ಎಂದ ಡಬ್ಲ್ಯೂಹೆಚ್​ಒ

ಕೃತಕ ಸಿಹಿಕಾರಕ ಆಸ್ಪರ್ಟೇಮ್​ ಆರೋಗ್ಯದ ಪರಿಣಾಮಗಳ ಮೌಲ್ಯಮಾಪನ ಕುರಿತು ಇಂಟರ್ನ್ಯಾಷನಲ್​ ಏಜೆನ್ಸಿ ಫಾರ್​ ರಿಸರ್ಚ್​ ಆನ್​ ಕ್ಯಾನ್ಸರ್​ ಮತ್ತು ವಿಶ್ವ ಆರೋಗ್ಯ ಸಂಸ್ಥೆ ಮತ್ತು ಆಹಾರ ಮತ್ತು ಕೃಷಿ ಸಂಸ್ಥೆ ತಜ್ಞರು ವರದಿ ಬಿಡುಗಡೆ ಮಾಡಿದೆ.

ನವದೆಹಲಿ: ಕೃತಕ ಸಿಹಿಕಾರಕವಾದ ಆಸ್ಪರ್ಟೇಮ್​ ಅಲ್ಲಿ ಸಂಭಾವ್ಯ ಕಾರ್ಸಿನೋಜೆನ್​ ಇದ್ದು, ಇದನ್ನು ಕ್ಯಾನ್ಸರ್​ಕಾರಕ ಏಜೆಂಟ್​​ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಲೇಬಲ್​ ಮಾಡಿದೆ. ಅಸ್ಪರ್ಟೇಮ್​ ಅನ್ನು ಪಾನೀಯ, ಚೂಯಿಂಗ್​ ಗಮನ್​, ಜಿಲಾಟಿನ್​, ಐಸ್​ಕ್ರೀಂ ಮತ್ತು ಡೈರಿ ಉತ್ಪನ್ನಗಳಲ್ಲಿ ಬಳಕೆ ಮಾಡಲಾಗುತ್ತದೆ. ಸಿಹಿಕಾರಕ ಆಸ್ಪರ್ಟೇಮ್​ ಆರೋಗ್ಯದ ಪರಿಣಾಮಗಳ ಮೌಲ್ಯಮಾಪನ ಕುರಿತು ಇಂಟರ್ನ್ಯಾಷನಲ್​ ಏಜೆನ್ಸಿ ಫಾರ್​ ರಿಸರ್ಚ್​ ಆನ್​ ಕ್ಯಾನ್ಸರ್​ ಮತ್ತು ವಿಶ್ವ ಆರೋಗ್ಯ ಸಂಸ್ಥೆ ಮತ್ತು ಆಹಾರ ಮತ್ತು ಕೃಷಿ ಸಂಸ್ಥೆ ತಜ್ಞರು ವರದಿ ಬಿಡುಗಡೆ ಮಾಡಿದೆ.

ಆಸ್ಪರ್ಟೇಮ್​ನಲ್ಲಿರುವ ಕಾರ್ಸಿನೋಜೆನಿಸಿಟಿ ಹೇಗೆ ಕ್ಯಾನ್ಸರ್​​ಗೆ ಕಾರಣವಾಗುತ್ತದೆ ಎಂಬುದರ ಕುರಿತು ಪುರಾವೆ ಇಲ್ಲ. ಇದು ಕ್ಯಾನ್ಸರ್​ಗೆ ಕಾರಣವಾಗುವ ಸಾಧ್ಯತೆಯನ್ನು ಹೊಂದಿದೆ ಎಂದು ತಿಳಿಸಿದ್ದಾರೆ. ಆಸ್ಪರ್ಟೇಮ್​​ನಲ್ಲಿ ಕ್ಯಾನ್ಸರ್​ಗೆ ಕಾರಣವಾಗುವ ಅಂಶಗಳಲ್ಲಿ 300 ವಿವಿಧ ವರ್ಗದಲ್ಲಿ ಒಂದಾಗಿದೆ. ಇದರಲ್ಲಿ ಆಲೋವೆರಾ ತಿರುಳು, ಏಷ್ಯಾನ್​ ಮಾದರಿ ಉಪ್ಪಿನಕಾಯಿ, ಮರಗೆಲಸದಲ್ಲೂ ಈ ಅಂಶಗಳು ಇದೆ ಎಂದಿದ್ದಾರೆ.

ನಾವು ಗ್ರಾಹಕರಿಗೆ ಆಸ್ಪರ್ಟೇಮ್​ ಅನ್ನು ಸೇವಿಸುವುದು ನಿಲ್ಲಿಸುವುದು ಬೇಡ ಎಂದು ಸಲಹೆ ನೀಡುವುದಿಲ್ಲ. ಅವರಿಗೆ ಅದನ್ನು ಸುಧಾರಿತ ಪ್ರಮಾಣದಲ್ಲಿ ಸೇವನೆ ಮಾಡುವಂತೆ ಸಲಹೆ ನೀಡುತ್ತೇವೆ ಎಂದು ಡಾ.ಪ್ರಾನ್ಸೆಸ್ಕೊ ಬ್ರಾನ್ಕಾ ತಿಳಿಸಿದ್ದಾರೆ.

ಏನಿದು ಆಸ್ಪರ್ಟೇಮ್​: ಕಡಿಮೆ ಕ್ಯಾಲೋರಿಯ ಕೃತಕ ಸಿಹಿಕಾರಕ ಇದಾಗಿದ್ದು, ಸಕ್ಕರೆಗಿಂತ 200ರಷ್ಟು ಸಿಹಿ ಇದರಲ್ಲಿ ಹೆಚ್ಚಿರುತ್ತದೆ. ಇದು ಬಿಳಿ ಬಣ್ಣದ ಪುಡಿಯಾಗಿದ್ದು, ವಿಶ್ವಾದ್ಯಂತ ಕೃತಕ ಸಿಹಿಕಾರಕವಾಗಿ ಇದನ್ನು ಬಳಸಲಾಗುತ್ತದೆ. ಅಮೆರಿಕ ಮತ್ತು ಯುರೋಪ್​ನಲ್ಲಿ ಅನೇಕ ಆಹಾರ, ಪಾನೀಯಗಳಿಗೆ ಇದನ್ನು ಹೆಚ್ಚಾಗಿ ಬಳಕೆ ಮಾಡುತ್ತಾರೆ. ಅಷ್ಠೇ ಅಲ್ಲದೇ, ಕೆಮ್ಮಿನ ಡ್ರಾಪ್ಪ್​ನಲ್ಲೂ ಬಳಕೆ ಮಾಡಲಾಗುತ್ತಿದೆ. ಇದು ತೂಕದ ನಷ್ಟಕ್ಕೆ ಕೂಡ ಸಹಾಯವಾಗುವುದಿಲ್ಲ.

ಜಾಗತಿಕವಾಗಿ ಇಂದು ಹೆಚ್ಚು ಜನರ ಸಾವಿಗೆ ಕ್ಯಾನ್ಸರ್​ ಕಾರಣವಾಗಿದೆ. ಪ್ರತಿ ವರ್ಷ ಆರರಲ್ಲಿ ಒಬ್ಬರು ಕ್ಯಾನ್ಸರ್​ನಿಂದ ಸಾವನ್ನಪ್ಪುತ್ತಿದ್ದಾರೆ. ಕ್ಯಾನ್ಸರ್​ಗೆ ಕಾರಣವಾಗಿವ ಅಂಶಗಳ ಕುರಿತು ವಿಜ್ಞಾನ ಕ್ಷೇತ್ರದಲ್ಲಿ ನಿರಂತರ ಅಧ್ಯಯನ ನಡೆಯುತ್ತಿದೆ. ಈ ಮೂಲಕ ಇದರ ಸಂಖ್ಯೆ ತಗ್ಗಿಸುವ ಪ್ರಯತ್ನ ಸಾಗಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆಯ ಡಾ.ಪ್ರಾನ್ಸೆಸ್ಕೋ ಬ್ರಾನ್ಸ್​ ತಿಳಿಸಿದ್ದಾರೆ.

ವ್ಯಕ್ತಿಯೊಬ್ಬ ದಿನಕ್ಕೆ 200 ಅಥವಾ 300 ಮಿ. ಗ್ರಾಂ ಅಸ್ಪರ್ಟೇಮ್​ ಹೊಂದಿರುವ ಪಾನೀಯವನ್ನು ಸೇವಿಸಬಹುದಾಗಿದೆ. ವ್ಯಕ್ತಿಯೊಬ್ಬ ಪ್ರತಿನಿತ್ಯ ನಿಗದಿತ ಮಿತಿಯಲ್ಲಿ ಇದನ್ನು ಸೇವಿಸುವುದರಿಂದ ಯಾವುದೇ ಹಾನಿ ಇಲ್ಲ. ಇದು ಸುರಕ್ಷಿತ ಎಂದು ಕೂಡ ಸಮಿತಿ ತಿಳಿಸಿದೆ. ಈ ಕ್ಯಾನ್ಸರ್​ಕಾರಕ ಅಂಶಗಳು ಆಸ್ಪರ್ಟೇಮ್​ ಡೋಸ್​ಗಳ ಬಳಕೆಯ ಸುರಕ್ಷತೆ ಪ್ರಮುಖ ಕಾಳಜಿ ಇಲ್ಲದಿದ್ದರೂ, ಅವುಗಳ ಪರಿಣಾಮ ಕುರಿತು ಹೆಚ್ಚಿನ ಅಧ್ಯಯನ ಮಾಡಬೇಕಿದೆ. ಮಾನವರಲ್ಲಿ ಕ್ಯಾನ್ಸರ್​​ಗೆ ಸೀಮಿತ ಪುರಾವೆ ಇದ್ದು, ಇದನ್ನು ಪ್ರಾಯಶಃ, ಕ್ಯಾನ್ಸರ್​ ಜನಕ ಎಂದು ವರ್ಗೀಕರಿಸಿದೆ. ಆಸ್ಪರ್ಟೇಮ್​ ಸೇವನೆಯು ಕ್ಯಾನ್ಸರ್​​ ಅಪಾಯವನ್ನುಂಟುಮಾಡುತ್ತದೆ ಎಂಬುದರ ಕುರಿತು ಹೆಚ್ಚಿನ ಸಂಶೋಧನೆ ಅಗತ್ಯ ಇದೆ ಎಂದು ತಿಳಿಸಿದೆ.

ಇದನ್ನೂ ಓದಿ: ಸ್ವಯಂ ನಿರೋಧಕ ಕಾಯಿಲೆಯ ಚಿಕಿತ್ಸಾ ಗುಣಹೊಂದಿದೆ ಕೃತಕ ಸಿಹಿಕಾರಕಗಳು